網民列出超市絕不斷貨6大食品！不受盲搶炎影響？三色豆或成最後贏家

疫情嚴重，政府早前就宣佈今個月推行「全民檢測」，其後又表示唔排除會實行「禁足令」，令唔少市民都方寸已亂。近日，市民外出買餸嘅時候都會面臨「冇嘢買」嘅問題，超市同街市嘅食品都已經被一掃而空！日前，有網民喺討論區以「一人一樣無論咩時候都唔會賣晒既野食」為題開post，引發熱議～

Photo from TVB

1. 三色豆

三色豆可以話係餐廳食炒飯時必備嘅食材，加上佢係急凍食品，所以保存嘅期限一般都比較長。另一方面，亦有唔少網民對三色豆非常抗拒，仲形容佢為「最不應該出現嘅食品」之一！

Photo from Pinterest

Photo from 香港討論區

2. 納豆

日本嘅納豆含有豐富嘅營養價值，但氣味比較濃烈，而且質感亦非常黏，所以並唔係人人都願意嘗試嘅食物！

Photo from Pinterest

Photo from 香港討論區

3. 零食

有網民表示零食類，包括：糖果、朱古力、薯片等就多數都唔會冇得買，因為種類夠多！大部分人都只係當零食為小食，所以並唔會瘋狂購入。

Photo from TVB

Photo from HKTVMALL

Photo from 香港討論區

4. 啤酒

大部分嘅人都會喺同朋友聚會嘅時候，開心咁飲返杯啤酒～但宜家疫情嚴重，根本就冇機會相聚，所以啤酒亦成為大家暫時遺忘嘅商品！但有網民就唔太同意呢個講法，覺得喺咁沈悶嘅日子，獨自一人飲啤酒都可以好享受～

Photo from HKTVMALL

Photo from 香港討論區

5. 雪糕

同零食一樣，雪糕都只不過係甜品，所以未必會一次過購入好多。而且現實冰箱多數時都係擺放冷凍食品，所以根本就唔夠位置再買雪糕！

Photo from TVB

Photo from 香港討論區

6. 乳製品

乳製品嘅產品，例如：牛奶、芝士、乳酪等嘅保存時間都比較短，即使大量購買都可能會有「擺到壞」嘅風險！

Photo from HKTVMALL

Photo from 香港討論區

# 有網民似乎唔太好彩？！

雖然好多網民都列出咗以上超市應該買到嘅食品，但有網民就大呻該區「冇嘢買」、「連嘉頓紅罐餅都得返少少」等留言，仲上載幾張完全空蕩嘅超市陳列架照片，非常誇張！

Photo from 香港討論區

Photo from TVB

相關文章：網民揭發街市菜檔疑似搶菜？！狂掃超市菜架再高價出售！網民狠批炒賣風氣

相關文章：AEON超市營業時間更改｜ 網民：跪求取消特價日減少人流 內附最新調整時間

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

網民列出心中3大最可怕蔬菜！全部都食就代表係「老人」？！

21 Jan , 2022

相信大家都一定會有唔太鍾意食嘅食物，但隨住年齡嘅增長飲食習慣亦會有所改變～最近，有網民就喺討論區上發起有關「最難食蔬菜」嘅post，並列出咗佢認為嘅3大蔬菜，引發網民熱議！

Photo from TVB

相信唔少人小時候都一定特別討厭嘅食物，仲因此而被父母冠上「偏食」嘅稱號。日前，有網民就喺討論區分享自己認為最難食嘅3種蔬菜，直言唔敢相信有人會3種蔬菜全部都鍾意食！樓主一致認為佢所講嘅3個蔬菜都有奇特嘅氣味，口感偏苦以及觸感十分嘔心，引起網民們嘅廣泛討論。

Photo from TVB

1. 苦瓜

相信唔少人細個嘅時候唔太鍾意食苦瓜，因為佢同名字一樣食落口會有啲苦，並非每個人都會接受得到！大部分網民都認同樓主講法，由細到大都唔願意食苦瓜；不過亦有網民提出只要用鹹蛋炒苦瓜或者煲苦瓜排骨湯就會比較容易入口，而且都幾好味。唔敢食苦瓜嘅大家，不妨可以試下呢兩個菜式～

Photo from Pinterest

Photo from PPT論壇

2. 茄子

大家對於茄子嘅接受度就似乎比較大，因為茄子好多時候都會搭配其他調味料煮，所以唔少網民都話願意食茄子。有網民就話魚香茄子或者炸茄子都幾好食；但亦有部份網民覺得茄子口感奇怪，而且好似好難煮得好味咁！

Photo from Pinterest

Photo from PPT論壇

3.青椒

唔少人都認為青椒嘅味道比黃椒以及紅椒濃烈，不過網民們對於青椒嘅評價就似乎非常兩極喇～有網民就話青椒炒蛋、烤青椒等都非常好食，竟然仲有網民話生食都好好味；但部份網民就強烈反對呢個講法覺得青椒食完如廁後都會有好臭嘅氣味！

Photo from Pinterest

Photo from PPT論壇

Photo from PPT論壇

網民：大個咗就會食！

但有網民亦分享自身經驗，表示自己小時候都有好多蔬菜係唔願意食。但隨住年齡增長，原來口味都會因此而有轉變「長大後才懂的味道」、「會食的都已經有一定年紀了」等留言；但亦有網民覺得以上食物都並非大家所講嘅咁難食！

Photo from PPT論壇

Photo from TVB

# 網民覺得其他食物更加得人驚！

另外，有網民就覺得樓主所列出嘅3種蔬菜都並非「大王」，認為仲有比佢哋更加可怕嘅蔬菜，例如：韭菜、綠豆、紅蘿蔔、芋頭等

Photo from PPT論壇

Photo from TVB

相關文章：細數12個90後兒時潮物！召喚童年回憶!轉轉筆/有轆波鞋/推蓋手機

相關文章：盤點6條網民評選奇怪巴士路線 全部都瘋狂兜路：好似巡遊咁！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）