陳曉東老婆晒奢侈Hermès冷門袋款,網民嘲品味差:似幾十蚊便宜貨

陳曉東老婆晒奢侈Hermès冷門袋款,網民嘲品味差:似幾十蚊便宜貨

娛樂新聞
By Jennifer on 28 Feb 2022
Digital Editor

陳曉東同老婆王妤嫻同樣中意名牌,王妤嫻更係Hermès嘅擁躉,擁有多款愛馬仕包包。日前佢喺小紅書大晒Hermès袋,更為其抱不平:「愛馬仕不該冷門的款」,但網民就大撥冷水指個袋唔靚,似幾十蚊便宜貨。

陳曉東同老婆王妤嫻同樣中意名牌Photo from 陳曉東 微博

陳曉東太太王妤嫻熱愛Hermès

現年46歲嘅陳曉東2014年與台灣護士女友王妤嫻結婚,婚後育有兩個女兒。陳曉東同太太興趣相近,兩人都中意名牌,早年佢哋夫婦曾到日本掃貨,並喺IG大晒戰利品。

現年46歲嘅陳曉東2014年與台灣護士女友王妤嫻結婚Photo from 陳曉東 微博

早年陳曉東夫婦曾到日本掃貨,並喺IG大晒戰利品。Photo from 陳曉東 IG

王妤嫻雖然比老公陳曉東細14歲,但兩人結婚8年依然恩愛,陳曉東更不時買名牌袋贈予妻子。王妤嫻係Hermès Fans,更疑似為咗配貨而入手價值逾3千人民幣嘅Hermès鉛筆套、香水set、及針線包。

王妤嫻係Hermès Fans,更疑似為咗配貨而入手價值逾3千人民幣嘅Hermès鉛筆套、香水set、及針線包。Photo from 王妤嫻 小紅書

王妤嫻晒Hermès冷門袋款Berline Mini

從佢以往晒過嘅Hermès袋估計佢擁有價值過百萬嘅Hermès珍藏!熱愛名牌嘅王妤嫻日前就喺小紅書分享一個冷門袋款更為其「平反」,指呢款袋:「愛馬仕不該冷門的款」

從王妤嫻以往晒過嘅Hermès袋估計佢擁有價值過百萬嘅Hermès珍藏Photo from 王妤嫻 小紅書

熱愛名牌嘅王妤嫻日前就喺小紅書分享一個冷門袋款更為其「平反」Photo from 王妤嫻 小紅書

王妤嫻推介嘅款式係「Hermès Berline Mini」火烈鳥色,Berline Bag 於2011年推出,顏色較為鮮艷,售價約為$4萬多港元。王妤嫻大讚Berline「無敵好裝東西」,又指同Kelly To Go款相似但「更好用又可愛」,佢稱Hermès迷要認識一下。

王妤嫻推介嘅款式係「Hermès Berline Mini」火烈鳥色Photo from 王妤嫻 小紅書

王妤嫻大讚Berline「無敵好裝東西」,又指同Kelly To Go款相似但「更好用又可愛」Photo from 王妤嫻 小紅書

網民直言唔好睇:看不出來是愛馬仕

不過網友就唔係好欣賞呢個款,表示個袋好奇怪,變成冷門款都好正常,又話個袋款式似車座椅,直言:「看不出來是愛馬仕」、「像幾十的包」。王妤嫻一一回應,首先強調實物「漂亮實用」,又大讚個袋耐用耐磨,更形容為「不嬌氣的小可愛」,睇得出佢真係好中意呢款Berline Mini!

不過網友就唔係好欣賞呢個款,表示個袋好奇怪,變成冷門款都好正常Photo from 王妤嫻 小紅書

網民話個袋款式似車座椅Photo from 王妤嫻 小紅書

網友直言:「看不出來是愛馬仕」、「像幾十的包」Photo from 王妤嫻 小紅書

王妤嫻強調實物「漂亮實用」,又大讚個袋耐用耐磨Photo from 王妤嫻 小紅書

王妤嫻曾大數Hermès熱門款缺點

其實王妤嫻中意冷門款早有跡象,雖然入手咗Hermès唔同袋款,但佢曾大彈熱門款嘅缺點,包括Mini Lindy,佢指袋太細裝唔到嘢,好唔實用;另一熱門款Birkin佢亦嫌「開包很麻煩」,個袋又重,直言:「不明白怎麼那麼多人排著買它」

王妤嫻雖然入手咗Hermès唔同袋款,但曾大彈熱門款嘅缺點Photo from 王妤嫻 小紅書

Hermès另一熱門款Birkin王妤嫻亦嫌「開包很麻煩」,個袋又重,直言:「不明白怎麼那麼多人排著買它」Photo from 王妤嫻 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《姊妹淘》主持相約主題樂園齊晒名牌!富貴行頭大比拼!盤點眾人Hermès袋珍藏

20 Oct 2021

TVB《姊妹淘》雖然停播但一班主持人近日就相約去主題樂園玩。吳若希、莊思敏、蔡嘉欣、陳詩欣、王子涵5人更孭名牌手袋出巡,大晒富貴行頭。當中超過一半人都有孭Hermès手袋,即睇佢哋嘅珍藏!

TVB《姊妹淘》雖然停播但一班主持人近日就相約去主題樂園玩Photo from 莊思敏 IG

《姊妹淘》相約迪士尼齊晒名牌

《姊妹淘》主持人有唔少,之前一直有不和傳聞,但喺節目停播後佢哋都大嘆可惜,私底下亦有互相聯絡,最近吳若希、莊思敏、蔡嘉欣、陳詩欣、王子涵5人就一齊去迪士尼玩。

《姊妹淘》主持人有唔少,之前一直有不和傳聞,但喺節目停播後佢哋都大嘆可惜,私底下都有互相聯絡Photo from 王子涵 IG

佢哋喺IG公開合照,個個都充滿少女心戴上公仔頭箍,除此之外主持人嘅一身行頭亦十分引人注目!

佢哋喺IG公開合照,個個都充滿少女心戴上公仔頭箍Photo from 蔡嘉欣 IG

《姊妹淘》嘅唔少集數都有提及各款名牌手袋,包括如何保養、選購等,主持人更拎出佢哋嘅私伙手袋,分享當時買袋嘅原因。

廣告
廣告

《姊妹淘》嘅唔少集數都有提及各款名牌手袋,包括如何保養、選購等,主持人更拎出佢哋嘅私伙手袋Photo from 《姊妹淘》

陳詩欣行頭最低調,不久前入手人生第一個Hermès手袋

陳詩欣最近獲男友求婚,即將晉升幸福人妻,佢當日就孭咗價值約一萬幾嘅Chloé手袋,相較其他人佢低調得多。

陳詩欣最近獲男友求婚,即將晉升幸福人妻,佢當日就孭咗價值約一萬幾嘅Chloé手袋Photo from 陳詩欣 IG

之前佢上蔡嘉欣嘅YouTube Channel時就提到無幾耐前先買咗人生第一個Hermès手袋,不過靚袋啱啱到手嘅佢表示已諗好下一個袋買咩款!「入坑」勁快!

之前陳詩欣上蔡嘉欣嘅YouTube Channel時就提到無幾耐前先買咗人生第一個Hermès手袋Photo from 蔡嘉欣 YouTube

靚袋啱啱到手嘅陳詩欣表示已諗好下一個袋買咩款!「入坑」勁快!Photo from 陳詩欣 IG

王子涵最愛Dior手袋

王子涵嘅Dior手袋價值逾3萬,佢之前嘅IG相都有出現過呢個袋,相信佢都十分愛惜~雖然爸爸係王晶,但王子涵平日嘅IG都好少出現名牌手袋,就算孭都係Dior袋而唔係「炒款袋」,比較低調。

王子涵(右二)嘅Dior手袋價值逾3萬Photo from 王子涵 IG

王子涵之前嘅IG相都有出現過呢個袋,相信佢十分愛惜~Photo from 王子涵 IG

吳若希孭Hermès Kelly

吳若希仲帶埋老公、愛女一齊去玩!佢孭藍色Hermès Kelly 25,仲係特別定製款,官方售價約為$76,400港元,呢個袋雖然官方價唔貴,但炒價高達$20萬!

吳若希仲帶埋老公、愛女一齊去玩!佢孭藍色Hermès Kelly 25Photo from 吳若希 IG

其實吳若希都有唔少Hermès手袋,包括Hermès Lindy、Hermès Roulis。

吳若希都有唔少Hermès手袋,包括Hermès LindyPhoto from 吳若希 IG

吳若希有橙色Hermès RoulisPhoto from 吳若希 IG

莊思敏孭Hermès Lindy Mini,曾於《姊妹淘》晒私伙Hermès袋

大馬拿篤女莊思敏都有孭Hermès Lindy Mini,Lindy Mini係2019年推出嘅款式,官方售價約$6,150美元,不過手袋一經推出即十分受歡迎,連VIP都未必有貨!炒價亦勁高,逾$10萬。

大馬拿篤女莊思敏都有孭Hermès Lindy MiniPhoto from 莊思敏 IG

佢本身都有好多款Hermès手袋,之前喺《姊妹淘》就晒過3個私伙Hermès袋,包括橙色嘅Birkin、Kelly 40、Kelly to go,合計總值超過$30萬!佢仲有啡色嘅Hermès 24/24。

莊思敏之前喺《姊妹淘》就晒過3個私伙Hermès袋Photo from 莊思敏 IG

莊思敏有3個Hermès袋,包括橙色嘅BirkinPhoto from 《姊妹淘》

《姊妹淘》Photo from 《姊妹淘》

莊思敏仲有啡色嘅Hermès 24/24。Photo from 莊思敏 IG

蔡嘉欣孭Hermès Constance,Hermès fans珍藏勁多款式!

至於蔡嘉欣作為Hermès嘅fans,本身都有好多珍藏!佢曾經喺IG晒過Evelyne、Garden Party、Constance、Roulis、Picotin、Lindy等各種唔同嘅款式。

蔡嘉欣作為Hermès嘅fans,本身都有好多珍藏!佢曾經喺IG晒過EvelynePhoto from 蔡嘉欣 IG

蔡嘉欣有一個啡色Hermès RoulisPhoto from 蔡嘉欣 IG

蔡嘉欣喺IG晒出PicotinPhoto from 蔡嘉欣 IG

蔡嘉欣有各種唔同款式嘅Hermès袋。Photo from 蔡嘉欣 IG

另外Hermès最經典嘅Kelly,佢當然都有!佢喺YouTube就曾分享葡萄紫同芝麻色Kelly。

另外Hermès最經典嘅Kelly,佢當然都有!蔡嘉欣喺YouTube就曾分享葡萄紫同芝麻色Kelly。Photo from 蔡嘉欣 YouTube

而佢帶去迪士尼嘅手袋相信係Hermès Constance bag,Constance系列越嚟越難買,佢之前喺IG分享嘅相片中就曾經出現過呢個袋,呢個袋亦係熱門款式,炒價超過$10萬!網民表示估唔到蔡嘉欣嘅Hermès袋比起「富婆」莊思敏、王子涵等更多、更富貴!

蔡嘉欣之前喺IG分享嘅相片中就曾經出現過呢個袋。Photo from 蔡嘉欣 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel