古巨基+鄧麗欣獲封被唱歌耽誤嘅畫家!溫碧霞、容祖兒作品走可愛路線? 5位藝人老虎畫作大比拼!

古巨基+鄧麗欣獲封被唱歌耽誤嘅畫家!溫碧霞、容祖兒作品走可愛路線? 5位藝人老虎畫作大比拼!

娛樂新聞
By Stephanie on 04 Mar 2022
Digital Content Writer

疫情期間,大家都經常留喺屋企擁有更多me time~日前,鄧麗欣(Stephy)就上載自己親手畫嘅白虎油畫,畫工驚人,就連導演陳詠燊都忍唔住講「叫其他畫老虎嘅藝人情何以堪!」即睇各位藝人今年嘅虎年畫作啦~

鄧麗欣早前上載白虎畫作,獲導演陳詠燊力讚!Photo from 鄧麗欣IG

適逢2022年係壬寅虎年,唔少藝人都大晒畫工繪畫老虎畫作,期盼今年能夠一切順利~而英皇娛樂旗下嘅「冤枉娛樂」仲舉辦咗「虎虎生威繪畫大賽」,宜家即刻睇下藝人們嘅作品啦!

等我哋一齊欣賞藝人們嘅老虎作品~Photo from TVB

1.容祖兒

容祖兒喺IG將自己畫老虎嘅過程公開,而網民都忍唔住笑稱「係我見過最善良嘅老虎」,認為呢隻老虎嘅亮點就係佢燦爛嘅微笑!

容祖兒仲上載繪畫老虎嘅成個過程,網民直呼好療癒~Photo from 容祖兒IG

唔少網民都提議佢應該出版畫集!Photo from 容祖兒IG

2.蔡卓妍

作為英皇旗下嘅藝人,阿Sa亦都有參加繪畫比賽,而佢所畫嘅老虎仲有埋彎腰雙手祝福嘅姿勢,非常應景!

阿Sa畫嘅老虎就行可愛路線,仲頭戴皇冠~Photo from 冤枉娛樂IG

3. 古巨基

一向畫工厲害嘅古巨基都有參與活動,然而佢畫嘅卻係MIRROR成員Tiger(邱傲然),仲標記「#虎年畫虎仔 」,十分識做!不過大家都對於佢嘅畫工感到歎為觀止,大讚佢係被歌手耽誤嘅畫家~

古巨基亦獻上自己嘅「Tiger」作品,但佢畫咗嘅係MIRROR成員Tiger!Photo from 古巨基IG

古巨基除咗有去睇MIRROR演唱會之外,仲同Edan慶生~Photo from 古巨基IG

4. 鄧麗欣 Stephy

最近,Stephy喺IG上載白虎嘅畫作,寫上「中學的時候修Art學的是人像和平面設計,印象中真的沒有認真的畫過動物」,解釋畫白色老虎係因為白色代表和平!而網民都大讚佢畫工了得,就連好多細節位都一一畫出,果然係讀Art嘅學生~

鄧麗欣上載咗自己繪畫嘅白虎油畫,獲導演大讚畫工厲害~Photo from Stephy IG

Stephy 表示中學時期修讀Art,但就甚少畫動物!Photo from Stephy IG

5. 溫碧霞

溫碧霞新年期間接受訪問時就大顯身手,即場繪畫出老虎同大家拜年!本身佢亦曾經學過1年畫畫,仲不時將作品賣俾慈善機構做拍賣;而網民就覺得佢畫嘅老虎偏向可愛型,擁有和善嘅微笑,樣貌都比較溫和~

溫碧霞接受訪問期間即興畫老虎!Photo from 溫碧霞微博

平時嘅佢亦鍾意畫畫,仲曾經學過1年!Photo from 溫碧霞微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

戴祖儀超強眼光投資NFT,極速售罄大賺500萬?坐擁市價過百萬藝術品

9 Feb , 2022

戴祖儀(Joey)主演劇集《青春不要臉》話題度唔錯,帶挈佢人氣急升。戴祖儀入行僅3年,最近佢同朋友推出一款NFT,更於短時間內極速售罄,有指佢憑NFT大賺一筆,其實佢向來有投資藝術品,市值過百萬!

戴祖儀(Joey)主演劇集《青春不要臉》話題度唔錯,帶挈佢人氣急升。

廣告
廣告

戴祖儀投資草泥馬NFT狂賺500萬?

早前一款草泥馬NFT開售,僅15分鐘6,888隻就全部售罄。有指呢款「草泥馬NFT」戴祖儀都有份投資,估計佢勁賺$500萬!

呢款「草泥馬NFT」戴祖儀都有入投資,估計佢勁賺$500萬!

不過戴祖儀表示呢款NFT唔係佢一個人投資,而係同其他人合資,所以雖然有賺錢,但就無$500萬咁多。其實佢一直都有投資開藝術品,並賺咗唔少,絕對係眼光獨到。

戴祖儀表示呢款NFT唔係佢一個人投資,而係同其他人合資

一直都有投資開藝術品,並賺咗唔少,絕對係眼光獨到。

收藏過百件藝術品,估計市值總值過百萬

戴祖儀曾先後同日本藝術家橋爪悠合辦藝術展覽,同為美國籃球員Kobe Bryant舉辦紀念展覽。據公司註冊處資料顯示,佢係一間策展公司嘅董事。

戴祖儀曾先後同日本藝術家橋爪悠合辦藝術展覽,同為美國籃球員Kobe Bryant舉辦紀念展覽。

佢更收藏過百件藝術品,估計市值總值過百萬!佢仲將唔同嘅珍藏分兩個studio擺放,戴祖儀不時喺YouTube分享佢新買嘅figure開箱片,曾經買過一款日本藝術家空山基Sorayama嘅作品,佢指原價$1,700美金(約港幣$13,200),依家已經升值8倍。

戴祖儀收藏過百件藝術品,估計市值總值過百萬!

戴祖儀不時喺YouTube分享佢新買嘅figure開箱片

戴祖儀買過一款日本藝術家空山基Sorayama嘅作品,佢指原價$1,700美金(約港幣$13,200),依家已經升值8倍。

投資有收穫,戴祖儀亦唔吝嗇買嘢獎勵自己,試過豪花$28萬買1995年出產嘅勞力士。

戴祖儀亦唔吝嗇買嘢獎勵自己,試過豪花$28萬買1995年出產嘅勞力士。

MIRROR成員Ian推出NFT升值超過100倍

NFT成為娛樂圈大熱,好多藝人都加入行列。MIRROR成員Ian(陳卓賢)之前將IG頭像換成佢個人品牌推出嘅NFT,開售時售價約為$700,一個月後一度升值約$85,000 ,升值超過100倍!

MIRROR成員Ian(陳卓賢)之前將IG頭像換成佢個人品牌推出嘅NFT

Ian推出嘅NFT開售時售價約為$700,一個月後一度升值約$85,000 ,升值超過100倍!

周杰倫NFT交易總額近$5億

周杰倫嘅潮牌都同樣有推出NFT,發行一日即達$1,000萬美元(約港幣$7,800萬)交易,發行10幾日NFT交易總額更超過$4.7億。

周杰倫嘅潮牌都同樣有推出NFT

發行一日即達$1,000萬美元(約港幣$7,800萬)交易

另外方力申同鄺潔楹都有投資NFT,有指鄺潔楹推出嘅NFT售前定價約$13,888港元。另外陳冠希、林盛斌(Bob)都有投資NFT。

方力申都有投資NFT

方力申NFT

鄺潔楹都有投資NFT

有指鄺潔楹推出嘅NFT售前定價約$13,888港元

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel