download HolidaySmart 假期日常 app
港女確診回家埋怨家人涼薄，呻遭冷嘲熱諷好心寒！反被網民斥自私

港女確診回家埋怨家人涼薄，呻遭冷嘲熱諷好心寒！反被網民斥自私

時事熱話
By Jennifer on 04 Mar 2022
Digital Editor

本港新冠疫情嚴重，唔少市民都確診但只能留喺屋企隔離。有網友喺討論區發文指自己初步確診後決定返屋企，本以為會獲家人關心，豈料反遭冷嘲熱諷令佢心寒不已，於是向網民訴苦卻被網民批評自私。

本港新冠疫情嚴重，唔少市民都確診但只能留喺屋企隔離Photo from TVB

新冠肺炎確診數上升，港女突然染疫需搬離朋友住所

新冠肺炎確診者人數每日持續上升，但隔離床位有限，唔少初步確診嘅市民唯有留喺家中自我隔離。有網民喺連登討論區發文「中左肺炎 feel到曬人情冷暖」。

新冠肺炎確診者人數每日持續上升，但隔離床位有限，唔少初步確診嘅市民唯有留喺家中自我隔離Photo from TVB

佢表示本身同朋友夾份租工廈一齊住，平時一層嘅住客都係用同一個廁所沖涼，但佢突然確診染疫，朋友就叫佢即刻搬走。

港女突然確診染疫，朋友就叫佢即刻搬走。Photo from TVB

港女搬回家呻係「惡夢嘅開始」

網友自己亦坦言：「我都覺得惹到俾人唔係咁好」，於是決定搬返屋企，佢一心以為返到屋企，屋企人點都會關心下佢，但估唔到入咗間房之後「先係惡夢嘅開始」。

港女決定搬返屋企，佢一心以為返到屋企，屋企人點都會關心下佢Photo from TVB

港女埋怨家人涼薄，冷嘲熱諷令佢心寒

樓主指屋企人居然叫佢唔好入廁所刷牙、沖涼，仲要係六日都唔好沖涼，即使係去廁所都被家人話傳播病毒，令樓主十分不滿：「本身已經唔舒服，仲要俾佢地精神攻擊」

樓主指屋企人居然叫佢唔好入廁所刷牙、沖涼，仲要係六日都唔好沖涼Photo from TVB

即使係去廁所都被家人話傳播病毒，令樓主十分不滿Photo from TVB

佢又表示依家喺房度用膠袋裝住啲水刷牙，佢直言：「中咗肺炎之後，真係feel到晒人情冷暖，好心寒」，佢表示同家人關係唔好，但本身以為點都唔會畀難聽說話佢聽，呻家人涼薄。

樓主直言：「中咗肺炎之後，真係feel到晒人情冷暖，好心寒」Photo from TVB

樓主表示同家人關係唔好，但本身以為點都唔會畀難聽說話佢聽，呻家人涼薄。Photo from TVB

網友斥自私：做你屋企人真係慘

不過網民並無同情佢，反而直斥佢好自私。有網民認為樓主自己都認為「惹到俾人唔係咁好」，但回家傳染畀家人就無所謂，言語同行為自相矛盾。

網民並無同情佢，反而直斥佢好自私Photo from TVB

有網民認為樓主自己都認為「惹到俾人唔係咁好」，但回家傳染畀家人就無所謂，言語同行為自相矛盾。Photo from 連登討論區

網友又指樓主自己都知同家人關係唔好，平時就搬出去住無來往，中咗招卻諗住返屋企畀人照顧、有人關心，直言：「俾人趕走就要屋企人無條件接受確診者，你屋企叫聯合、博愛定明愛？」

網友又指樓主自己都知同家人關係唔好，平時就搬出去住無來往，中咗招卻諗住返屋企畀人照顧、有人關心Photo from TVB

網民直言：「俾人趕走就要屋企人無條件接受確診者，你屋企叫聯合、博愛定明愛？」Photo from 連登討論區

指家人想送佢去隔離中心，想搵酒店住再被網民鬧爆

樓主之後表示家人正商討送佢去隔離中心，佢覺得不如自己即刻走搵酒店隔離算，又自嘲：「係我唔好，我唔應該惹到肺炎，我唔應該同佢地關係唔好，好對唔住大家」，再惹網民批評：「無事嗰時就同朋友一齊，到一有事就想連累屋企人」，又表示樓主屋企人安排佢入住隔離中心都係正常，但佢打算住酒店又係另一個傳播病毒行為：「到底樓主嘅抗疫知識有幾差？」

樓主之後表示家人正商討送佢去隔離中心，佢覺得不如自己即刻走搵酒店隔離算Photo from TVB

樓主言論惹網民批評Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

大埔街市菜檔售「切碎蔬菜」！30元一包，或因呢個原因？

2 Mar 2022

新冠肺炎疫情持續，確診人數急升，唔少市民都減少出門，盡量留喺屋企。近日有網民出門去街市買餸時發現有菜檔將蔬菜切碎一包包出售，售價為$30～50港元，掀起熱議。

新冠肺炎疫情持續，確診人數急升Photo from 東張西望

市民搶購食材、消毒用品

新冠疫情嚴峻，政府日前宣佈將推行全民強檢，而且考慮喺強檢期間實施「禁足」措施，有市民擔心屆時將未能出門，加上好多連鎖店、食肆等都停業，超市食材、消毒用品都被搶購一空。

政府日前宣佈將實行全民強檢，而且考慮喺強檢期間實施「禁足」措施Photo from 東張西望

有市民擔心屆時將未能出門，加上好多連鎖店、食肆等都停業，超市食材、消毒用品都被搶購一空。Photo from 東張西望

大埔街市有菜檔出售「切碎蔬菜」

Facebook群組「大埔 TAI PO」有網民分享兩張相：「有冇見菜檔咁賣菜？ #碎上」，相中可見有街市菜販將部分蔬菜如：西芹、紅蘿蔔、粟米、南瓜、茄子等切塊裝成一袋袋出售。

Facebook群組「大埔 TAI PO」有網民分享相片，有街市菜販將部分蔬菜如：西芹、紅蘿蔔、南瓜、茄子、粟米等切塊裝成一袋袋出售。Photo from Facebook群組「大埔 TAI PO」

網民大讚夠方便「有生意頭腦」

根據價錢牌，切碎嘅蔬菜一包售價為$30、$50元，帖文隨即引起網民熱議，有網民大讚蔬菜切碎出售即使貴少少但慳水慳力值得考慮：「其實都係商機呀，有生意頭腦」

切碎嘅蔬菜一包售價為$30、$50元，帖文隨即引起網民熱議Photo from Facebook群組「大埔 TAI PO」

唔止可以慳返啲切菜時間更方便，而且有啲蔬菜切咗未洗又包得乾淨企理其實都放到幾日甚至一星期，所以都吸引唔少網友想買，不過亦有網民提出：「如果啲西芹未刨走啲纖維，真係唔該曬.......」

有網民大讚切碎出售即使貴少少但慳水慳力值得考慮Photo from Facebook群組「大埔 TAI PO」

有啲蔬菜切咗未洗水又包得乾淨企理其實都放到幾日甚至一星期，所以都吸引唔少網友想買Photo from TVB（劇照）

本身係賣畀餐廳或酒樓嘅食材？

亦有人表示呢種「切碎蔬菜」平時多數係超市先會咁包裝，依家街市咁樣賣應該係因為本身備好貨提供畀餐廳或酒樓，但喺疫情下好多食肆都停業，所以推出市面出售。

有人表示呢種「切碎蔬菜」平時多數係超市先有得賣Photo from TVB（劇照）

街市應該係因為本身備好貨提供畀餐廳或酒樓，但喺疫情下好多食肆都停業，所以先會推出市面出售。Photo from TVB（劇照）

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話港女疫情網民熱話確診者新冠肺炎連登討論區居家隔離