家族榮耀︱羅子溢揭與楊茜堯改名原因「並非為求子!」自爆曾為太太做一瘋狂事

家族榮耀︱羅子溢揭與楊茜堯改名原因「並非為求子!」自爆曾為太太做一瘋狂事

電視電影 娛樂新聞
By Cheryl on 07 Mar 2022
Digital Editor

羅子溢(前名:羅仲謙)與老婆楊茜堯(前名:楊怡)齊齊參演劇集《家族榮耀》,羅子溢近日為宣傳劇集接受電台訪問,當中佢大談被楊茜堯吸引嘅原因,仲自爆同老婆一齊改名嘅原因,原來係同囡囡「小珍珠」有關?

羅子溢近日宣傳劇集《家族榮耀》時自爆與太太楊茜堯該名原因。Photo from 楊茜堯 IG

羅子溢自揭與楊茜堯改名原因

羅子溢與楊茜堯夫婦近日一起亮相劇集《家族榮耀》,兩人話題度因此提升。羅子溢最近在訪問中提及改名一事,對於外界有傳兩公婆為了求子而轉名,佢自爆真正嘅改名原因其實係因為愛女「小珍珠」,「因為個女個名係搵師傅改嘅,但係師傅指如果想個女好啲,父母都要配合一下,產生個化學作用先會夠大,所以我哋都決定一齊改。」

羅子溢與楊茜堯為咗愛女「小珍珠」而齊齊改名。Photo from 楊茜堯 IG

但羅子溢同楊茜堯都自知舊名「羅仲謙」和「楊怡」早已深入民心,因此兩人考慮改名時都十分掙扎,但佢表示,始終做人父母都係會以女兒幸福為先,同時又指:「雖然我新名聽落似為了求子,但實情並唔係咁。」

羅子溢指自己改新名用意並唔係外界所想嘅為求子。Photo from 楊茜堯 IG

無刻意隱瞞老婆壞第二胎消息

老婆楊茜堯於去年十二月低調誕下第二胎,對於是否想特別保密高齡產婦生育一事,羅子溢表示佢哋無刻意隱瞞,只係無特別佢宣布再度懷孕消息。佢坦言兩夫婦一直如常帶女兒上學,所以已有唔少家長知道楊茜堯懷上第二胎。羅子溢表示,佢哋亦無要求其他家長保密,「隨緣知道就知道。」

楊茜堯與羅子溢並無刻意收埋或公佈懷第二胎消息。Photo from 楊茜堯 IG

楊茜堯個性吸引

羅子溢亦談到當初認識楊茜堯時,就瞬間被對方嘅獨立、成熟有主見個性,和堅強魅力深深吸引,加上兩人相處好舒服,所以便決定展開追求。

廣告
廣告

羅子溢直言老婆個性好吸引自己。Photo from 羅子溢 IG

為老婆做過瘋狂事?

被問到對老婆做過最浪漫嘅事,羅子溢坦言自己係個激情嘅人,曾做過唔少瘋狂事,「如當年冬夜行沙灘,我會忽然跳海游出浮台,就為了向太太證明自己對待呢段感情有多認真。」

羅子溢笑言自己會為另一半作出「瘋狂」行為。Photo from 楊茜堯 IG

婚前同居一拍即合

羅子溢又透露,二人結婚前已經試過同居,當中發現彼此性格和生活習慣都相近,一拍即合,難怪兩夫婦婚後生活咁融洽!同時,佢自覺做爸爸後體會到責任變大,仲變得非常眼淺,一見到小朋友唔開心就難過,又會時常警惕自己要做一個好爸爸,成為下一代好榜樣。

羅子溢大談做爸爸後嘅深刻體會。Photo from 楊茜堯 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel