盲婚試愛：日本篇｜28歲普莉亞背景顯赫引關注 日印混血+世界小姐 祖父仲做過市長？

Netflix戀愛真人騷《盲婚試愛：日本篇》近日上架後引起不少話題，節目找來了11位女生和13位男生進行聯誼配對，當中28歲女參加者吉川普莉亞人氣不錯，原來佢背景猛料，曾當選日本小姐冠軍之餘，仲參加過世界小姐，而祖父更出任過市長添！

Photo from Netflix

《盲婚試愛》係Netflix人氣戀愛綜藝節目，美國版和巴西版都充滿戲劇性發展，而日本版則相對「貼地」，令不少亞洲觀眾睇得更有共鳴。節目吸引之處係，參加者起初聊天時都不能看到對方外貌，如果交談後仍能產生情愫，就可開口求婚，雙方同意嘅話就代表配對成功，情侶們之後會被安排同居三週，如果雙方仍確認相愛，最後就會舉行婚禮。

Photo from Netflix

Photo from Netflix

28歲日印混血參加者背景非凡？

今次《盲婚試愛：日本篇》搵嚟11位女性和13位男性參加者，其中一位最引人注目嘅參與者係28歲嘅吉川普莉亞（Priyanka Yoshikawa），佢係一名日本與印度混血兒，媽媽係日本人，爸爸則為印度人，更有指佢祖父曾經出任市長。

Photo from IG @ priyankayoshikawa

普莉亞多才多藝，更係選美冠軍

普莉亞身材高挑，身高達176cm。普莉亞童年曾在美國加州、印度、日本居住，並精通日語、印度語和英文。十多歲開始便參與模特兒、廣告和時尚秀等活動，多才多藝嘅佢除了擔任過口譯員，參與美術治療工作外，佢同時更有馴象師執照。

Photo from IG @ priyankayoshikawa

Photo from IG @ priyankayoshikawa

2016年，普莉亞當選日本小姐冠軍，之後更代表國家參家世界小姐，打入前20名。雖然當時有網民不滿大會選擇以一名混血兒代表日本參賽，但仍有不少人認為大家不應以血緣否定別人。

Photo from 世界小姐日本代表大會官網

節目中和年青餐廳老闆配對

普莉亞在2020年創立了自家健康及護膚品牌，佢參加《盲婚試愛：日本篇》時都係以企業家自居。佢在節目中與29歲餐廳老闆水樹成功配對，兩人起初相當甜蜜，不過經過一番了解和相處後，普莉亞認為水樹對未來嘅展望與計劃與自己不符，所以決定終止關係，而水樹雖然難免失望，但都尊重普莉亞決定，二人最終和平分手。

Photo from IG @ priyankayoshikawa

相關文章：Tinder詐騙王｜交友APP扮高富帥呃巨款！Netflix紀錄片揭騙徒背景

相關文章：【少年法庭】Netflix韓劇5大看點+劇情簡介！金憓秀演法官氣場超狂！震撼劇情改編真實案

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）