download HolidaySmart 假期日常 app
烏克蘭前總統無懼再次被捕重返基輔!億萬富豪身份曝光!第一夫人揭當地實況惹國際關注

烏克蘭前總統無懼再次被捕重返基輔!億萬富豪身份曝光!第一夫人揭當地實況惹國際關注

時事熱話
By Stephanie on 10 Mar 2022
Digital Content Writer

【烏克蘭局勢】「俄烏戰爭」依然持續,唔少烏克蘭人都挺身而出保護自己嘅家園。同一時間,有網民就發現烏克蘭前總統波洛申科(Petro Poroshenko)同市民一齊於街頭大罵俄羅斯總統普京嘅行為,而佢嘅顯赫嘅背景亦令網民嚇咗一跳!

有烏克蘭軍人爸爸需要留守,並與妻兒不捨道別!Photo from 路透社

# 烏克蘭市民留守保衛家園!

烏克蘭與俄羅斯嘅關係依然緊張,當中唔少士兵、市民等都已經因此而受傷或者逝世,引起全球關注!然而,唔少烏克蘭嘅市民都選擇留守首都基輔(Kyiv),勇敢保護自己嘅家園,十分催淚;而33歲男星帕夏李(Pasha Lee)不幸離世,消息震驚唔少人!

部分市民與子女重逢嘅畫面,令人鼻酸!Photo from 路透社

33歲烏克蘭男星不幸逝世,生前曾於IG發文要保護家園!Photo from pashaleeofficial @ IG

# 前總統亦現身基輔街頭!

然而,56歲的烏克蘭前總統波洛申科(Petro Poroshenko)亦現身於基輔嘅街頭中,同其他市民一齊對抗俄羅斯軍隊。佢喺接受訪問時,激動批評俄羅斯總統普京嘅行為「簡直是瘋了」,揚言烏克蘭人民會竭盡全力保護維護領土!

烏克蘭前總統現身於基輔街頭!Photo from Петро Порошенко FB

於鏡頭前公開批評普京行為!Photo from CNN news

# 係烏克蘭第5任總統

訪問畫面播出後,前總統波洛申科嘅背景亦引起網民關注!佢係烏克蘭第5任總統,於2014年至2019年在任,曾擔任過外交部長、貿易與經濟發展部長等。

波洛申科於2014年至2019年任職烏克蘭總統!Photo from Петро Порошенко FB

# 亦係當地嘅富豪!

與此同時,波洛申科亦係身價過億嘅老闆,早於1996年就開設當地最大嘅糖果及朱古力公司,被大家稱為「朱古力大王」,目前係烏克蘭5大富豪之一!根據富布斯卡網站顯示,佢現時嘅資產大約係15億美元(約117億港幣);過往唔少富豪都會於發生重大事件時逃到其他國家避風頭,但佢勇敢嘅行為獲網民大讚!

現時係烏克蘭5大富豪之一,資產足足有15億美元!Photo from Петро Порошенко FB

波洛申科於1996年創立朱古力公司!Photo from ROSHEN網站

# 冒險回烏克蘭幫忙!

值得一提嘅係波洛申科在任期間曾因「叛國罪」而被調查,因此佢2021年12月離開烏克蘭到波蘭生活。直到今年初得知俄羅斯軍隊於烏克蘭邊境,就冒著再次被捕嘅風險回到烏克蘭,與市民共同進退!

上年年尾,佢已經搬往波蘭,但決定回烏克蘭協助!Photo from Петро Порошенко FB

# 烏克蘭總統及第一夫人留守保護市民!

另一方面,烏克蘭總統澤倫斯基(Volodymyr Zelenskiy)即使知道自己已成為俄羅斯頭號目標,但都堅守崗位,協助尚在烏克蘭嘅人民逃離。而佢嘅妻子奧琳娜(Olena Zelenska)都選擇陪伴在旁,仲多次向烏克蘭市民喊話,絕對係稱職嘅「背後的女人」!

烏克蘭總統與妻子都留守烏克蘭,向市民提供協助!Photo from olenazelenska_official @ IG

Olena選擇陪伴丈夫身邊,仲揚言會盡全力保護家人!Photo from olenazelenska_official @ IG

# Olena發文揭露實況,喚起國際關注!

喺烏克蘭面臨危機時,Olena經常都會於IG發文鼓勵大眾傳遞希望,為大家打下「強心針」!早前佢就發佈38位小朋友不幸離世嘅消息,希望喚起國際關注。

第一夫人Olena經常於IG上載烏克蘭最新狀況,引起全球關注!Photo from olenazelenska_official @ IG

# 二人相戀27年,依然恩愛!

另外,烏克蘭總統夫婦嘅甜蜜感情都成為咗焦點,據悉二人於大學時期認識,後來一齊合作製作喜劇《人民公僕》(Servant of the People),於當地大受歡迎。佢哋拍拖8年後,於2003年結婚,並育有一子一女,Olena曾表示家庭係佢人生中嘅第一位,宜家佢亦用行動證明自己對家人嘅愛!

總統本身係一位喜劇演員,而夫人Olena亦有份做編劇!Photo from 《人民公僕》海報

二人係大學同學,相戀長達20幾年,但都依然非常恩愛!Photo from olenazelenska_official @ IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

俄羅斯士兵疑走失獲烏克蘭人送熱茶食物!民眾一個舉動感動全球

4 Mar , 2022

【烏克蘭局勢】「俄烏戰爭」持續,雖然兩國關係緊張,但日前一名俄羅斯士兵疑與戰友失散,被烏克蘭人包圍,對方為佢送上食物同飲品,兩國人民互相照顧嘅場景感動全球!

「俄烏戰爭」持續,雖然兩國關係緊張,但日前一名俄羅斯士兵疑與戰友失散,被烏克蘭人包圍Photo from Reddit u/_Xyreo_

俄羅斯士兵落單被烏克蘭人包圍

烏克蘭同俄羅斯局勢未見好轉,而喺「俄烏戰爭」中亦免不了兩國傷亡,掀起全球關注,面對離別、戰爭,有好多心酸、感人嘅事情發生。

烏克蘭同俄羅斯局勢未見好轉,而喺「俄烏戰爭」中亦免不了兩國傷亡,掀起全球關注Photo from Twitter @antiputler_news

近日喺Reddit流傳咗一條短片,一名俄羅斯軍人疑似與戰友們失散,落單嘅佢甚至被一群烏克蘭人包圍。無物資喺手嘅俄羅斯士兵卻並未受到任何攻擊。

近日喺美國Reddit流傳咗一條短片,一名俄羅斯軍人疑似與戰友們失散Photo from Reddit u/_Xyreo_

烏克蘭民眾主動提供食物,助俄羅斯軍人聯絡家人

呢班烏克蘭人更主動送上熱茶、食物畀佢等佢補充體力。仲有人幫佢聯絡遠在俄羅斯嘅媽媽報平安,而視像電話接通嘅瞬間,俄羅斯軍人都忍唔住流下男兒淚。

烏克蘭人更主動送上熱茶、食物畀佢等佢補充體力。Photo from Reddit u/_Xyreo_

有人幫佢聯絡遠在俄羅斯嘅媽媽報平安,而視像電話接通嘅瞬間,俄羅斯軍人都忍唔住流下男兒淚。Photo from Reddit u/_Xyreo_

佢身旁嘅烏克蘭市民似乎都受到觸動,同樣眼濕濕,亦有人伸手拍俄羅斯士兵膊頭安慰佢。幫佢打電話嘅烏克蘭人更向俄羅斯軍人嘅媽媽傳達兒子嘅狀況:「佢仲喺度、好健康」

佢身旁嘅烏克蘭市民似乎都受到觸動,同樣眼濕濕,亦有人伸手拍俄羅斯士兵膊頭安慰佢。Photo from Reddit u/_Xyreo_

幫佢打電話嘅烏克蘭人更向俄羅斯軍人嘅媽媽傳達兒子嘅狀況:「佢仲喺度、好健康」Photo from Reddit u/_Xyreo_

烏克蘭人主動為俄羅斯士兵提供幫助呢一幕感動全球網民,佢哋認為兩國民眾都唔想起紛爭,呼籲盡快停戰。

烏克蘭人主動為俄羅斯士兵提供幫助呢一幕感動全球網民Photo from Reddit u/_Xyreo_

烏克蘭市民留守保衛家園

兩國人民互動引起關注,烏克蘭總統澤連斯基(Volodymyr Zelenskyy)日前宣布下令18至60歲男性公民禁止離開烏克蘭,好多民眾都留守。

烏克蘭總統澤連斯基(Volodymyr Zelenskyy)日前宣布下令18至60歲男性公民禁止離開烏克蘭,好多民眾都留守。Photo from Twitter @yuricom_25

Twitter上亦有人影到烏克蘭唔少市民都自發落街保衛家園,佢哋雖然只係普通市民,但不懼對方軍力,決心阻止俄軍進犯。

Twitter上亦有人影到烏克蘭唔少市民都自發落街保衛家園Photo from Twitter @yuricom_25

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel