download HolidaySmart 假期日常 app
家族榮耀︱4位女角豪宅逐間睇!全擁無敵靚景 熊黛林家值過億!

家族榮耀︱4位女角豪宅逐間睇!全擁無敵靚景 熊黛林家值過億!

電視電影 娛樂新聞
By Cheryl on 28 Feb 2022
Digital Editor

劇集《家族榮耀》雲集多位港星,多位女主演楊茜堯(原名楊怡)、熊黛林李彩華陳曼娜在劇中生活豪華、打扮富貴,並為各種利益互相鬥爭。現實中,佢哋嘅居住環境都唔惹少,同樣有大露台和開揚景觀,以下一於睇下各人嘅豪宅,唔知你又最鐘意邊間呢?

《家族榮耀》雲集多位港星一齊鬥演技。Photo from 《家族榮耀》

#熊黛林

41歲熊黛林在劇中飾演大少奶,現實中嘅佢在2016年與身家上億嘅郭可頌結婚,二人育有一對女兒,一家四口住在東半山過億豪宅。家居環境以白色為主,風格簡潔,屋內有大露台,熊黛林曾上載於露台健身嘅照片,可以望住靚景做運動真係心曠神怡。

熊黛林屋企裝潢檢閱清新。Photo from 熊黛林 IG

望住靚景做瑜伽。Photo from 熊黛林 IG

去年中秋,熊黛林一家更一起佈置家居慶節,溫馨又有氣氛。

熊黛家居環境以白色為主。Photo from 熊黛林 IG

上年中秋嘅露台,掛有好多迷你燈籠好可愛~Photo from 熊黛林 IG

#楊茜堯

42歲楊茜堯(原名楊怡)2016年與羅子溢(原名羅仲謙)拉埋天窗後育有一子一女,一家人住在比華利山別墅湖景道一間近2000呎豪宅,早前兩夫婦為女兒悉心佈置屋企,開派對慶祝愛女誕生100日。

楊茜堯同丈夫羅子溢一家住豪宅好幸福。Photo from 楊茜堯 IG

楊茜堯不時在社交網大曬家庭照,佢曾分享一張照片,係愛女「小珍珠」坐在BB椅上,面對大露台睇無敵靚海景,連馬國明都留言話「呢啲咪豪宅囉」。比華利山別墅環境清幽宜人,私隱度高,所以吸引了不少名人,例如張繼聰與謝安琪、黃浩與徐淑敏等居住。

楊茜堯愛女「小珍珠」細細個已經有靚海景睇。Photo from 楊茜堯 IG

#李彩華

38歲李彩華係圈中小富婆,佢早前透露曾被內地富二代力追,即使對方開價一億都無法打動彩華。努力搵錢嘅佢至今手持12個物業,遍佈香港、澳洲、英國等地,有傳佢身家已達兩億。李彩華現時定居上海,以月租10萬居住黃金地段嘅千呎豪宅單位。

李彩華自爆曾有富二代追佢,但唔想放棄事業嘅佢拒絕追求。Photo from 李彩華 微博

早前佢分享過一張露台照,可見嗰度相當闊落,放置枱凳和數個盆栽後仍有充足空間,李彩華坐到將腳放上枱顯得好舒適。

露台好開揚~Photo from 李彩華 微博

#陳曼娜

除咗三位女主角,在劇中演奶奶嘅陳曼娜在現實中都唔弱,佢投資眼光獨到,早年襯沙士、金融風暴時入貨再作長線投資,近年就因為嫌香港樓價貴,而轉向投資海外物業,據聞佢身家早已過億。

陳曼娜住在超過2千呎豪宅。Photo from 陳曼娜 FB

陳曼娜現時獨居於紅磡嘅2,500呎豪宅,樓底高空間大,內擁雲石地板、高身玻璃置物櫃、紅酒櫃等,仲有270度無敵維港全海景。屋企咁靚,難怪佢不時邀請圈中好友到家聚會。

空間超大Photo from 陳曼娜 FB

無敵大海景Photo from 陳曼娜 FB

紅酒櫃Photo from 陳曼娜 FB

未有疫情時好適合在家中大搞派對~Photo from 陳曼娜 FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel