林盛斌Bob疫情下賺錢搬大屋?!過往住3千呎獨立屋!老婆Pearl吸金力同樣驚人!

林盛斌Bob疫情下賺錢搬大屋?!過往住3千呎獨立屋!老婆Pearl吸金力同樣驚人!

娛樂新聞
By Stephanie on 01 Mar 2022
Digital Content Writer

疫情持續2年多,各行各業都受到唔少影響,經濟大受打擊!不過有「金牌司儀」之稱嘅林盛斌(Bob)似乎就未有太大 影響,一家6口離開居住咗3年嘅3000呎3層獨立屋,搬去空間更加大嘅豪宅

Bob疫情期間依然賺到錢,搬到新屋居住!Photo from 林盛斌IG

# 有傳Bob一場活動已經賺6位數!

現年42歲嘅林盛斌(Bob)曾於節目中被C君大爆一年賺$2,000萬,後來憑著豐富嘅主持經驗獲邀出席唔少商業活動擔任司儀,有傳每場活動嘅酬勞足足有6位數咁多!

Bob曾經被C君大爆一年賺到2千萬!Photo from 林盛斌IG

Bob亦有大呻疫情期間令婚禮司儀嘅工作少咗好多!Photo from 林盛斌IG

# 搬往更加大嘅九龍塘豪宅!

吸金力極強嘅Bob喺疫情下依然密密接job,賺到唔少錢~日前,佢就上載居住咗3年嘅3層獨立屋,寫上「拜拜!多謝你呢3年為我哋遮風擋雨」,已經同家人一齊搬屋!而佢接受媒體訪問時透露新屋同樣喺九龍區,但就指只係舊屋完約先搬屋,希望可以有更多空間俾小朋友活動 !

Bob早前就表示自己同家人已經搬離3層獨立屋!Photo from 林盛斌IG

佢向傳媒透露只係希望家人可以享受舒適嘅居住環境!Photo from 林盛斌IG

# 舊居已經非常大!

其實Bob本身居住嘅3層獨立屋都有3,000呎咁大,空間都十分充裕!客廳擺放咗一張粉紅色嘅沙發,而隔離仲有張按摩椅,平時Bob亦會同4位小朋友睇電影,共享天倫之樂~

客廳空間大,放假嘅時候亦經常同家人一齊睇電視!Photo from 林盛斌IG

就算4位小朋友同時一齊喺客廳跳舞都絕對冇問題~Photo from 林盛斌IG

# 經常邀請朋友作客~

飯廳嘅位置放置咗一張超級大嘅圓枱,Bob偶爾亦會邀請朋友去屋企玩,大時大節亦會同家人一齊慶祝!而後方嘅白色置物櫃就擺放咗唔同嘅餐具,而飯廳仲有超級大嘅拱形玻璃窗,充滿懷舊感~

Bob平時亦非常重視同家人慶祝生日,非常有儀式感~Photo from 林盛斌IG

而飯廳後方就放置咗白色置物櫃Photo from 林盛斌IG

Bob都會邀請朋友去屋企作客~Photo from 林盛斌IG

# 小朋友遊玩地方多!

而Bob曾經上載4位小朋友喺書房內齊齊online上堂嘅畫面,而書櫃上都有唔同嘅書,令到房間化身做小課室,非常搞笑!創意無限嘅小朋友仲將樓梯自製成滑梯,等細佬喺疫情期間都可以玩得盡興~

小朋友們都各自擁有自己嘅書枱Photo from 林盛斌IG

小朋友將樓梯變成滑梯,仲放置咗好多軟墊,非常安全!Photo from 林盛斌IG

屋企有充氣嘅小型游泳池,就算足不出戶都唔會悶~Photo from 林盛斌IG

# Bob嫂事業都非常順利!

事實上,Bob 嘅太太Pearl唔單止負責照顧屋企嘅小朋友,仲有經營自己嘅生意。據悉,Pearl本身係一位中西玄學家,多數以塔羅占卜術等;非常有生意頭腦嘅Pearl仲會推出自家商品,例如:靈氣香皂等,成功吸引一班客戶!

Bob嫂唔單止係全職主婦,仲有自己搞生意~Photo from Pearl IG

Pearl本身鍾意整手工藝,而且亦會收費進行占卜!Photo from 林盛斌IG

廣告
廣告

除此之外,Pearl再同朋友開網店,主要出售保養品、健康產品等,經常都開Live推銷產品,親力親為!而網店都成功吸引一班家庭主婦支持,吸金力同Bob一樣非常驚人!

Bob嫂嘅網店主要出售美容產品,仲會用自己做生招牌~Photo from Pearl IG

宜家正在開網店嘅佢會成日開Live推銷產品Photo from Pearl IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林盛斌Bob被爆一年賺$2000萬!由電台Sales變隱形富豪!身家達半億住3層獨立豪宅

21 Apr , 2021

TVB節目《大整蠱》首集阿Bob(林盛斌)再成整蠱對象,節目中C君@農夫爆料佢曾一年賺$2,000萬,入行初期佢僅獲底薪6、7千,至今已成圈中隱形富豪!

TVB節目《大整蠱》首集阿Bob(林盛斌)再成整蠱對象Photo from TVB

41歲嘅阿Bob喺2013年出演李思捷節目《玩嘢王》,做婚禮司儀嘅佢被連番整蠱,但仍盡力「執生」,當年更成為「金牌婚禮MC」。

41歲嘅阿Bob喺2013年出演李思捷節目《玩嘢王》,做婚禮司儀嘅佢被連番整蠱Photo from TVB

阿Bob當年成為「金牌婚禮MC」Photo from TVB

喺《大整蠱》第一集,主持人之一嘅C君就大爆:「佢嗰年賺咗$2,000萬,係真㗎!」,有傳阿Bob係「爆騷王」,各種商業活動都會邀請佢做司儀,酬勞亦相當可觀,每場高達6位數字。

喺《大整蠱》第一集,主持人之一嘅C君就大爆:「佢嗰年賺咗$2,000萬,係真㗎!」Photo from TVB

有傳阿Bob係「爆騷王」,各種商業活動都會邀請佢做司儀Photo from TVB

雖然阿Bob未曾正面回應收入,但佢一家6口由加多利山3,000呎豪宅搬去九龍塘三層獨立屋,相信近呢幾年應該賺唔少。

阿Bob一家6口由加多利山3,000呎豪宅搬去九龍塘三層獨立屋Photo from 林盛斌IG

林盛斌IGPhoto from 林盛斌IG

其實佢大專畢業後喺新城電台做咗9個月sales,呢份係佢人生中第一份工,阿Bob回想起當年嘅銷售成績,認為算唔錯,阿Bob曾經喺IG長文中指:「由起初底薪六七千蚊,只係短短半年時間,到我離職嘅時候差唔多出緊六七萬一個月」

阿Bob回想起當年嘅銷售成績,認為算唔錯Photo from 林盛斌IG

到2003年佢正式成為電台DJ,並參與節目《新香蕉俱樂部》,2012年加入TVB後佢有更多做MC嘅機會,呢幾年除咗做電視節目嘅主持,亦接咗好多job,甚至仲開埋公司做老闆。

阿Bob2003年佢正式成為電台DJ,並參與節目《新香蕉俱樂部》,2012年加入TVB後佢有更多做MC嘅機會Photo from 林盛斌IG

阿Bob密密做司儀,job接job,吸金力超驚人,有指佢已成圈中隱形富豪,身家達半億,現時一家六口住九龍塘豪宅,連C君都感歎「大過地球」!

阿Bob密密做司儀,job接job,吸金力超驚人,有指佢已成圈中隱形富豪Photo from 林盛斌IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel