download HolidaySmart 假期日常 app
《東張西望》前任主持大起底!隱形富婆、有人離巢後擲1億買豪宅

《東張西望》前任主持大起底!隱形富婆、有人離巢後擲1億買豪宅

娛樂新聞
By Jennifer on 21 Dec 2022
Digital Editor

TVB《東張西望》關注民生議題獲網友讚好,當中唔少女主持亦因此為人熟悉。但近年「東張女神」陸續離巢,佢哋有人離開有更好嘅發展,亦有人本身係富婆唔憂做。

TVB《東張西望》關注民生議題獲網友讚好,當中唔少女主持亦因此為人熟悉

林泳淘轉型做KOL

「東張女神」林泳淘2019年被TVB提早解約,佢表示會轉做KOL、活動司儀等,喺呢兩年佢亦有為ViuTV拍劇。2021年佢與初戀男友林卓立結束14年愛情長跑,正式升呢做人妻!

「東張女神」林泳淘2019年被TVB提早解約,佢表示會轉做KOL、活動司儀等

2021年林泳淘與初戀男友林卓立結束14年愛情長跑,正式升呢做人妻!

原來做《東張西望》主持前,林泳淘曾以香港樂壇組合「Lacee Lacey」成員身份出道,當時佢以藝名「林熙」活動,之後參選2012年度香港小姐競選簽約TVB。

林泳淘曾以香港樂壇組合「Lacee Lacey」成員身份出道,當時佢以藝名「林熙」活動

黃愷怡老公係飛機師

黃愷怡畢業於香港中文大學新聞及傳播系,佢曾與林希靈、黃碧蓮、余德丞一齊主持TVB兒童節目《Think Big 天地》,之後加入《東張西望》成為其中一位外景主持。

黃愷怡畢業於香港中文大學新聞及傳播系,之後加入《東張西望》成為其中一位外景主持。

佢2019年與任職飛機師嘅男友Billy Chau結婚,佢哋喺中文大學讀書時認識,拍拖7年終於拉埋天窗。2021年12月31日佢同另一主持林希靈同日離職,佢表示計劃同林希靈一齊做YouTuber。

黃愷怡2019年與任職飛機師嘅男友Billy Chau結婚

2021年12月31日佢同另一主持林希靈同日離職,佢表示計劃同林希靈一齊做YouTuber。

林希靈離巢後到香港開電視做主持

與黃愷怡同日離巢嘅林希靈偕同好姊妹主持香港開電視節目《全城抗疫講呢啲》,佢哋更同前主播李臻合作。林希靈男友係ViuTV藝人陳安立,更情侶檔拍住上齊齊投資發展飲食生意。林希靈同陳安立將於平安夜拉埋天窗,正式成為人妻!

與黃愷怡同日離巢嘅林希靈偕同好姊妹主持香港開電視節目《全城抗疫講呢啲》

林希靈男友係ViuTV藝人陳安立,佢哋更齊齊投資發展飲食生意。

黃穎君轉做政府工,月薪近$7萬

《東張西望》外景主持黃穎君無懼衛生環境嚴峻,仍淡定採訪居民獲網友讚賞。但佢應徵民政事務局做一年合約制媒體主任,最終獲聘而選擇離巢。新工月薪為$67,595,有指任職期間表現良好嘅話將會獲發放約滿酬金,黃穎君一年或可賺逾92萬!

《東張西望》外景主持黃穎君不懼衛生環境嚴峻,仍淡定採訪居民獲網友讚賞。

黃穎君應徵民政事務局做一年合約制媒體主任,最終獲聘而選擇離巢。

黃穎君新工月薪為$67,595,有指任職期間表現良好嘅話將會獲發放約滿酬金,一年或可賺逾92萬!

黃穎君於2021年12月入職民政事務局,過咗約半年,由於政府架構改組後新設文化體育及旅遊局,由於增設新部門對工作量較大,需聘請更多員工,加上佢本人亦對文化藝術都有興趣,於是決定調往文化體育及旅遊局工作,月薪同職位不變。佢本身就擁有香港大學教育學士、中文大學社會學文學碩士學位,老公係TVB節目《後生仔傾吓偈》監製丘一峯,兩人結婚7年育有一子。

黃穎君老公係TVB節目《後生仔傾吓偈》監製丘一峯,兩人結婚7年育有一子。

郭嘉文豪擲1億買九龍塘豪宅

郭嘉文係2015年港姐季軍,佢喺離巢TVB之前曾任《東張西望》外景主持,《東張西望》係佢TVB告別作,佢2016年被爆與李澤楷同遊東京,疑戀情曝光,2017年更榮升業主,以$1.068億買入九龍塘逸瓏天池屋。

郭嘉文係2015年港姐季軍,佢喺離巢TVB之前曾任《東張西望》外景主持

2016年郭嘉文被爆與李澤楷同遊東京,疑戀情曝光

郭嘉文2017年榮升業主,以$1.068億買入九龍塘逸瓏天池屋。

不過有指佢同李澤楷5年情斷,郭嘉文亦準備復出,同好姊妹林凱恩開YouTube Channel做KOL。

郭嘉文同好姊妹林凱恩開YouTube Channel做KOL。

以上介紹唔少離咗巢嘅主持,仲有一啲未離開TVB嘅前任《東張西望》主持,佢哋家底都十分豐厚!

隱形富婆宋芝齡

宋芝齡除咗係《都市閒情》主持外,原來佢都有做過《東張西望》外景主持,係中韓混血兒嘅佢有唔少副業,佢開辦嘅韓文學校計劃繼續開分校。宋芝齡仲有開韓國移民公司,賺到盤滿缽滿。

宋芝齡除咗係《都市閒情》主持外,原來佢都有做過《東張西望》外景主持

宋芝齡家住海景豪宅,出入以百萬名車代步、養名種狗,仲有3個工人服侍,佢受訪時表示3位各司其職,其中一位係專門照顧愛犬,另外兩位則主力打理家務,分工明確,亦反映宋芝齡財力雄厚!

宋芝齡出入以百萬名車代步、養名種狗,仲有3個工人服侍

宋芝齡財力雄厚,家住海景豪宅,

傳爸爸身家過億,彭慧中住3,000呎獨立屋

《都市閒情》女神彭慧中同樣有主持過《東張西望》!佢參選《2010年度香港小姐競選》後入行,有指佢家族經營時裝貿易公司,喺香港同內地均設有多間廠房。

有指彭慧中家族經營時裝貿易公司,喺香港同內地均設有多間廠房。

傳佢爸爸喺2008年以$2,100萬買入3,000呎康樂園獨立屋畀家人自住,而彭慧中IG亦經常大晒周遊列國嘅相片。

傳彭慧中爸爸喺2008年以$2,100萬買入3,000呎康樂園獨立屋畀家人自住

彭慧中IG亦經常大晒周遊列國嘅相片

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【東張西望】主持訪問兩餸飯老闆,一句質問被指不尊重!網友:問得好寸

19 Jan 2022

TVB東張西望》一向都關注唔少社會問題,近日播出一集資深時事節目主持林映輝訪問喺疫市下大排長龍嘅兩餸飯老闆,不過因為一句被指無禮貌!另一方面佢同事吳幸美就出言怒斥伯伯做不雅行為,獲讚勇敢!

TVB《東張西望》一向都關注唔少社會問題Photo from TVB

《東張西望》採訪疫市長龍兩餸飯店

由於疫情有反彈跡象,政府宣佈將禁堂食,唔少食肆都轉為做外賣生意。主力報道社會問題嘅《東張西望》近日亦有採訪部分食肆。

政府宣佈將禁堂食,唔少食肆都轉為做外賣生意。主力報道社會問題嘅《東張西望》近日亦有採訪部分食肆。Photo from TVB

其中一間位於彌敦道嘅兩餸飯店逆市大排長龍,主持林映輝隨即訪問排隊嘅市民呢間兩餸飯有咩咁吸引,唔少食客指夠鑊氣、有住家飯味道。

其中一間位於彌敦道嘅兩餸飯店逆市大排長龍Photo from TVB

主持林映輝訪問排隊嘅市民呢間兩餸飯有咩咁吸引,唔少食客指夠鑊氣、有住家飯味道。Photo from TVB

主持林映輝「質問」兩餸飯老闆

之後主持又訪問兩餸飯店老闆吳偉權,老闆曾開過11間酒樓,佢轉行做兩餸飯生意,舖頭日日大排長龍,老闆表示一日要炒一百多盤餸。

兩餸飯店老闆吳偉權曾開過11間酒樓,佢轉行做兩餸飯生意,舖頭日日大排長龍Photo from TVB

佢一路炒餸一路話:「睇我手瓜起腱就知啦!」被問到有咩拿手,佢自信回答:「全部都拿手!經我手出品就OK㗎啦!」佢稱大鑊嘢要當小菜炒,要夠力不停拋鑊,因為佢哋唔係用鑊鏟。

被問到有咩拿手,老闆自信回答:「全部都拿手!經我手出品就OK㗎啦!」佢稱大鑊嘢要當小菜炒,要夠力不停拋鑊Photo from TVB

但林映輝就反問:「其他大廚都得㗎啦!你有咩優勝過人嘅地方呀?」老闆表示唔係咁容易,好多人都做唔到,要由朝炒到晚炒足一百盤餸:「唔係吹水,好多人炒唔到。」

林映輝就反問:「其他大廚都得㗎啦!你有咩優勝過人嘅地方呀?」Photo from TVB

老闆表示唔係咁容易,好多人都做唔到,要由朝炒到晚炒足一百盤餸Photo from TVB

網友斥主持唔尊重人,林映輝係資深時事節目主持

有網友不滿主持語氣,指佢「問得好寸」:「呢個記者少少常識都欠奉」、「唔識尊重人、無禮貌」,網民指要拋十幾公斤嘅鑊真係唔係咁容易,老闆話唔係人人做到係好合理。

有網友不滿主持語氣,指佢「問得好寸」Photo from TVB

網友:「呢個記者少少常識都欠奉」Photo from TVB

現年58歲嘅林映輝加入TVB逾30年,由1990年起做過《城市追擊》、《全線大搜查》、《娛樂直播》、《東張西望》,絕對係時事節目資深主持。

現年58歲嘅林映輝加入TVB逾30年,由1990年起做過《城市追擊》、《全線大搜查》、《娛樂直播》、《東張西望》Photo from TVB

吳幸美阻怪叔叔做不雅行為獲激讚

雖然林映輝被網民狠批,但佢同事吳幸美就因為勇敢出頭,阻止怪叔叔喺幼稚園門外做不雅行為,更質問佢:「知唔知自己犯法?」,獲網友大讚!

吳幸美阻止怪叔叔喺幼稚園門外做不雅行為,更質問佢:「知唔知自己犯法?」Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel