【東張西望】檢測站員工大爆內幕！同事染疫後被要求封口唔準提！放工後即刻被辭職？

時事熱話生活熱話

By Stephanie on 03 Mar 2022

Digital Content Writer

香港正在爆發第五波疫情，每日都至少有過萬人確診，情況令人擔憂！有走在前線嘅檢測站員工向《東張西望》報料，指荃灣檢測站嘅一名主管確診，但未有對外公布，後來佢仲被上頭暗示「唔好周圍講」，最終仲被辭職？！

Photo from 《東張西望》

# 前檢測職員向東張西望報料！

據悉現時每日都有過千人到社區檢測站進行檢測，前線職員們嘅工作量都非常大。日前，有曾經任職檢測站嘅職員向《東張西望》爆料指有主管確診，但就並冇對外公布，驚會因此而引起社區大爆發！

Photo from 《東張西望》

# 本身於荃灣社區檢測站工作

爆料嘅林先生（化名）本身於荃灣區檢測站工作，上個月28日下午佢同一班同事以及主管一齊食飯，後來經理就因為身體不適而提早離開，大家都不以為意認為只係感冒。

Photo from 《東張西望》

# 調配到荔景區工作，同事口中得知前主管確診！

直到3月1日，所有員工重新排班，其中3位員工包括佢就被調到荔景社區中心。後來，原先喺荃灣一齊工作嘅同事就通知佢原來當日早退嘅主管已經確診，所以佢亦立刻向通知上頭指自己要做快速測試，但卻被無視仲被叫「唔好出聲」！

Photo from 《東張西望》

# 仲因此而被辭職？！

等到當日8點收工，主管就攞走佢哋嘅打卡記錄，並冇再多作解釋。林先生後來發現佢哋已經喺Whatsapp中被刪除，仲收到訊息「兼職員工已經夠，唔洗再返住」等，認為被辭職嘅時間點十分奇怪！

Photo from 《東張西望》

# 認為其他同事可能尚未知情，擔心引起爆發！

由於林先生都係由同事私底下講先得知事實，公司亦從來冇作出正式通知，覺得佢哋想隱瞞員工確診消息！而佢就擔心本身喺荃灣一齊工作嘅30位員工，已經被重新分配到唔同地區嘅檢測站，亦未必收到前主管確診消息，擔心會因此再散播病毒！

Photo from 《東張西望》

# 斥責員工嘅檢測有漏洞！

林先生曾致電報案中心以及衛生署，但都未有得到正面回應。佢亦大爆員工每日所做嘅檢測有漏洞，每位員工都係收工時做慢測，「24號返工到宜家都未收到檢測訊息」；而且亦呼籲員工盡量唔好用快測，因為佢哋嘅數量唔夠！

Photo from 《東張西望》

相關文章：居家隔離檢疫8大指引｜快速檢測呈陽性要留意！隔離期點樣計？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

快速測試＋新冠肺炎自我檢測｜快速檢測前勿做5件事！飲水原來會影響準確度

2 Mar , 2022

Omicron症狀｜本港確診數字每日急增，最近更以成萬計升勢，市民人心惶惶，選擇接受強制檢測或自購快速測試套裝自我檢查。早前紅十字會在Facebook專頁宣布5大快速測試包注意事項，提醒市民於檢測前黃金兩小時，避免進食及漱口等5大行為，否則會影響結果準確度，立即看下文吧！

Photo from 政府新聞網

快速檢測前勿做5件事

紅十字會於Facebook專頁宣布檢測前黃金兩小時注意事項，提醒市民檢測前約兩小時要避免做以下事情。

Photo from 香港紅十字會@Facebook

1.避免進食

避免進食以減低檢測採樣期間造成嘔心或者嘔吐等機會。

2.避免飲水

由於飲水可能沖淡咽喉的病毒濃度，繼而影響檢測準確性，所以建議若市民將在用餐時段進行檢測要避免飲水。

3.避免刷牙或使用瀬口水

檢測前1至2小時內應避免刷牙或使用瀬口水，因為病毒或因而被破壞。

4.避免吸煙丶飲酒或咀嚼香口膠

吸煙丶飲酒或者咀嚼香口膠時化學物或酒精的消毒效果會殘留於口中，影響測試結果準確度。

5.避免洗鼻

如檢測是採集鼻腔樣本，檢測前1至2小時內應避免鼻，避免因病毒濃度減低而影響檢測結果準確度。

不過，自我檢測結果呈陽性怎麽辦？政府日前就宣布快速測試呈陽性者，無須經過核酸檢測確認，便可被視為確診個案處理。

核酸檢測陽性者網上申報

衛生署於2月23日起為核酸檢測陽性者推出網上呈報平台「傳染病公眾平台」，讓得知檢測結果為「初步陽性」或「陽性」患者，可自行登記個人及同住家人資料，以便當局盡快追蹤及安排入院檢疫。患者須填寫個人資料、聯絡方法、病症及有可能有密切接觸人士的資料等。同時，衛生署指若市民收到陽性結果短訊，會附上電子表格連結，應盡快填妥表格以提供相關資料。

Photo from 衞生防護中心2019冠狀病毒病病人網上申報表格截圖

快速測試陽性免核酸覆檢

快速抗原測試原本只可作參考用途，不能代替核酸測試，亦不能代替強制檢測。不過，政府於2月25日宣布，快速測試呈陽性者，無須經過核酸檢測確認，便可被視為確診個案處理。快速檢測陽性者可於網上系統申報，政府會作後續跟進，包括派檢測包、安排檢疫令等。政府預計3月推出網上登記系統，讓相關市民登記，填寫個姓名、身份證等資料，平台詳情容後公布。

Photo from brandhk

快速測試取代强制檢測

政府日前修訂檢測安排，被圍封强制檢測的樓宇，原本要進行強檢的居民，會改為進行快速測試。而當局會按地區風險增派快速測試包，以快速測試取代强檢，並減少流動採樣站數目。現時除繼續為須接受強檢的人士提供服務外，政府仍會維持在社區檢測中心、流動採樣站為「願檢盡檢」人士提供免費檢測服務，同時呼籲市民善用各區社區檢測中心及流動採樣站進行檢測。