烏克蘭小姐被傳參軍惹批評 IG澄清並非軍人：只想展現烏克蘭女性的堅強！

By Cheryl on 02 Mar 2022

Digital Editor

【俄烏戰爭】烏克蘭和俄羅斯之間關係持續緊張，許多烏克蘭民眾為捍衛家園都自願參軍，連前烏克蘭小姐Anastasiia Lenna都上載自己穿戰服拿槍嘅照片上網，令不少人以為佢加入軍隊，同時引起部分網民質疑佢無實戰經驗會拖累隊友。眼見帖文掀起熱議後，Anastasiia日前再出po澄清話自己並非軍人！

Photo from IG @ anastasiia.lenna

烏克蘭小姐IG暗示參軍？

烏克蘭多個地方遭受破壞，當地民眾都要避難保障安全，或參軍捍衛國家。現年29歲，在2015年奪烏克蘭全國選美冠軍，再代表烏克蘭參加「國際萬國小姐（Miss Grand International）」選美賽嘅Anastasiia Lenna，早前在個人IG上載一張身穿戰鬥服、手拿著槍嘅照片，並在帖文寫下「Stand with Ukraine（與烏克蘭同在）」、「Hands off Ukraine（別碰烏克蘭）」嘅標籤。

Photo from IG @ anastasiia.lenna

選美出身嘅Anastasiia五官精緻、身材惹火，並經常在IG上載四處出遊嘅美照。但近日烏克蘭局勢不明朗，Anastasiia除了上載拿槍照外，亦曾上載練習槍擊影片，又在限時動態中明言「所有企圖入侵烏克蘭邊境嘅人都唔會有好下場」。

Photo from IG @ anastasiia.lenna

惹網民質疑「呃like」

不少網民，甚至媒體都誤以為佢要參軍，雖然好多人大讚Anastasiia勇氣可嘉，但亦有評論指責佢毫無實戰經驗，突然穿起軍服拍照只係為呃like做show，仲有網民指佢手持嘅並非真槍，並質疑佢目的只為增加知名度。

Photo from IG @ anastasiia.lenna

Anastasiia發文澄清並非參軍

Anastasiia意識到自己嘅帖文引起廣大關注後，於日前發新帖文作出澄清，佢表示自己唔係軍人，只係一個普通人，一個女人，同祖國嘅所有人民一樣。同時，佢指自己已玩airsoft（軟氣槍）多年，「你可以Google咩係airsoft」。Anastasiia確實也從未宣布自己從軍，只有多次轉發烏克蘭局勢新聞，而被廣傳嘅拿槍照，其實都係佢用了以往玩軟氣槍照片，再配上支持烏克蘭嘅字句。