唐詩詠開腔回應與伍允龍緋聞!依然對戀愛保持佛系心態!細數歷年5段緋聞

唐詩詠開腔回應與伍允龍緋聞!依然對戀愛保持佛系心態!細數歷年5段緋聞

娛樂新聞
By Stephanie on 25 Feb 2022
Digital Content Writer

唐詩詠自入行以來都有唔少緋聞,但就一直都未能搵到理想嘅對象,令唔少網民都替佢感到焦急。近日,有傳媒就大爆唐詩詠疑似戀上電視劇《鐵拳英雄》拍檔伍允龍,喺宣傳活動過後親自揸跑車載男方離開!

唐詩詠同伍允龍被傳媒拍到二人一齊喺宣傳活動後離開!Photo from TVB

# 疑似與伍允龍熱戀中?!

現年40歲嘅唐詩詠日前被爆出與電視劇《鐵拳英雄》嘅拍檔伍允龍擦出愛火花,仲被傳媒目擊情人節當日出席宣傳後,親自駕駛黑色跑車接走男方,二人關係似乎非常友好!

唐詩詠同伍允龍被爆因為拍劇而傳出戀情?!Photo from TVB

不過唐詩詠好快就向傳媒澄清同伍允龍只係朋友關係,指對方喺拍戲嘅時候非常照顧佢,因此變成好友!佢仲講笑咁話自己已經過咗傳緋聞嘅年紀,而且劇集已經拍完2年似乎係舊聞。睇嚟對感情事依然保持佛系心態~

唐詩詠對外澄清同伍允龍只係朋友關係!Photo from TVB

唐詩詠入行至今已經23年,一直都被指符合普遍大眾對女友嘅要求,獲封為「絕世好女友」;而佢亦曾經有過幾段轟轟烈烈嘅戀情,但始終都未能搵到如意郎君,情路坎坷。宜家就等我哋回顧一下佢過往嘅戀情啦!

# 余文樂

剛入行嘅時候,有傳唐詩詠因為拍攝《青春@Y2K》而同余文樂撻着,戀情僅維持1年多;後來有傳男方因為愛上盧巧音而導致分手。

有傳唐詩詠同余文樂拍攝電視劇而相戀?!Photo from 《青春@Y2K》

有指男方後來戀上盧巧音Photo from 余文樂IG

# 崔建邦

2005年,唐詩詠同崔建邦因為合作主持節目《K-100》而相戀,二人交往多年,男方不時與其他女星傳出緋聞。2006年尾曾經移情別戀愛上模特兒Louisa;但隔年二人又復合,經歷離離合合,最終於2009年分手!

2005年,崔建邦同唐詩詠因為《K-100》而傳出戀情!Photo from 崔建邦IG

交往期間,傳二人曾經分開過5次!Photo from TVB

# 洪永城

唐詩詠喺2014年拍攝電視劇《載得有情人》而戀上劇中搭檔洪永城,不過男方亦經常同其他女星傳緋聞,不過唐詩詠都表示十分信任對方。有傳二人因為未能對結婚問題達成共識,導致4年情斷!

唐詩詠因拍攝《載得有情人》同洪永城相戀!Photo from TVB

不過二人疑似對未來未能達成共識而分手!Photo from 洪永城IG

# 陳思銘

2018年尾,唐詩詠多次被傳媒拍到與「英識教育」創辦惹陳思銘約會,但佢都一一否認戀情。直到2020年,男方喺IG上載長文「她生命中出現了另一位男主角」,似乎暗示情已逝,亦令網民不禁猜測新男主角係邊位!

唐詩詠被多次拍到與陳思銘拍拖?!Photo from 陳思銘IG

#馬國明

馬明同唐詩詠早於2009年合作《鐵馬尋橋》而變成好友,有指當時二人都互有好感,可惜當時女方已經有伴侶,最終大家都只係以契兄妹相稱!佢哋嘅感情一直都非常好,仲因此而經常傳出緋聞,唔少網民都非常睇好二人;而傳聞亦隨住馬明公開於湯洛雯戀愛而不攻自破!

唐詩詠同馬明認識多年,並以契兄妹稱呼大家!Photo from 唐詩詠IG

佢哋仲因為關係太好,過去多次傳出緋聞!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

唐詩詠雙眼皮變得極深邃? ! 網民:以前個樣仲順眼!

12 Oct , 2021

廣告
廣告

視后唐詩詠(Natalie)最近有份出演TVB熱播中嘅電視劇《我家無難事》,不過就罕有地並非擔正做女主角!而佢喺劇中佢深邃嘅雙眼皮就引起咗關注,令唔少網民懷疑佢有整容嫌疑?!

唐詩詠最近於劇中嘅樣貌唔同咗?!Photo from 唐詩詠IG

#入行至今18年!

唐詩詠(Natalie)於2003年正式出道,曾參與多部經典劇集《當四葉草碰上劍尖時》、《法政先鋒》等,並於2017年成功憑《不懂撒嬌的女人》奪得「視后」殊榮,演技實力備受肯定!早前就有傳佢萌生離巢嘅念頭,不過佢好快就作出澄清表示「同TVB嘅合約仲有排」!

唐詩詠入行多年,甚有觀眾緣!Photo from 唐詩詠IG

唐詩詠於2017年獲得視后獎項!Photo from TVB

#睽違接近2年再次出現幕前!

而唐詩詠亦有參與拍攝TVB熱播中嘅電視劇《我家無難事》,於劇中同馬德鐘飾演兩夫婦,不過就並唔係做女一。由於觀眾們都已經接近2年冇睇到佢嘅作品,因此佢喺劇中嘅表現依然成功引起網民關注。

唐詩詠於《我家無難事》與馬德鐘飾演夫婦!Photo from TVB

由於呢個作品係唐詩詠睽違接近2年再次出現於電視,令唔少觀眾感到十分興奮。Photo from TVB

#樣貌唔同咗?!

不過,有唔少網民就發現唐詩詠喺劇中嘅樣貌似乎有少少唔同咗,同以往唔同嘅係佢嘅雙眼皮變得十分深邃,不禁令網民懷疑佢有整容之嫌?!

有網民發現唐詩詠於《我家無難事》嘅雙眼皮特別深邃?!Photo from TVB

唔少網民認為唐詩詠可能有整容嫌疑?!Photo from TVB

#網民:而家有啲奇怪!

有唔少網民就覺得唐詩詠突然深邃嘅雙眼皮,令佢嘅樣貌睇落有啲奇怪,認為以前嘅佢就已經好靚!亦有網民話佢劇中嘅搭檔馬德鐘雙眼都變得好奇怪,認為連佢都有整容嘅嫌疑?!

唔少網民都認為唐詩詠而家嘅樣貌十分唔自然!Photo from TVB YouTube

有網民指連馬德鐘嘅雙眼都變得比以前奇怪?!Photo from TVB

#出道時雙眼皮並唔明顯!

回顧返剛剛出道嘅作品,唐詩詠於出道作《當四葉草碰上劍尖時》只係得22歲,所以當時佢嘅樣貌同演技都好青澀,飾演高中學生都完全冇違和感!當時嘅佢雙眼十分大,不過就係單眼皮,令佢嘅鄰家女孩形象更加深入民心。

唐詩詠嘅出道作品為《當四葉草遇上劍尖時》,當時嘅佢只係得22歲!Photo from TVB

唐詩詠青春無敵嘅模樣同當時嘅角色非常合襯!Photo from TVB

#清純氣質成功吸引觀眾!

而唐詩詠亦成功憑著清純嘅氣質,贏得唔少觀眾嘅愛戴,一直接拍唔同嘅劇集,十分有觀眾緣。相比之下,佢嘅五官其實並唔算有太大嘅變化,唯獨雙眼有比較明顯嘅變化,變成咗雙眼皮!

其實唐詩詠嘅五官並冇太大嘅變化!Photo from TVB

#自爆有髮線問題!

現年40歲嘅唐詩詠早前仲喺活動上自爆,幾年前就已經開始面臨緊「髮線向後移」嘅問題,主要原因應該就係因為工作壓力太大而引致,所以就話拍攝完TVB劇集《隱形戰隊》將會放一段長假,好好休息下!

唐詩詠早前就話自己有髮線向後移嘅困擾!Photo from 唐詩詠IG

唐詩詠表示完成手頭上嘅工作後,將會安排休假。Photo from 唐詩詠IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel