download HolidaySmart 假期日常 app
藝人疫情下被拖欠薪水?!陳展鵬被拖逾百萬/姚子羚尚未收到廣告費

藝人疫情下被拖欠薪水?!陳展鵬被拖逾百萬/姚子羚尚未收到廣告費

娛樂新聞
By Stephanie on 07 Mar 2022
Digital Content Writer

現時香港正經歷第五波疫情爆發,圈中亦有唔少藝人相繼染疫,令佢哋嘅工作都大受影響。最近,陳展鵬大呻被外面嘅公司拖欠過百萬薪水;而姚子羚同品牌合作後,尚未收到6位數嘅薪酬!

陳展鵬等藝人表示疫情令收入大受影響,仲被拖欠薪水!Photo from 陳展鵬IG

# TVB藝人相繼染疫!

疫情嚴峻,TVB早前就有幕前幕後嘅工作人員相繼染疫,所以決定暫停所有劇組嘅拍攝直到本月20日後先考慮復工;導致唔少藝人呢排都「手停口停」,又未能出席活動賺外快,收入大大減少!

TVB藝人爆出相繼染疫!Photo from 胡定欣IG

而TVB亦決定暫停劇組拍攝,根據疫情情況至少要等到3月20日後先復工!Photo from 周嘉洛IG

# 陳展鵬遭拖欠逾百萬薪水!

視帝陳展鵬最近頻頻拍劇,但佢向傳媒透露原來上年曾經同外面嘅公司合作,但至今仍未收到薪酬,當中金額涉及過百萬「一蚊都唔出真係好難搞,要供樓養妻活兒,出少少好過冇」!

陳展鵬指遭外面嘅公司拖欠7位數薪水!Photo from 陳展鵬IG

陳展鵬大呻要養家以及供樓等,現時嘅狀況真係有啲壓力!Photo from 陳展鵬IG

# 經濟狀況尚可支撐家庭

不過,陳展鵬表示自己宜家嘅經濟狀況「仲頂得住」,現時依然同該公司交涉緊,希望能夠盡快獲得薪水。佢仲坦承為疫情憂慮到落淚,期盼大家能夠捱過疫情;而佢話唔排除通關後會北上發展!

曾因為憂慮疫情而落下男兒淚!Photo from 陳展鵬IG

# 姚子羚遭廣告商欠6位數薪水!

另一方面,姚子羚近日出席活動嘅時候亦向傳媒表示遭遇同樣經歷。佢同保健品牌合作後仲未收到薪酬,不過佢就笑言數量冇陳展鵬咁多,只係6位數!

姚子羚亦表示被品牌拖欠6位數人工!Photo from 姚子羚IG

# 仲俾朋友問借錢?!

除此之外,姚子羚驚覺身邊唔少人都問佢借錢,但就指對方係圈外人而且並唔相熟,所以最終冇借出。佢就否認自己嘅圈中小富婆,直言身邊嘅圈中好友都比佢有錢,唔需要問佢借!

仲被圈外朋友問借錢Photo from 姚子羚IG

佢亦透露好友胡定欣現時病情穩定!Photo from 姚子羚IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳展鵬自爆同單文柔相識經過!年少輕狂經常夜蒲!去親蒲都食白果

4 Mar , 2022

陳展鵬最近就獲邀上由Bob主持嘅節目《人夫放假約出去滾》,仲分享佢同老婆單文柔嘅相識經過,指自己做港姐評判嘅時候就已經「睇中」對方;而佢第一次求婚居然係失敗收場?!

陳展鵬於節目分享同老婆單文柔認識經過!Photo from 陳展鵬IG

# 事業愛情都順利~

現年45歲嘅陳展鵬憑著《城寨英雄》榮奪影帝,近年拍攝嘅電視劇大多都擔正做男一;感情方面佢喺2018年同單文柔結婚,並於2019年誕下囡囡Quinta(小豬比),事業愛情兩得意~

陳展鵬憑著《城寨英雄》勇奪影帝!Photo from TVB

陳展鵬同單文柔於2018年結婚,誕下小豬比~Photo from 單文柔IG

# 自爆年輕超頑皮?!

日前,陳展鵬上節目《人夫放假約出去滾》一開始就先講述年少輕狂嘅事蹟,鍾意去酒吧玩「見到靚女就追下咁」,仲爆「喺bar一定企俗稱狗公位,即係廁所附近好多人出入,可以昅女囉」,但無奈表示冇因此而認識到女仔。佢補充喺圈內亂追女仔好容易出事「可能係導演追緊,或者係監製女友」,必須要謹慎行事!

陳展鵬自爆小時候好貪玩!Photo from 《人夫放假約出去滾》

仲話細個一定要企「狗公位」望女仔!Photo from 《人夫放假約出去滾》

# 入行初期感到迷惘!

陳展鵬話自己貪好玩去報讀訓練班,但過程卻並非想像中順利「嚟到TVB凌晨4點起身,我哋啲小演員當時就只能夠企,一企就10幾粒鐘」,坦承當時經濟狀況十分困難!佢仲為咗生計去地盤打工,日薪大約係$300;同時亦有做乒乓球教練。

陳展鵬初入行時,仲有到地盤打工賺錢維持生計!Photo from 《人夫放假約出去滾》

# 坦承對單文柔一見鍾情!

當被問到同老婆單文柔嘅相識經過,二人其實喺2016年嘅香港小姐選舉中初次見面,當時佢就係台下嘅其中一位評判。陳展鵬直言第一眼望到對方嘅時候「覺得佢(單文柔)好似好冇信心」,反而激起佢嘅保護欲,所以當時俾咗好高分佢!

陳展鵬直言對單文柔算係一見鍾情!Photo from TVB

陳展鵬於「最上鏡小姐」環節中,俾咗好高分單文柔!Photo from TVB

# 女方3大優點成功攻陷陳展鵬!

後來因為工作關係,二人經常都會喺台慶等活動中遇見,但相隔1年後先正式向對方 「抄牌」!而認識加深之後,佢就覺得單文柔「好純、好乖、好簡單」,俾到佢初戀嘅感覺以及自信心。

陳展鵬覺得單文柔令佢有返初戀嘅感覺!Photo from 單文柔IG

# 因為呢件事令佢哋感情升溫!

同一時間,當年陳展鵬同胡定欣因拍攝《城寨英雄》成為螢幕情侶,經常一齊接job出活動;而佢同單文柔就被傳媒拍到喺山頂談心,而搞到網民覺得女方背上小三稱號!不過,單文柔依然非常信任佢,令佢哋二人感情瞬速升溫「唔知點解神推鬼㧬,所有媒體、環境揭發到我哋喺埋一齊」,結婚時間比佢想像中快!

當時陳展鵬因為拍攝《城寨英雄》同胡定欣係螢幕情侶,二人嘅緋聞傳得沸沸揚揚!Photo from TVB

二人卻因為傳聞,而令佢哋嘅感情變得更加堅定!Photo from 單文柔IG

# 第一次求婚失敗!

交往大約2年後,陳展鵬就決定要同單文柔求婚,但第一次求婚卻被女方以為係假「啲戲幾好喎,你視帝嚟㗎嘛!」,以搞笑作為該次求婚嘅結尾!半年後,佢就摺咗隻戒指套進對方手指求婚,仲話《逆天奇案》都係用呢條橋!

陳展鵬第一次求婚被單文柔以為係假嘅!Photo from 陳展鵬IG

陳展鵬第二次求婚時利用手工戒指感動女方~Photo from 陳展鵬IG

# 陳展鵬過往情史

陳展鵬2008年被傳媒拍到與亞姐冠軍姚嘉雯拍拖,不久後佢哋就對外表示已經分手,有傳係因為陳展鵬跳槽去TVB拼搏工作所導致!

陳展鵬2008年被拍到與亞姐姚嘉雯拍拖,亦係佢除咗單文柔之外唯一公開認愛嘅對象!Photo from ATV

# 緋聞女友多數都係合作對象?

2012年,陳展鵬同鍾嘉欣合作拍攝《巨輪》被傳出戲假情真,而佢亦曾經喺接受電台訪問時話對女主角難抽離,被馬明踢爆暗戀對方好耐!後來又被拍到用跑車接載女方搭船出席澳門活動,但中途發生車禍被揭發二人關係親密,2014年再合作電視劇《大藥坊》,緋聞傳足2年咁耐!

陳展鵬2012年同鍾嘉欣合作,仲不時被傳媒拍到二人相聚。Photo from TVB

# 胡定欣傳緋聞!

2016年電視劇《城寨英雄》令陳展鵬同胡定欣嘅人氣到達頂峰,仲令佢哋呢pair螢幕情侶傳出緋聞!當時唔少人都深信佢哋已經係情侶,二人出席活動時都表現得非常甜蜜,後來又在合作拍《同盟》。直到同單文柔拍拖被拍後,謠言不攻自破。

胡定欣彤陳展鵬呢對螢幕情侶,被唔少網民以為已經係真正嘅情侶!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel