download HolidaySmart 假期日常 app
余文樂被笑英文差晒字典力證無串錯字!「bra」仲有呢個意思?!

余文樂被笑英文差晒字典力證無串錯字!「bra」仲有呢個意思?!

娛樂新聞
By Jennifer on 07 Mar 2022
Digital Editor

余文樂早前喺IG公開同吳建豪嘅合照並留言「Love you bra」,疑誤將「bro」串咗做「bra」,即被嘲英文差。佢之後喺IG Story晒出英文字典截圖,力證自己並無串錯字!

余文樂早前喺IG公開同吳建豪嘅合照Photo from 余文樂 IG

余文樂疑誤將「Love you bro」串錯為「Love you bra」

現年40歲嘅余文樂同吳建豪向來係好兄弟,佢哋依家都喺台灣,日前余文樂於IG公開合照,兩人舉起V字手勢,表情十分chok,佢仲留言tag吳建豪:「Love you bra @vanesswu」

余文樂於IG公開合照,兩人舉起V字手勢,表情十分chok,佢仲留言tag吳建豪:「Love you bra @vanesswu」Photo from 余文樂 IG

但佢疑似將「bro」誤串為「bra」,掀起網民熱議,唔少網友笑佢英文差,連杜文澤都「抽水」大擺同一pose,又表示:「A字同個O字響keyboard上隔咁遠,好難打錯吖,估計係用語音。我懷疑佢一直以為bro係讀bra,因為brother讀bra打,咁簡稱咪bra囉!」

余文樂疑似將「bro」誤串為「bra」,掀起網民熱議,紛紛笑佢英文差,連杜文澤都「抽水」大擺同一posePhoto from 杜文澤 Facebook

IG晒英文字典反擊證無串錯字

不過余文樂就喺IG Story大反擊,佢post出英文字典截圖,解釋咗「brah」係「A male friend(男性朋友)」嘅意思,例句有:「hey, brah!」,而且「brah」隔離仲有一行:「also bra」,余文樂更寫下「Thanks !!!」,證明「Love you bra」有根有據。

余文樂喺IG Story大反擊,佢post出英文字典截圖Photo from 余文樂 IG

余文樂更寫下「Thanks !!!」,證明「Love you bra」有根有據。Photo from 余文樂 IG

曾考兩次會考,稱太輕視考試以致成績差

余文樂就讀於天水圍一間中學,中五畢業後再重讀一年,兩間學校都有唔少名人校友。佢之後升至另一學校讀中六,但未完成預科課程就開展佢嘅演藝事業。

余文樂升至另一學校讀中六,但未完成預科課程就開展佢嘅演藝事業。Photo from 余文樂 IG

網上曾流傳香港藝人會考分數列表,其中有指余文樂第一次會考7分,重考後獲10分,余文樂雖未有透露佢會考分數,但早年接受訪問時佢坦言自己考過兩次會考,第一次因為太輕視考試所以考得好差,收到成績單後心情沉重,佢決心發憤讀書,終於考到上中六。

網上曾流傳香港藝人會考分數列表,其中有指余文樂第一次會考7分,重考後獲10分Photo from 余文樂 IG

余文樂早年接受訪問時指自己考過兩次會考,佢更連續用3個「好差」形容第一年嘅成績Photo from 余文樂 IG

早有前科?「Smell」串錯做「Smile」?!

余文樂曾就讀英文中學,但原來「串錯字」疑雲已唔係第一次發生!2017年佢喺IG Story公開一段香薰片段,更寫上「Smile good」,隨即被網民質疑打錯字,應該係「Smell good」先啱!當時余文樂急急刪除影片,未有好似今次咁公開字典為自己平反。

余文樂曾就讀英文中學,但原來「串錯字」疑雲並非第一次發生Photo from 余文樂 IG

2017年余文樂喺IG Story公開一段香薰片段,更寫上「Smile good」,隨即被網民質疑打錯字,應該係「Smell good」先啱Photo from 余文樂 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

余文樂自爆22歲已想退出娛樂圈!「我不是要賺很多錢,發明星夢的人」

22 Dec 2021

與妻兒長居台灣嘅余文樂現年40歲,佢喺YouTube節目《Inside Out》中提到自己原來初出道就已經萌生解約、退出娛樂圈嘅想法,佢自言唔係發明星夢嘅人,幸好被當時老闆一番話點醒。

與妻兒長居台灣嘅余文樂現年40歲Photo from 余文樂 IG

余文樂與陳冠希因為爭阿嬌傳不和!

現年40歲嘅余文樂2000年拍香港電台青春偶像劇《青春@Y2K》正式出道,之後加入樂壇、又拍電影,成為歌影兩棲藝人。

現年40歲嘅余文樂2000年拍香港電台青春偶像劇《青春@Y2K》正式出道Photo from 青春@Y2K

不過余文樂嘅星途亦非一帆風順,佢與Twins成員阿嬌鍾欣潼拍電影《一碌蔗》傳出緋聞,更有報道指佢阿嬌同另一緋聞男友陳冠希因此結冤!佢哋雖然一齊合作過《頭文字D》、《無間道》等多套電影,最終卻反目不和,令兩人形象都大受打擊。

余文樂與Twins成員阿嬌鍾欣潼拍電影《一碌蔗》傳出緋聞,更有報道指佢阿嬌同另一緋聞男友陳冠希因此結冤Photo from 頭文字d

自爆出道第二年已想退出娛樂圈:「我不是發明星夢的人」

演藝事業發展咗超過20年,估唔到佢都曾經有放棄嘅念頭。余文樂回想起22歲嗰陣,佢出道僅第二年,已萌生退出娛樂圈嘅想法,更向佢當時老闆提出解約。

余文樂回想起22歲嗰陣,佢出道僅第二年,已萌生退出娛樂圈嘅想法Photo from Inside Out

余文樂表示:「入行第二年,我已跟老闆說我不玩了,我想解約回去打工。」,佢指覺得自己唔適合呢份工,尤其係佢接受唔到做藝人成日都要面對傳媒,又要回應是非、負面問題。

余文樂覺得自己唔適合呢份工,尤其係佢接受唔到做藝人成日都要面對傳媒,又要回應是非、負面問題。Photo from Inside Out

佢稱:「我才22歲,我不是要賺很多錢,我不是發明星夢的人,我只是誤打誤撞進來。」,當年佢係全職模特兒,但後來得到導演同唱片公司嘅賞識,正式開始投入電影、歌唱演藝事業。

余文樂稱:「我才22歲,我不是要賺很多錢,我不是發明星夢的人,我只是誤打誤撞進來。」Photo from 余文樂 IG

兩度提出解約,余文樂被老闆鬧醒

余文樂曾兩度向老闆提出要解約離開,老闆一開始叫佢冷靜下先,到佢第二次提出真係想走:「可否讓我走,我真的不想做」,老闆一番話卻「鬧醒」佢。

余文樂曾兩度向老闆提出要解約離開Photo from 余文樂 IG

余文樂當時嘅老闆指佢隨時都可以走:「我不會為難你,可是我覺得作為男人,如果你今次碰到這個問題你投降,你就一輩子活在這陰影裏,你做任何事覺得困難你就投降,你認輸就一輩子會是這樣。」

余文樂當時嘅老闆指佢隨時都可以走:「我不會為難你,可是我覺得作為男人,如果你今次碰到這個問題你投降,你就一輩子活在這陰影裏。」Photo from Inside Out

老闆叫余文樂諗清楚係想成功之後再揀離開或留下,定係喺失敗嘅狀態下退出娛樂圈:「我們再繼續努力,到你克服一切,你還是覺得不想玩,你就走」,余文樂聽後就唔再鑽牛角尖。

老闆叫余文樂諗清楚係想成功之後再揀離開或留下,定係喺失敗嘅狀態下退出娛樂圈Photo from Inside Out

創立服裝品牌非為賺錢

不過結婚後余文樂同妻兒都長駐台灣,佢亦甚少出演電影,主力經營佢創立嘅服裝品牌MADNESS。佢表示自己創立品牌係因為興趣,而非為賺錢。

結婚後余文樂同妻兒都長駐台灣,佢亦甚少出演電影,主力經營佢創立嘅服裝品牌MADNESSPhoto from 余文樂 IG

余文樂表示自己創立品牌係因為興趣,而非為賺錢。Photo from Inside Out

佢表示每一年都想放棄繼續經營呢個品牌,佢又提及早年品牌推出嘅一件服裝出過事,影響到佢身為藝人方面嘅工作:「差點就決定放棄,但公司是我的,我需要承擔及解決問題。」

余文樂提及早年品牌推出嘅一件服裝出過事,影響到佢身為藝人方面嘅工作Photo from 微博

余文樂:「差點就決定放棄,但公司是我的,我需要承擔及解決問題。」Photo from 余文樂 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel