download HolidaySmart 假期日常 app
烏克蘭俄羅斯|中國留學生哭訴大使館零幫助!公開錄音反被斥巨嬰

烏克蘭俄羅斯|中國留學生哭訴大使館零幫助!公開錄音反被斥巨嬰

時事熱話
By Jennifer on 02 Mar 2022
Digital Editor

【俄烏戰爭】烏克蘭局勢仍然緊張,唔少居烏克蘭嘅中國人都十分徬徨無助,日前有一位自稱係中國留學生嘅網民公開電話錄音,不滿當地大使館未能提供足夠幫助,豈料竟被內地網民反斥佢「添麻煩」。

烏克蘭局勢仍然緊張,唔少居烏克蘭嘅中國人都十分徬徨無助Photo from 美聯社

身處烏克蘭嘅中國人等待政府撤僑

烏克蘭同俄羅斯嘅衝突持續,好多身處烏克蘭嘅中國人都等待中國政府撤僑。但早前中國駐烏克蘭大使曾表示為國民安全著想,必須確保萬無一失先會安排撤離。

早前中國駐烏克蘭大使曾表示為國民安全著想,必須確保萬無一失先會安排撤離。Photo from 中國駐烏克蘭大使館

中國留學生公開錄音斥大使館零幫助

日前網上曾流出疑似中國女留學生與大使館工作人員嘅通話錄音,錄音長達9分鐘,女學生表示曾多次聯絡大使館但都得唔到適當嘅回應,工作人員只係稱目前情勢相對安全,要佢自行撤離,或者喺基輔等待。

網上曾流出疑似中國女留學生與大使館工作人員嘅通話錄音,錄音長達9分鐘Photo from 美聯社

女學生表示:「我真的很害怕,很需要國家幫助。」佢情緒激動指根本搭唔到車,又唔認識其他人走唔到:「你們根本一點措施都沒有,你只是讓我們自行撤離、自行撤離,我都不知道那些天天在微博說國家與我們同在的人在哪裡。」

女學生表示:「我真的很害怕,很需要國家幫助。」佢情緒激動指根本搭唔到車,又唔認識其他人走唔到Photo from 美聯社

大使館人員重申現時未有足夠條件安排撤僑,呼籲佢自行去邊境,或者留喺烏克蘭首都基輔等待,女學生哽咽哭訴:「我不知道大使館對我的幫助在哪裡?怎麼相信這國家?」

大使館人員重申現時未有足夠條件安排撤僑,呼籲佢自行去邊境,或者留喺烏克蘭首都基輔等待Photo from 中國女留學生 微博

內地網民斥女學生不知感恩

呢後錄音喺微博掀起熱議,內地網民怒斥女學生影響中國形象,又指大使館為咗可以令處身外國嘅國民安全撤離做咗好多安排,女學生不知感恩,更有內地網友直言女留學生係「巨嬰」,指佢淨係識「添麻煩」。

內地網民怒斥女學生影響中國形象,又指大使館為咗可以令處身外國嘅國民安全撤離做咗好多安排Photo from 美聯社

留學生刪錄音稱已成功離開基輔:感謝國家

不過中國早前宣布,已經開始撤離第一批中國留學生搭巴士離開烏克蘭,而電話錄音嘅女留學生亦於微博發文稱已成功離開基輔,又刪除咗有關錄音,表示:「願平安,相信祖國。」

中國早前宣布,已經開始撤離第一批中國留學生搭巴士離開烏克蘭Photo from 美聯社

電話錄音嘅女留學生亦於微博發文稱已成功離開基輔,又刪除咗有關錄音,表示:「願平安,相信祖國。」Photo from 中國女留學生 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

烏克蘭劍擊隊團體賽遇俄羅斯主動棄權!獲其他國家運動員支持

28 Feb 2022

【烏克蘭局勢】受俄羅斯與烏克蘭之間「俄烏戰爭」影響,多項於俄羅斯舉行嘅體育賽事都取消。喺埃及開羅舉辦嘅男子花劍世界盃則繼續進行,烏克蘭劍擊隊喺十六強遇上俄羅斯,佢哋選擇棄權,拒與俄羅斯隊對決。

受俄羅斯與烏克蘭之間「俄烏戰爭」所影響,多項於俄羅斯舉行嘅體育賽事都取消Photo from Francesca Ebel Twitter

烏克蘭、俄羅斯局勢緊張

俄羅斯總統普京(Vladimir Putin)同烏克蘭總統澤連斯基(Volodymyr Zelenskyy)連日嚟各自下令,兩國局勢緊張,唔少國際組織都相繼取消於俄羅斯舉辦嘅體育項目。

烏克蘭總統澤連斯基(Volodymyr Zelenskyy)Photo from president.gov

男子花劍世界盃開羅站團體賽烏克蘭隊與俄羅斯隊相遇

日前男子花劍世界盃開羅站喺埃及舉行,烏克蘭雖然面對家鄉戰事但仍有派運動員參加比賽,最後一日嘅團體賽原定將由Andrii Pogrebnia、Klod Yunes、Maksym Haravskyi出戰,但烏克蘭隊於16強戲劇性與俄羅斯隊相遇,引起國際關注。

日前男子花劍世界盃開羅站喺埃及舉行,烏克蘭雖然面對家鄉戰事但仍有參加Photo from Ukraine Fencing IG

最後一日嘅團體賽原訂將由Klod Yunes、Maksym Haravskyi及Andrii Pogrebnia出戰,但烏克蘭隊於16強戲劇性與俄羅斯隊相遇Photo from Ukraine Fencing IG

烏克蘭隊賽前宣佈棄權拒與俄羅斯比賽

最終烏克蘭隊於賽前宣佈棄權,俄羅斯隊自動晉級,直入8強。雖然烏克蘭拒絕與俄羅斯對賽,但喺場館中佢哋不忘高呼「停止戰爭」,表明希望國際社會繼續關心烏克蘭局勢。

烏克蘭隊於賽前宣佈棄權,俄羅斯隊自動晉級,直入8強。Photo from Ukraine Fencing IG

佢哋表示俄羅斯現正向烏克蘭發動戰爭,喺國家、家人面臨危機嘅境況下,佢哋無法同俄羅斯花劍隊繼續比賽,亦希望透過棄權行動表達對戰爭嘅不滿。

烏克蘭劍擊隊表示俄羅斯現正向烏克蘭發動戰爭,喺國家、家人面臨危機嘅境況下,佢哋無法同俄羅斯花劍隊繼續比賽Photo from Ukraine Fencing IG

港隊花劍選手張家朗、吳諾弘等晒相以示支持

除咗烏克蘭隊棄權外,喺個人賽事64強中比利時選手Stef De Greef戴上烏克蘭國旗顏色臂帶表態,不過佢最終被要求除低臂帶。

個人賽事64強中有比利時選手Stef De Greef戴上烏克蘭國旗顏色臂帶表態Photo from Alain De Greef Facebook

另外香港隊亦有參加男子花劍世界盃開羅站比賽,一眾港隊代表,包括張家朗、吳諾弘、崔浩然都有喺IG Story晒出烏克蘭隊嘅合照,表達支持之意。

香港隊亦有參加男子花劍世界盃開羅站比賽Photo from 吳諾弘 IG

張家朗喺IG Story晒出烏克蘭隊嘅合照Photo from International Fencing Federation Facebook

吳諾弘、崔浩然亦相繼post相表達支持之意Photo from 吳諾弘 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel