download HolidaySmart 假期日常 app
47歲劉綽琪憔悴近照曝光!丈夫父親相繼離世!自細身世坎坷但依然積極面對!

47歲劉綽琪憔悴近照曝光!丈夫父親相繼離世!自細身世坎坷但依然積極面對!

娛樂新聞
By Stephanie on 09 Mar 2022
Digital Content Writer

港姐出身嘅藝人劉綽琪已經淡出幕前多年,但經常喺社交平台上分享自己嘅日常生活。然而,呢幾年嘅經歷令佢一度陷入低潮,身邊嘅親人都不幸離世,仲因此而患上人格障礙症。最近佢上載嘅自拍近照,就顯得非常憔悴,令網民都非常擔心!

劉綽琪已經淡出幕前多年,但最近佢嘅自拍近照引起網民關注!Photo from TVB

# 劉綽琪參選港姐出身

47歲嘅劉綽琪1997年以本名參選港姐而入行,隨後簽約成為TVB藝人,主要出演電視劇以及主持清談節目,知名度尚算唔錯。2006年,佢曾經轉投亞洲電視,並以主持健康節目《康健DNA》而為人熟悉。直到2008年佢因為照顧病重嘅爸爸而去美國,有份參與好萊塢製作,拍攝短片以及廣告!

1997年,劉綽琪以本名劉依清參選港姐!Photo from TVB

當年劉綽琪嘅龜苓膏廣告深入民心~Photo from 養和堂廣告

# 丈夫及父親接連病逝!

2015年,劉綽琪於FB公開與外籍男友結婚消息,事實上丈夫當時已經發現患有淋巴癌,但佢選擇陪伴對方走過人生最後一段路,而丈夫亦於婚後2年不幸逝世!2018年佢回流返港,曾接受傳媒採訪嘅時候提及父親剛離世消息,但依然積極面對人生,表示自己已欣然接受事實,習慣一個人嘅生活。

劉綽琪2015年與外籍男友結婚,但2年後丈夫因病去世!Photo from TVB

# 自拍近照公開,面容瘦削!

日前,劉綽琪於IG罕有地上載自拍照。只見相片中嘅佢身穿吊帶背心,長髮披散,但面容瘦削,神情憔悴,狀態似乎大不如前!唔少網民都紛紛留言表示擔心,而佢就回覆仲想減多幾磅,並解釋喺用咗萬聖節filter先顯得面色蒼白,感謝網民關心。

劉綽琪最近嘅自拍面色蒼白,狀態似乎唔係咁好,令網民擔憂!Photo from 劉綽琪IG

劉綽琪回應網民只係filter嘅效果,感謝網民關心~Photo from 劉綽琪IG

# 曾患人格障礙症

2019年,劉綽琪因知識產權問題與律師發生紛爭鬧上法庭,當時佢喺庭外接受訪問時自爆患上人格障礙症,每日都要食藥,精神狀況不佳。之後,佢就甚少再公開露面,十分低調,又難怪網民會擔心佢!

曾患上人格障礙症,需要每日服藥,情緒不穩定!Photo from 劉綽琪IG

# 童年經歷坎坷!

自小就經歷父母離異嘅劉綽琪,小時候大部分時間都同母親相依為命。喺佢14歲嗰年,母親卻因為陷入人生低潮而選擇離開人世,令當時目擊情況嘅佢大受打擊!後來,佢曾於節目中提及事件,但就坦承「的確影響咗我嘅性格,但我唔想再喺過時過節覺得唔開心。」

劉綽琪14歲嘅時候失去母親,令佢受到打擊!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

「最Hea港姐」張舒雅近照曝光!皮膚光滑保養得宜 坐豪華遊艇出海好歎!

28 Feb , 2022

36歲張舒雅係2008年香港小姐冠軍,當選後卻向TVB請病假,鮮有出席活動,又退選多個選美競賽,繼而被封「最Hea港姐」。已淡出娛樂圈嘅佢近照不多,但日前佢罕有「上水」,在IG限時動態上載多張坐船出海嘅照片!

張舒雅08年參選港姐奪冠,之後卻因多次不出席活動被封為「最Hea港姐」。Photo from TVB

張舒雅08年當選港姐後被指Hea爆

張舒雅(Edelweiss)2008年參選《香港小姐競選》,雖然當時有不少負面新聞傳出,包括夜蒲、抽煙等,但仍成功奪冠,而亞軍和季軍則分別由陳倩揚、馬賽奪得。張舒雅身高達180cm,高挑身材富有模特兒氣質。

張舒雅參選時有不少負面新聞,但仍然奪得冠軍。Photo from TVB

不過,佢當選一個月後就向大台請病假,拒絕參與很多活動之餘,更退選世界小姐及國際中華小姐競選,但同時被傳媒拍到與男友出外夜蒲,所以被指工作態度懶散,更被封為「最Hea港姐」。TVB之後決定雪藏張舒雅,亦禁止佢出席2009年港姐決賽,所以張舒雅係史上第一位無得為新任冠軍加冕嘅港姐。

張舒雅被封「最Hea港姐」Photo from TVB

因為媽媽先參選港姐?

張舒雅家境富裕,家人經營珠寶生意,係億萬太子女,佢參選期間曾被爆家住九龍塘7,000呎獨立屋,卸任後曾短暫做過模特兒。佢曾在訪問中透露,當年係因為媽媽希望佢訓練儀態才參選港姐,佢並無打算留在娛樂圈發展。

張舒雅屋企有錢,係千金一名Photo from 張舒雅 IG

張舒雅未無打算在娛樂圈發展。Photo from 張舒雅 IG

近照不多,生活愜意

張舒雅當選後甚少露面,個人IG更新亦唔多,最新照片都已上載於2020年,而大部分照片都係去度假旅行,非常愜意。直到日前,佢在IG限時動態上載多張出海照,寫道「鴨脷洲一日遊」,之後又轉搭遊艇出淺水灣,當中除了可見其愛犬外,亦可見遊艇設計相當豪華,外部設有一個按摩浴缸,讓人一邊浸浴,一邊欣賞靚海景。

遊艇環境舒適,飽覽海景。Photo from 張舒雅 IG

同愛犬一齊出海Photo from 張舒雅 IG

遊艇內部豪華Photo from 張舒雅 IG

罕有貼自拍照

張舒雅亦有貼出一張自拍照,雖然半邊臉被愛犬遮著,但都見到佢皮膚不錯,臉頰飽滿,同十多年前選港姐相比分別不大,保養不錯。

張舒有上載最新自拍照。Photo from 張舒雅 IG

不介意被指Hea

張舒雅曾在訪問中透露不介意被外界話佢hea,認為hea住生活都係一件好事。當年佢唔想太快接手家族生意,但有指佢近年為協助家人打理生意而修讀珠寶設計課程,亦有傳佢同朋友合資開酒吧成為老闆。

張舒雅身材非常高挑。Photo from 張舒雅 IG

張舒雅不介意被人話Hea。Photo from 張舒雅 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel