女生被捲髮器卡髮續搵消防求救 花半小時「解鎖 」網民笑言：消防真萬能！

好多女生都愛用捲髮器整造型，嘗試過程中難免會出現蝦碌意外。內地一名女生用捲髮器時不慎卡實頭髮，慌張下佢竟然去搵消防求救，而消防都好細心咁幫佢將捲髮器上嘅細刺逐一拔走。部分網民認為女生小題大做，又笑言消防員真係萬能。

Photo from 中國消防 微博

捲髮器卡實頭髮Call消防？！

中國消防不時會在其官方微博分享日常任務，近日，佢哋就分享了一則短片，關於江蘇徐州一名女生想弄髮型，自己在家用捲髮器時，唔小心將捲髮器纏著頭髮，仲卡得好實，越解越亂，束手無策下佢決定跑去搵消防求助。

Photo from 中國消防 微博

Photo from 中國消防 微博

消防員評估情況後，問女生是否要將捲髮器拆掉，之後兩名消防將佢帶入室內，用手按著女生頭部，細心地用尖嘴鉗拔走過百條梳刺，避免扯斷女生髮絲，女生直言：「這輩子都不會再用這個捲髮棒了。」

Photo from 中國消防 微博

Photo from 中國消防 微博

消防耐心救援，成功幫女生「脫困」

過程花了半小時，一根根梳刺都放在卓上，最後成功保住女生一頭秀髮。對此，女生對消防感謝萬分，而見到自己一頭鬆散不已嘅頭髮都笑言：「頭髮真正成了『羊毛卷』了！」

Photo from 中國消防 微博

Photo from 中國消防 微博

Photo from 中國消防 微博

部分網民斥浪費公共資源

部分網民睇片後，認為女生濫用公共資源，「屁大點事都要找消防員」、「這種事真的大可不必吧... 雖然說消防員是很萬能，但這個事情明明自己可以想辦法解決啊。」不過，亦有網民唔同意，坦言片中捲髮器已經貼著頭皮卷，如果直接剪掉該範圍頭髮，對女生嚟講會好難睇。

Photo from 微博

Photo from 中國消防 微博

早前已有「捲髮器卡手指事件」

其實，中國消防已不是第一次解救「捲髮器事故」，去年尾，佢哋就分享過一條短片，展示江西撫州一名女學生手指不慎被捲髮神器卡著，「在救援過程中，女生無奈表示洗潔精和剪刀都試了，就是打不開。」於是，消防員小心將捲髮器剪爛再鬆開，幫學生脫困，帖文都笑指學生可以用笑聲掩飾一下尷尬。

Photo from 中國消防 微博

Photo from 中國消防 微博

相關文章：內地女生不理父母反對嫁黑人 婚後發現老公哥哥竟然係奧巴馬！

相關文章：內地男與港女結婚！狂讚內地經濟好，聲稱絕不申請來港

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）