東張西望|港女哭訴殯儀館拒收新冠離世父親 有遺體下落不明?醫院負荷過重系統崩潰

東張西望|港女哭訴殯儀館拒收新冠離世父親 有遺體下落不明?醫院負荷過重系統崩潰

時事熱話 生活熱話
By Cheryl on 10 Mar 2022
Digital Editor

第五波疫情持續,本港醫療系統及殯儀館都不勝負荷。TVB節目《東張西望》近日訪問了被殯儀館拒收確診父親遺體嘅家屬,以及質疑醫院延誤救治親人嘅家屬,可見各方因疫情下嘅安排感到相當無助。而近日更有伊院醫生壓力爆煲,在員工座談會上淚崩!

殯儀館和醫療體系都在疫情下大受影響。
Photo from TVB

疫情下有家屬無法為離世親人舉辦喪禮

家屬黃小姐在《東張西望》上哭訴,其爸爸在2月確診新冠肺炎後,不幸在3月離世,但多間殯儀館都拒收遺體,令佢非常無助。由於佢爸爸生前曾確診,所以遺體相信係被劃分為以黃色標籤識別嘅「第二類遺體」,此類遺體帶有指定傳染病毒,當中就包括新冠肺炎。

新冠肺炎患者遺體被歸入第二類遺體。
Photo from TVB

《東張西望》致電多間殯儀館查詢,有指呢類遺體有特別處理方式,佢哋必須被裝入袋中,亦唔可以進行防腐處理、裝身和化妝。另有業界工作者因怕在處理遺體時被傳染,所以不便為黃小姐爸爸舉辦喪禮。在不同疫情準則下,黃小姐無法為離世父辦理身後事,傷心嘅佢不禁聲淚俱下。

黃小姐被多間殯儀館拒絕處理爸爸遺體,感相當無助。
Photo from TVB

其實黃小姐爸爸嘅病毒指數在離世前已很低,達CT值37,但因為肺功能太差才逝世。而政府規定CT值30已可回社區生活,更不用隔離。但黃小姐爸爸最後仍被歸入第二類遺體,導致有好多處理都不能進行。節目組亦有訪問專家梁子超,佢表示CT值只係其中一項衡量準則,而黃小姐爸爸係在確診短期內離世,所以難以排除遺體內仍有病毒嘅可能性。

專家梁子超講述CT值與病毒量關係。
Photo from TVB

而對於病情持續惡化嘅患者,CT值並不能代表患者傳染力低,因為無法在患者身體找到成功抵抗病毒嘅跡象,病毒亦有可能殘留在體內,所以黃小姐爸爸被歸類為第二類遺體。

確診遺體都會受特別安排。
Photo from TVB

有確診遺體下落不明

除了無法辦喪禮,最近仲有一位媽媽表示無法得知兒子遺體嘅下落!其患長期病嘅兒子在2月確診後入院,3日後被指康復出院,但隨即就因病情惡化再度送院。該媽媽懷疑醫院因為兒子嘅長期病患身份而被打發離院,更差嘅係,兒子離世後竟然下落不明。焦急嘅媽媽四處查問兒子下落,各方都表示不清楚或叫佢耐心等待。過了一個多星期後,媽媽才獲警方致電,表示會加快處理移送程序,讓佢盡快領回兒子遺體。

有家屬表示竟然無法得知離世親人遺體下落。
Photo from TVB

確診入院無人理?

節目組早前訪問了陳先生,其85歲爸爸確診新冠入院數日後離世,陳先生表示:「我爸爸離開嘅時候都係著住入院嗰件衫,已經可以證明我爸爸入院四日,都無人幫佢更換衣服。」陳先生質疑院方不但唔好好安置爸爸入病房,更延誤救治。佢甚至不知道爸爸在醫院何處,院方亦無聯絡家屬,延誤處理身後事。

陳先生表示爸爸入院多日都無得到適當照顧,連衣服都無被更換過。
Photo from TVB

除此,有另一名受訪者李小姐表示,佢有長期病患嘅爸爸在安老院舍中受其他確診長者感染,送院後安排混亂,佢爸爸入院翌日被通知可以出院,豈料第二日就發燒,到第三日仲要進行搶救,惟最終因搶救無效而離世。李小姐憶述爸爸入咗院第三日都未上到病房,醫院更指有80多人等待上房。而李小姐到公眾殮房時,更見到周圍仲有十多個同樣未上到病房就離世嘅老年人,場面傷感,連主持吳幸美都聽到眼紅紅。

廣告
廣告

李小姐講述殮房慘況,主持吳幸美都聽到非常傷感。
Photo from TVB

另一受訪者王先生則表示,爸爸確診送院當日,在急症室門口等咗大約三小時都無人理,第二日更無派飯,雖然之後成功上病房,但病情轉嚴重,王先生質疑等待時間令爸爸病情轉壞,更認為唔去醫院仲好過去!而王先生姐姐在急症室陪伴爸爸時,亦見到其他病人都無人理,更有婆婆從病床上跌落地,而職員卻只望一下就行開。

受訪者家屬更目睹有婆婆從病患跌落地都無人理。
Photo from TVB

伊院醫生在座談會上淚崩

全港醫院都正承受著超大工作量,伊利沙伯醫院日前轉為專門接受新冠患者醫院後,召開了員工座談會說明工作內容安排,而急症室顧問醫生何曉輝發言時,表示消防處告知佢哋有80%救護車都係新冠肺炎相關病人,仲有65%病人無法入院,人數超出負荷,醫院同事們都捱得非常辛苦,令何醫生都不禁在會上崩潰大哭!

經驗豐富嘅顧問醫生何曉輝都不禁在發言時激動落淚。
Photo from 討論區截圖

青衣隔離設施環境惡劣?

另外,青衣社區隔離設施「方艙醫院」亦備受熱議,《東張西望》訪問了一些隔離人士,透露入面嘅情況。受訪者梁小姐表示,佢最介意男廁女廁「對到正」,廁所內亦無洗手液。佢問職員申請物資嘅申請程序係點,5個職員都指入住時會派一份登記表,但梁小姐卻完全無收過該份文件,要到第三日,佢自行問「鄰居」才獲得相關資料。

青衣方艙醫院隔離房間環境
Photo from TVB

有隔離受訪者投訴男女廁所間隔。
Photo from TVB

膳食方面,梁小姐表示第一餐係一碗淡而無味嘅粥,「另外就有一個好似粟米斑腩飯嘅嘢,水果又冇個,由於我攞咗個電話之後,我不停打去物資部,經我催促之下,佢真係畀咗兩個杯麵同埋兩包芝麻梳打餅畀我哋。」

受訪者都不太滿意膳食安排。
Photo from TVB

亦有另一隔離受訪者陳先生表示,一入住時已發現有兩個廁所已堵塞,亦長期無人處理,引起衛生隱憂,之後跟主管反映後,情況才得以改善。

有受訪者指,衛生問題經長時間投訴下才有改善。
Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
19 hours ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
a day ago
港男分享於英國工作感受!列出4大優點 25日AL/準時收工!網民認為:視乎咩工種
港男分享於英國工作感受!列出4大優點 25日AL/準時收工!網民認為:視乎咩工種
2 days ago
內地知名女創業家公開徵友!列出12項擇偶條件!強調:每個條件都需要滿足
內地知名女創業家公開徵友!列出12項擇偶條件!強調:每個條件都需要滿足
2 days ago
老公陪產興奮影BB出世 不慎影埋老婆私密處 奶奶傳上家庭gp
老公陪產興奮影BB出世 不慎影埋老婆私密處 奶奶傳上家庭gp
2 days ago
盤點男女穿搭地雷區大不同,網民話最緊要揀啱自己、著得舒服!
盤點男女穿搭地雷區大不同,網民話最緊要揀啱自己、著得舒服!
2 days ago
Hottest Articles
最熱文章
戀講嘢|林作下屬Bronte獲全公司男性追求?一日三餐有人請大感困擾
戀講嘢|林作下屬Bronte獲全公司男性追求?一日三餐有人請大感困擾
2 days ago
日本出租男友店質素掀熱議!「店長推薦」人氣男被指顏值低:咩人都可以做?
日本出租男友店質素掀熱議!「店長推薦」人氣男被指顏值低:咩人都可以做?
3 days ago
內地知名女創業家公開徵友!列出12項擇偶條件!強調:每個條件都需要滿足
內地知名女創業家公開徵友!列出12項擇偶條件!強調:每個條件都需要滿足
2 days ago
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
19 hours ago
The Silveri|香港銀樾美憬閣酒店 東涌正式開幕!超正私人泳池套房+露天按摩池
The Silveri|香港銀樾美憬閣酒店 東涌正式開幕!超正私人泳池套房+露天按摩池
2 days ago
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
2 days ago