【宅家煲韓綜指南】黃Viu追韓綜夠齊全！兩天一夜4/認識的哥哥/玩甚麼好呢？等6套超HIT韓綜一次過免費睇！

By Sherry on 23 Mar 2022

Editor

呢排疫情嚴重，大家都減少外出，居家抗疫～多咗時間留喺屋企，自然要搵啲節目！怕悶嘅小編就已經即刻開啟瘋狂煲劇MODE～而除咗煲韓劇之外，韓國綜藝節目一樣係小編心水！最近多咗唔少高質韓綜播出，真係追都追唔切呀！想一次過免費睇晒咁多套韓國綜藝，依家喺黃Viu就可以做到，唔單止有劇睇，就連綜藝節目都有，仲要有繁體中文字幕版本，而且每星期緊貼韓國上架唔會跟甩，咁就唔洗周圍搵喇！仲唔快啲Bookmark定以下6套必追韓綜慢慢睇～

1/ 《我獨自生活》(上線時間：逢周五深夜上線)

▶按此收睇：https://bit.ly/3tWaWTk

主持人：全炫茂、朴娜萊、旗安84、Key、華莎、成勛

由MBC製作嘅《我獨自生活》絕對係必睇韓綜！以拍攝韓國明星獨居生活為主題，展現佢哋私下真實一面，由於內容夠晒獨特，又可以滿足大家對明星私生活嘅好奇心，真係吸引咗唔少觀眾！而人氣Idols成員之間嘅互動就最令Fans睇得津津樂道～好似近排節目主角就有人氣男團SHINee成員Key同珉豪，呢對認識咗15年嘅91 Line真係相愛相殺 (笑)，私底下一齊生活成日都吵吵鬧鬧，Fans都話睇到佢哋鬧交嘅可愛畫面笑到顴骨都裂開，大讚佢哋係最爆笑嘅綜藝組合，一啲偶像包袱都無！

名場面重溫：第434集－SHINee Key同成員珉豪吵架日常

2/《我家的熊孩子》(上線時間：逢周日深夜上線)

▶按此收睇：https://bit.ly/3IiUK3A

主持人：申東燁、徐章焄
熊孩子媽媽團：趙惠善 (金鍾國母)、金順子 (金希澈母)、朴英惠 (李太成母)、李玉珍 (Tony An母)
熊孩子成員：崔始源、林元熙、金俊昊、金鍾國、卓在勳、金鍾旼、金希澈、郭時暘、吳珉錫、徐南勇

韓國綜藝好睇嘅地方就係成日都可以發掘到新鮮嘅切入點，就好似父母同仔女之間嘅互動同相處，加埋藝人身份更加有睇頭！《我家的熊孩子》就搵嚟韓國娛樂圈中嘅單身藝人同埋佢哋嘅媽媽組成「熊孩子成員」同「熊孩子媽媽團」，畀一眾媽媽觀察單身仔女嘅生活狀況～當中小編覺得最受關注嘅一定係被大家成日催婚嘅「能力者」金鍾國，媽媽睇到佢無論日夜都淨係掛住健身，真係勁無奈(笑)，能力者對做Gym嘅熱愛真係無人能及～而金鍾國同圈中一班好兄弟嘅相處一樣咁好笑，完全無冷場，笑料百出！

名場面：第281集－金鍾國、張赫、洪京民互不知大家本名

3/ 《兩天一夜第四季》(上線時間：逢周日深夜上線)

▶按此收睇：https://bit.ly/36m1IYm

主持人：延政勳、金鍾旼、文世潤、DinDin、RAVI、羅人友

身為資深韓綜迷，點可以唔睇韓國皇牌綜藝《兩天一夜》！每季都會帶大家去韓國各地遊覽、發掘隱藏美食，同埋大玩野外求生任務～嚟到第四季，忙內新成員羅人友嘅加入更加係引爆笑彈，被稱為新一代綜藝潛力股！羅人友首次登場就展現呆萌魅力，竟然完全Miss晒節目組嘅提示，喺零下13度嘅天氣喺深山亂行咗2.5小時，完美蕩失路搞到節目組都勁崩潰～呢個名場面絕對係百看不厭，小編每次重溫都笑到肚痛～(笑)真係超期待天然呆羅人友跟住落嚟仲有咩驚喜帶畀大家！

名場面：第111集－羅人友在深山迷路2.5小時

4/ 《認識的哥哥》(上線時間：逢周六深夜上線)

▶按此收睇：https://bit.ly/3icf0t7

主持人：姜鎬童、李壽根、金希澈、徐章焄、李常敏、閔庚勳、李陳鎬、金榮澈

由同劉在錫並稱韓國主持界兩大山脈嘅姜鎬童領軍，《認識的哥哥》嘅熱度一直相當高，節目以男高中為概念邀請嘉賓作為轉校生，一齊換上校服大玩遊戲同傾計，非常新鮮！每集嘉賓都係個期最紅嘅演員或者Comeback宣傳嘅Idol Group，所以吸引咗唔少觀眾收睇～節目頭一Part會係轉校生嘅「猜猜我問題解答」畀大家熱下身傾下計，當中有唔少笑料出現，而Part 2就會大玩節目嘅特色遊戲，非常多元化！好似最近就請咗大熱韓劇《殭屍校園》一眾演上《認哥》大爆拍攝趣事，原來飾演青山嘅尹燦榮喺劇中獻上咗初吻，而飾演反派奎男嘅劉仁秀更加即席示範殭屍演技，對劇迷嚟講真係夠晒驚喜呀～

名場面：第323集－大熱劇《殭屍校園》奎男親身示範殭屍演技

5/《玩甚麼好呢？》(上線時間：逢周六深夜上線)

▶按此收睇：https://bit.ly/3CKibSl

主持人：劉在錫、HAHA、鄭埻夏、奉仙、美珠

有「劉大神」劉在錫＋前《無限挑戰》PD金泰浩組成嘅韓綜必屬佳品！節目喺2019年首播個陣就已經引起熱話，每個禮拜主持及嘉賓都會喺唔同領域進行挑戰，好似做新聞主播、歌手、開餐廳等，非常有睇頭！劉在錫更加憑住呢個節目創造出多個話題分身：熱唱TROT嘅溜三絲、退貨遠征隊製作人知美劉、夏日混聲組合SSAK3成員U-doragon等等，盡顯韓國名主持嘅功力！加埋一班合作無間嘅綜藝Partner，好似HAHA、美珠等等，絕對係韓國最HIT嘅綜藝之一，真係必追～

名場面：第111集－大玩劇集魷魚遊戲game美珠扮劉在錫

6/《看見你的聲音9》(上線時間：逢周六深夜上線)

▶按此收睇：https://bit.ly/3w6NghP

主持人：金鍾國、俞世潤、Super Junior利特

呢套韓綜可以話係小編私心推介之一！唔同頭先介紹嘅節目，佢係以唱歌表演為主導，再加入推理成分，每集邀請參賽者表演唱歌，從而俾大家猜測參賽者究竟係實力者定音癡，而結尾就會由嘉賓選出心目中嘅實力者一齊合唱，齊齊開估答案～每一集小編都睇到勁投入，有得聽歌之餘，又有得齊齊估，同埋都真係不得不驚嘆韓國真係好多唱得之人，就算係一個平凡家庭主婦、學生都可能係隱藏嘅實力派歌手！

名場面：第5集－Davichi估錯音癡原來係著名OST歌手