《流行都市》10位富貴主持大檢閱!身家億萬+超多副業 寵物都享3個工人?

《流行都市》10位富貴主持大檢閱!身家億萬+超多副業 寵物都享3個工人?

電視電影 娛樂新聞
By Cheryl on 25 Feb 2022
Digital Editor

TVB資訊節目《流行都市》與前身《都市閒情》同樣介紹生活與健康資訊,當中一班主持都非富則貴,例如老臣子安德尊就有「元朗地王」稱號,連新加入嘅主持都唔惹少,大搞副業賺外快,以下落嚟就睇下呢10名主持生活有幾豪啦!

《流行都市》一班主持生活富貴又大搞副業?Photo from TVB

#安德尊

人稱「大王」嘅安德尊據聞有龐大嘅家族生意,而佢本人亦在多年來購入大批地皮起樓和炒地舖,更被稱為「元朗地王」,而且佢於加拿大都擁有物業,身家以億計算,更曾被好友譚小環笑稱為「安億萬」。據悉,富有嘅安德尊會經常請同事食飯,接job亦唔計較薪酬,相當慷慨。

安德尊家族強大,佢本人都有好多物業,而平時對其他同事都相當慷慨。Photo from 章志文IG

#彭慧中

有指彭慧中家族擁時裝貿易公司,在內地與本地設多間廠房。據聞其父親於2008年以2,100萬買入3,000呎康樂園獨立屋畀家人自住,而彭慧中平時亦以價值60多萬嘅房車代步。

彭慧中 IGPhoto from 彭慧中 IG

《我要做業主》TVBPhoto from 《我要做業主》TVB

#宋芝齡

中韓混血兼安德尊緋聞女友宋芝齡在2008年開始同旅港韓籍記者合作,開辦韓語學校,至今生意良好,搞得有聲有色,有指其月入達六位數,係約TVB人工嘅十倍。佢亦有開設移民生意,幫助想到韓國嘅香港人做投資移民。遇上疫情,佢曾被問旗下學校執笠未,宋芝齡則表示「未執得」,相當穩陣,佢近年亦有投身金融業「炒輪」。

屋企好有格調。Photo from 宋芝齡 IG

宋芝齡曾與安得尊傳緋聞。Photo from 宋芝齡 IG

據聞宋芝齡揸百萬名車出入,可謂圈中隱形富婆,而佢飼養嘅名種愛犬Borzoi都好幸福,有傳媒曾拍到有三位工人服侍Borzoi。

宋芝齡好錫愛犬。Photo from 宋芝齡 IG

#劉彩玉

初頭以歌手身份出道嘅劉彩玉2000年下嫁前香港壁球代表隊,兼前香港體育學院壁球總教練蔡玉坤,現時更係香港體育學院副院長,在體壇別具地位。劉彩玉形容佢同丈夫係一凹一凸,一動一靜,表示五音不全嘅丈夫鐘意聽自己唱歌,而相比熱愛壁球嘅丈夫,自己則無任何運動細胞。

劉彩玉可謂大台元祖級主持。Photo from 劉彩玉 FB

同老公好幸福Photo from 劉彩玉 FB

#姚嘉妮

姚嘉妮同丈夫林祖輝在2013年開設童裝生意,據聞身家過億,品牌至今已開了6間分店,當中元朗舖更逾千呎,品牌更獲多個知名運動品牌嘅獨家童裝代理,早前更傳出有意上市,真係越做越大。

姚嘉妮好識搞生意。Photo from 姚嘉妮 IG

從佢IG相可見,其居所空間都幾大,露台外一片綠色園景,採光度十足,感覺好舒適。

屋企採光度好好,Photo from 姚嘉妮 IG

睡房Photo from 姚嘉妮 IG

#張美妮

廣告
廣告

張美妮父母曾經營餐廳生意,而佢本人現時亦係髮型屋老闆娘,擁數間分店。張美妮在2013年更開設了西式餐廳。育有一名2歲女兒嘅佢於今年初復出,重返電視台,更在《開心大綜藝》中同張嘉兒、孟瑤、陳爽組成「辣媽女團」勁歌熱舞。

張美妮現時經營生意,仲有多間分店。Photo from 張美妮 IG

#謝芷倫

謝芷倫除了在《愛.回家之開心速遞》中飾演大小姐(林淑敏 飾)嘅秘書Mandy林美香一角,亦係《流行都市》主持之一,佢不時在社交網分享生活點滴,可見佢居住嘅豪宅係複式設計,空間好大,同時擁巨型露台。

謝芷倫屋企空間超大。Photo from 謝芷倫 IG

謝芷倫在家中拍fitness片曝光超多落地玻璃窗。Photo from 謝芷倫 IG

照片亦可見佢經常出入遊艇會、打高爾夫球、玩Wakesurf,相當愜意。佢早前更投資6位數開設花膠生意,獲「花膠公主」稱號,一嘗做老闆滋味。

謝芷倫常出海,更會揸船。Photo from 謝芷倫 IG

謝芷倫設立花膠品牌,升呢做「花膠公主」。Photo from 謝芷倫 IG

#黃嘉雯

2019年港姐冠軍黃嘉雯家底雄厚,家住市值半億嘅1,800呎海名軒豪宅。參選港姐時佢已被拍到與瑞士籍男友一起外出,任職市場策劃嘅男友當時仲教黃嘉雯刪除社交網部分相片,避免起底;男友亦為了黃嘉雯而搬到香港定居,相當恩愛。

黃嘉雯 IGPhoto from 黃嘉雯 IG

#蔡嘉欣

落選港姐蔡嘉欣不時在IG曬名牌手袋,更曾拍片大曬自己手持$40萬現金出外辦理匯款,佢除了經營網上時裝店,亦有代理美容保健品。雖然佢被不少網民直批太愛炫富,但無阻佢分享做副業賺取外快嘅點滴。

蔡嘉欣入行前已係一名KOL。Photo from 蔡嘉欣 IG

曾曬出一櫃名牌袋。Photo from 蔡嘉欣 IG

蔡嘉欣試過直接將$40萬現金帶出街辦理匯款。Photo from 蔡嘉欣 IG

#焦浩軒

焦浩軒家境不錯,小學五年級時跟家人移居加拿大生活,其後畢業於知名學府哥倫比亞大學,當時主修會計及副修國際貿易,佢好多同學畢業後擔任會計師,收入豐厚,但焦浩軒唔想工作咁悶,最後決定回港追尋演員夢,並考入TVB電視藝員訓練班,曾參演《愛.回家之開心速遞》、《十月初五的月光》等劇集,近年亦成為《都市閒情》,到現在《流行都市》主持之一。

焦浩軒畢業於海外名校,之後決定回港追夢。Photo from 焦浩軒 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel