download HolidaySmart 假期日常 app
具俊曄|大S韓籍老公20年前係美男子,帥照曝光!光頭造型有原因

具俊曄|大S韓籍老公20年前係美男子,帥照曝光!光頭造型有原因

娛樂新聞
By Jennifer on 08 Mar 2022
Digital Editor

大S(徐熙媛)與韓團「酷龍」成員具俊曄閃婚嘅消息震驚中港台三地網民,現年52歲嘅具俊曄曾同大S交往,惜戀情無疾而終,估唔到20年後竟再續前緣!其實具俊曄年輕時都係一位美男子,佢上韓國綜藝《玩甚麼好呢》時公開舊照,獲Haha讚歎似張國榮

大S(徐熙媛)與韓團「酷龍」成員具俊曄閃婚嘅消息震驚中港台三地網民Photo from 大S 微博

大S徐熙媛同汪小菲離婚僅106日,宣佈再婚嫁「酷龍」成員具俊曄

大S同汪小菲結束10年婚姻,離婚後汪小菲同內地女星張穎穎屢傳緋聞,而大S就似乎一直單身,獨力撫養兒女。但同汪小菲離婚僅106日,大S就宣佈再嫁,老公更係韓流始祖「酷龍」成員具俊曄!

大S同汪小菲結束10年婚姻,離婚後汪小菲同內地女星張穎穎屢傳緋聞Photo from 大S 微博

同汪小菲離婚僅106日,大S就宣佈再嫁Photo from 大S IG

大S老公係韓流始祖「酷龍」成員具俊曄!Photo from 具俊曄 IG

具俊曄表示佢得知大S離婚所以鼓起勇氣主動聯絡對方,之所以咁快決定結婚係因為疫情導致二人無法見面,希望結婚後成為家人佢可以入境台灣與大S相見。而大S則指佢唔會搞婚禮亦唔會再生小朋友。

具俊曄表示佢得知大S離婚所以鼓起勇氣主動聯絡對方,之所以咁快決定結婚係因為疫情導致二人無法見面,希望結婚後成為家人佢可以入境台灣與大S相見Photo from 具俊曄 IG

具俊曄IG晒時尚穿搭

現年52歲嘅具俊曄經常會喺IG大晒日常造型,穿搭十分型格時尚。對fashion十分關心嘅佢IG除咗穿搭照,多數都係去藝術展等日常照,今次佢喺IG以中文韓文兩種語言公佈結婚喜訊,獲好多韓星留言祝福。

現年52歲嘅具俊曄經常會喺IG大晒日常造型,穿搭十分型格時尚。Photo from 具俊曄 IG

對fashion十分關心嘅具俊曄IG除咗穿搭照,多數都係去藝術展等日常照Photo from 具俊曄 IG

具俊曄喺IG以中文韓文兩種語言公佈結婚喜訊,獲好多韓星留言祝福。Photo from 具俊曄 IG

大S曾與具俊曄交往,惜一年後分手

2人組合「酷龍(Clon)」1998年開始紅遍香港、台灣、內地及其他亞洲國家,大S都係fans之一。當年擔任《娛樂百分百》主持嘅大S去睇蘇慧倫演唱會後即對擔任演唱會嘉賓嘅酷龍大為著迷。

2人組合「酷龍(Clon)」1998年開始紅遍香港、台灣、內地及其他亞洲國家,大S都係fans之一Photo from 《玩甚麼好呢》

之後具俊曄訪台,透過圈中好友介紹結識大S,兩人一見鍾情,好快就確定戀情。不過由於男方經紀公司規定未能認愛,而具俊曄曾公開否認戀情以及拒絕參加大S主持嘅《娛樂百分百》,令大S非常難過,最終分手。

具俊曄訪台,透過圈中好友介紹結識大S,兩人一見鍾情,好快就確定戀情Photo from 大S 微博

由於男方經紀公司規定未能認愛,而具俊曄曾公開否認戀情以及拒絕參加大S主持嘅《娛樂百分百》,令大S非常難過,最終分手。Photo from 具俊曄 IG

具俊曄年輕時長髮照曝光

酷龍曾風靡亞洲,具俊曄年輕時亦係一位美男!佢近日出演韓國綜藝《玩甚麼好呢》,節目公開佢年輕時舊照,連Haha都感歎佢後生係「美少年」,又大讚具俊曄長髮造型同張國榮嘅髮型好似。

酷龍曾風靡亞洲,具俊曄年輕時亦係一位美男Photo from 《玩甚麼好呢》

具俊曄近日出演韓國綜藝《玩甚麼好呢》Photo from 《玩甚麼好呢》

節目公開具俊曄年輕時舊照Photo from 《玩甚麼好呢》

Haha大讚具俊曄長髮造型同張國榮嘅髮型好似。Photo from 《玩甚麼好呢》

其實具俊曄早於20幾年前已經以光頭造型示人,甚至成為佢嘅個人特色,佢坦言自己25歲時已有脫髮徵兆,試過增髮纖維。後來係因為入伍時加入咗樂隊,所以要留長髮表演。

具俊曄坦言自己25歲時已有脫髮徵兆,試過增髮纖維Photo from 《玩甚麼好呢》

具俊曄入伍時加入咗樂隊,要留長髮表演。Photo from 《玩甚麼好呢》

嘉賓指具俊曄後生嗰陣係花美男類型Photo from 《玩甚麼好呢》

大S為愛紋身

具俊曄年輕帥照曝光亦令唔少網友稱明白大S點解會中意佢!雖然相戀短短一年,但兩人愛得轟烈,學習彼此中文/韓文以便同對方溝通、具俊曄亦會赴台與大S秘密約會、大S更為男友於腳踝上紋身。

雖然相戀短短一年,但兩人愛得轟烈,學習彼此中文/韓文以便同對方溝通Photo from next magazine

大S喺腳踝紋咗個「九」字,具俊曄曾經喺韓國綜藝《黃金漁場》中提及呢段情,又大爆:「『九』與我的姓氏『具』同音」,指大S唔識韓文所以先會搞錯。

大S更為男友於腳踝上紋身Photo from 大S 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

離婚僅106日!大S宣佈與韓星具俊曄再婚!當年分手原因曝光!盤點5段轟烈情史

8 Mar 2022

台灣女星大S(徐熙媛)突然宣佈再婚消息,與20年前舊愛韓團「酷龍」成員具俊曄閃婚!大S與前夫汪小菲離婚僅僅3個月,期間汪小菲被爆疑似婚內出軌,而前奶奶張蘭亦暗罵大S,但佢只係大方表示祝福對方。

大S宣佈再婚,對象係韓國舊愛具俊曄!Photo from 大S微博

# 大S汪小菲上年11月宣佈離婚

現年45歲嘅台灣女星大S(徐熙媛)上年11月被傳媒大爆已經與前夫汪小菲離婚,其後佢發聲明承認兩人已和平分開,結束11年婚姻!

大S上年11月被爆與汪小菲離婚,結束11年婚姻!Photo from 汪小菲微博

# 大S與韓國男團成員結婚!

然而,大S今日就於FB宣佈再婚消息,對象居然係20年前嘅舊愛韓團「酷龍」成員具俊曄!二人今晨同時於社交平台上宣佈結婚消息,令網民們都對佢地破鏡重圓感到驚訝。據悉,二人今個月初喺韓國完成結婚登記,而男方預備飛往台灣與大S會面以及辦理結婚手續。

男方具俊曄亦於IG宣佈婚訊!Photo from 具俊曄IG

大S今晨於FB承認再婚,令網民驚訝!Photo from 大S FB

# 男方透露結婚契機!

具俊曄接受韓媒訪問時表示一直都欣賞大S堅強性格,偶然知道對方離婚所以鼓起勇氣聯絡對方,已經頻繁聯繫幾個月。佢透露結婚契機係因為礙於疫情導致二人無法見面,希望透過成為家人能夠盡快見面「我們已經非常了解對方,不需要再花時間交往。」

具俊曄接受韓媒訪問時,分享成為人夫嘅興奮心情!Photo from 具俊曄IG

男方表示佢哋已經非常了解彼此,所以唔需要再花時間拍拖!Photo from 大S微博

# 20年前曾交往

知名韓國元老級偶像具俊曄1998年就已經同大S交往過,二人當時於歌手蘇慧倫演唱會中認識,後來喺女方積極追求下,二人發展成情侶關係!當時佢哋就已經傳出緋聞,但由於男方經紀公司規定,無法公開認愛;而具俊曄曾於媒體前否認戀情以及拒絕參加大S主持嘅《娛樂百分百》,令大S感到難過,最終分手收場。

有指大S睇演唱會嘅時候對具俊曄一見鍾情,仲瘋狂地化身小粉絲接機!Photo from 大S IG

當時男方經紀公司有禁愛令,導致二人最終分手!Photo from 具俊曄IG

# 大S過往情路坎坷?!

一向敢愛敢恨嘅大S感情經歷非常豐富,佢喺就讀華岡藝校時就已經同陳建州(黑人)交往過,但二人直到宜家都維持好有關係,而佢同黑人嘅老婆范瑋琪仲成為好姐妹!

大S就讀藝校嘅時候,同陳建州(黑人)交往!Photo from 《我們是真正的朋友》

分手後,大S同黑人依然係朋友,仲同范瑋琪變成好姐妹~Photo from 大S微博

# 藍正龍

2001年,大S因為拍攝電視劇《流星花園》而戀上客串嘅藍正龍,仲努力倒追男方,最終成功贏得芳心!可惜當時年紀尚輕嘅藍正龍未想穩定下來,導致二人最終分手,結束4年情;而大S於主持《娛樂百分百》時公開分訊。

大S拍攝《流星花園》嘅時候對藍正龍一見鍾情,並積極追求男方!Photo from 《求婚事務所》

有傳男方未想定下來,導致二人分手Photo from 《求婚事務所》

# 仔仔(周渝民)

大S同仔仔早於拍攝《流星花園》嘅時候就認識,其後二人以「乾姊弟」相稱。有傳女方因為同藍正龍分手而陷入低潮,而仔仔就一直陪伴喺佢身邊;後來仔仔發生車禍,女方亦第一時間趕往現場,令曖昧情曝光!2005年二人公開認愛,不過有傳二人對結婚未能達成共識,導致3年情斷!

後來,大S戀上過往拍檔仔仔,戀情維持大約3年。Photo from 《流星花園》

# 汪小菲

大S於2010年宣佈與汪小菲閃婚,二人於安以軒生日派對上認識,相隔兩地嘅佢哋見面僅4次就決定結婚!二人婚後育有一子一女,仲出演真人騷《幸福三重奏》大晒恩愛。直到上年11月,佢哋發聲明表示已經離婚!

2010年,大S與汪小菲當時只係交往20幾日閃婚!Photo from 汪小菲微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel