download HolidaySmart 假期日常 app
勇記海南雞|紅磡海南雞專門店關注組爆紅! $55滑雞油飯 6小時即沽清

勇記海南雞|紅磡海南雞專門店關注組爆紅! $55滑雞油飯 6小時即沽清

美食推介
By Monie Lau on 02 Mar 2022
Reporter/ Anchor

紅磡有間「勇記海南雞」專門店突然於網上關注組爆紅,小店由前君悅酒店廚師主理,招牌無骨海南雞飯套餐$55,有齊靚雞、油飯及足料湯水,營業6小時即沽清,究竟勇記憑著甚麼能夠突圍而出?

勇記海南雞

勇記海南雞位於紅磡橫巷內,老闆阿勇為前君悅酒店廚師,他指其手藝、做廚原則、理念亦於君悅工作期間培養,後來決定自立門戶,把心一橫創業,因此早年於紅磡開店。

勇記海南雞位於紅磡橫巷內,老闆阿勇為前君悅酒店廚師。Photo from PressLogic

勇記每日約2時開店,最高峰門外排逾40名食客,長龍幾乎塞爆門口,招牌海南雞賣完即止,基本營業6小時內,約180隻雞全部沽清!

勇記每日約2時開店,最高峰門外排逾40名食客。Photo from 勇記海南雞

招牌去骨海南雞飯

勇記主打招牌去骨海南雞飯,老闆指每一間舖都調製出獨有的滷水汁,勇記的滷水汁用上18種食材,包括瑤柱、金華火腿、蝦米等等,再自家調味,炮製出屬於勇記獨一無二的滷水配方。

勇記的滷水汁用上18種食材。Photo from PressLogic

勇記特別選用味道鮮美的三黃雞,口感皮脆骨軟,雞肉質嫩滑,雞件去骨兼斬到大大件;勇記採用的雞隻特意拉長飼養期,目的是令雞味更為濃郁;油飯方面做到粒粒分明,雞油味香濃;隨餐更送一碗足料兼無味精的椰子雞湯,味道清甜!

雞件去骨兼斬到大大件!Photo from PressLogic

油飯方面做到粒粒分明,雞油味香濃!Photo from PressLogic

福建式肉骨茶

另外老闆亦推介工序繁複的福建式肉骨茶,落足當歸、杞子、生熟地等藥材,老闆先調味後熬煮,把藥材熬出味道後,再落豬骨熬到軟腍入味,再焗3至4小時才完成;肉骨茶色澤較深,藥香味較重,帶微微甘香。

老闆亦推介工序繁複的福建式肉骨茶,落足當歸、杞子、生熟地等藥材。Photo from PressLogic

豬骨熬到軟腍入味。Photo from PressLogic

疫市中籌備新分店

對於勇記能夠爆紅,老闆表示非常感激一班食客的支持,不少住得偏遠的食客特別前來一嚐手藝,當中有來自馬灣、天水圍、馬鞍山等,相當誇張;老闆更指有次一位住得偏遠的食客特意前來支持,卻因海南雞沽清而撲空,後來他感到非常內疚,決意於疫市中籌備新分店,最快四月會於上環開舖,希望有更大空間及更多人可以食到勇記的南雞飯。

紅磡小店勇記海南雞。Photo from PressLogic

勇記海南雞
地址:紅磡馬頭圍道23-35H號隆基大樓地下29L號舖
電話:55004522
營業時間:星期一至六 14:00 - 20:00;星期日 全日休息(因疫情關係暫時只接受外賣)

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel