內地網紅梅愛偲烏克蘭拍片被踢爆幕後真相!遭官方懲罰急發文道歉

內地網紅梅愛偲烏克蘭拍片被踢爆幕後真相!遭官方懲罰急發文道歉

時事熱話
By Jennifer on 01 Mar 2022
Digital Editor

【俄烏戰爭】烏克蘭俄羅斯局勢未明朗,定居於烏克蘭嘅內地網紅「梅愛偲」早前曾拍片分享當地情況,又表示自己同妻女都好徬徨,引起好多內地網民擔心,點知佢嘅影片背後真相被揭穿,更要發文認錯!

烏克蘭俄羅斯局勢未明朗,定居於烏克蘭嘅內地網紅「梅愛偲」早前曾拍片分享當地情況Photo from 梅愛偲烏克蘭 微博

梅愛偲娶烏克蘭美女成百萬粉絲網紅

本身係中國人嘅梅愛偲早年留學烏克蘭,更迎娶烏克蘭美女,喺當地落地生根。梅愛偲老婆嘅超高顏值曾掀起熱議,梅愛偲稱娶外國女生比娶中國女生容易,更順勢以「人生贏家」姿態於當地開設婚姻仲介公司。

梅愛偲早年留學烏克蘭,更迎娶烏克蘭美女,喺當地落地生根Photo from 梅愛偲烏克蘭 微博

梅愛偲老婆嘅超高顏值曾掀起熱議Photo from 梅愛偲烏克蘭 微博

梅愛偲喺烏克蘭嘅事業做到風生水起,擲巨款於當地買下3,000平方米土地起豪宅。而佢用嚟分享妻女日常嘅微博「梅愛偲烏克蘭」更吸逾130萬粉絲,成為內地網紅。

梅愛偲喺烏克蘭嘅事業搞到風生水起,擲巨款於當地買下3,000平方米土地起豪宅Photo from 梅愛偲烏克蘭 微博

用嚟分享妻女日常嘅微博「梅愛偲烏克蘭」更吸逾130萬粉絲,成為內地網紅。Photo from 梅愛偲烏克蘭 微博

烏克蘭局勢緊張,梅愛偲一家避難

不過近日「俄烏戰爭」令唔少烏克蘭人流離失所,梅愛偲亦唔例外,佢拍攝多條短片分享近況,梅愛偲指自己一家都喺豪宅地下室躲避,又徒手製作中國國旗,等待中國政府撤僑。

梅愛偲拍攝多條短片分享佢嘅近況,佢指自己一家都喺豪宅地下室躲避Photo from 梅愛偲烏克蘭 微博

梅愛偲徒手製作中國國旗,等待中國政府撤僑。Photo from 梅愛偲烏克蘭 微博

梅愛偲表示有導彈喺佢嘅豪宅上空飛過,佢同妻子女兒都好不安,但唔知應該要做啲咩,令好多內地網民擔心佢一家嘅情況。

梅愛偲表示有導彈喺佢嘅豪宅上空飛過,佢同妻子女兒都好不安Photo from 梅愛偲烏克蘭 微博

雖然梅愛偲希望可以坐中國包機離開烏克蘭,但無奈情況唔許可,加上官方呼籲當地中國公民唔好公開中國人身份,梅愛偲嘅「自製國旗」亦無用武之地,情況令人憂慮。

梅愛偲希望可以坐中國包機離開烏克蘭Photo from 梅愛偲烏克蘭 微博

拍短片分享當地的情況被揭造假

雖然廣大群眾好關心梅愛偲一家嘅安全,但佢日前拍攝嘅短片卻被揭加入咗2020年俄羅斯閱兵飛行彩排嘅片段,影片涉造假。梅愛偲隨即發文致歉。

廣大群眾好關心梅愛偲一家嘅安全,但佢日前拍攝嘅短片卻被揭加入咗2020年俄羅斯閱兵飛行彩排嘅片段Photo from 梅愛偲烏克蘭 微博

梅愛偲表示受到當地百姓努力生存嘅各種事跡所打動,於是就剪咗一條短片宣揚和平,但無意中用咗啲非烏克蘭現場嘅片段,造成誤解。佢又解釋無辦法日日落街拍片,連自己都分唔清邊條係呢幾日俄烏戰爭嘅影片。

梅愛偲表示受到當地百姓努力生存嘅各種事跡所打動,於是就剪咗一條片宣揚和平,但無意中用咗啲非烏克蘭現場嘅片段,造成誤解。Photo from 梅愛偲烏克蘭 微博

梅愛偲急道歉,微博被封遭官方禁言

梅愛偲:「在這裡為自己的失誤向大家致以真心的歉意。」佢堅稱其他短片都係個人親身經歷,但唔想「蹭熱點、蹭流量」,決定刪除所有相關影片。

梅愛偲發文道歉:「在這裡為自己的失誤向大家致以真心的歉意。」Photo from 梅愛偲烏克蘭 微博

梅愛偲堅稱其他短片都係個人親身經歷,但唔想「蹭熱點、蹭流量」,決定刪除所有相關影片。Photo from 梅愛偲烏克蘭 微博

佢指會專注保護家人安全:「希望戰爭早日結束,和平早日到來。」現時梅愛偲嘅微博帳號被封,官方表示:「該用戶目前處於禁言狀態」,之前嘅微博仍獲保留。

梅愛偲指會專注保護家人安全:「希望戰爭早日結束,和平早日到來。」Photo from 梅愛偲烏克蘭 微博

現時梅愛偲嘅微博帳號被封,官方表示:「該用戶目前處於禁言狀態」Photo from 梅愛偲烏克蘭 微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

烏克蘭劍擊隊團體賽遇俄羅斯主動棄權!獲其他國家運動員支持

28 Feb 2022

【烏克蘭局勢】受俄羅斯與烏克蘭之間「俄烏戰爭」影響,多項於俄羅斯舉行嘅體育賽事都取消。喺埃及開羅舉辦嘅男子花劍世界盃則繼續進行,烏克蘭劍擊隊喺十六強遇上俄羅斯,佢哋選擇棄權,拒與俄羅斯隊對決。

受俄羅斯與烏克蘭之間「俄烏戰爭」所影響,多項於俄羅斯舉行嘅體育賽事都取消Photo from Francesca Ebel Twitter

烏克蘭、俄羅斯局勢緊張

俄羅斯總統普京(Vladimir Putin)同烏克蘭總統澤連斯基(Volodymyr Zelenskyy)連日嚟各自下令,兩國局勢緊張,唔少國際組織都相繼取消於俄羅斯舉辦嘅體育項目。

烏克蘭總統澤連斯基(Volodymyr Zelenskyy)Photo from president.gov

男子花劍世界盃開羅站團體賽烏克蘭隊與俄羅斯隊相遇

日前男子花劍世界盃開羅站喺埃及舉行,烏克蘭雖然面對家鄉戰事但仍有派運動員參加比賽,最後一日嘅團體賽原定將由Andrii Pogrebnia、Klod Yunes、Maksym Haravskyi出戰,但烏克蘭隊於16強戲劇性與俄羅斯隊相遇,引起國際關注。

日前男子花劍世界盃開羅站喺埃及舉行,烏克蘭雖然面對家鄉戰事但仍有參加Photo from Ukraine Fencing IG

最後一日嘅團體賽原訂將由Klod Yunes、Maksym Haravskyi及Andrii Pogrebnia出戰,但烏克蘭隊於16強戲劇性與俄羅斯隊相遇Photo from Ukraine Fencing IG

烏克蘭隊賽前宣佈棄權拒與俄羅斯比賽

最終烏克蘭隊於賽前宣佈棄權,俄羅斯隊自動晉級,直入8強。雖然烏克蘭拒絕與俄羅斯對賽,但喺場館中佢哋不忘高呼「停止戰爭」,表明希望國際社會繼續關心烏克蘭局勢。

烏克蘭隊於賽前宣佈棄權,俄羅斯隊自動晉級,直入8強。Photo from Ukraine Fencing IG

佢哋表示俄羅斯現正向烏克蘭發動戰爭,喺國家、家人面臨危機嘅境況下,佢哋無法同俄羅斯花劍隊繼續比賽,亦希望透過棄權行動表達對戰爭嘅不滿。

烏克蘭劍擊隊表示俄羅斯現正向烏克蘭發動戰爭,喺國家、家人面臨危機嘅境況下,佢哋無法同俄羅斯花劍隊繼續比賽Photo from Ukraine Fencing IG

港隊花劍選手張家朗、吳諾弘等晒相以示支持

除咗烏克蘭隊棄權外,喺個人賽事64強中比利時選手Stef De Greef戴上烏克蘭國旗顏色臂帶表態,不過佢最終被要求除低臂帶。

個人賽事64強中有比利時選手Stef De Greef戴上烏克蘭國旗顏色臂帶表態Photo from Alain De Greef Facebook

另外香港隊亦有參加男子花劍世界盃開羅站比賽,一眾港隊代表,包括張家朗、吳諾弘、崔浩然都有喺IG Story晒出烏克蘭隊嘅合照,表達支持之意。

香港隊亦有參加男子花劍世界盃開羅站比賽Photo from 吳諾弘 IG

張家朗喺IG Story晒出烏克蘭隊嘅合照Photo from International Fencing Federation Facebook

吳諾弘、崔浩然亦相繼post相表達支持之意Photo from 吳諾弘 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel