大胃王女網紅承認係「男兒身」!揭露變裝原因!細數3位粉絲逾百萬男扮女裝網紅

大胃王女網紅承認係「男兒身」!揭露變裝原因!細數3位粉絲逾百萬男扮女裝網紅

生活熱話
By Stephanie on 11 Mar 2022
Digital Content Writer

大家成日話「網絡世界不能盡信」,唔少資訊同照片都有可能係虛假嘅!最近,知名大胃王網紅「浪胃仙」就被揭發一直以來都係男扮女裝,引起網民熱議。其實過往亦有唔少網紅選擇男扮女裝出鏡,藉此提高人氣?!

內地網紅大爆自己其實係男兒身,解釋多年來男扮女裝原因!Photo from 浪胃仙微博

# 吃播成為網民熱愛影片!

現時網絡上出現大量直播網紅,必須有獨特嘅風格先能夠突圍而出,吸引大眾目光!其中「吃播」就一度深受網民喜愛,大家都覺得望住直播主食嘢嘅感覺,非常療癒~為咗迎合潮流,部分男網紅都會選擇做埋美妝直播,親自將化妝品試上手。

吃播深受唔少網民喜歡~Photo from 微博

另外亦有唔少網紅選擇做美妝直播主,就連男仔都會sell化妝品~Photo from 微博

# 內地大胃王網紅「浪胃仙」爆紅!

而內地大胃王網紅「浪胃仙」就「一吃成名」,人氣高企,至今坐擁至少3,500萬粉絲。據悉,90後嘅佢本名係李航澤,大學畢業後到重慶工作;佢自己本身食量大,食嘢速度快,機緣巧合下就開始拍攝吃播,並火速爆紅!

網紅浪胃仙坐擁3千萬粉絲,憑驚人食量吸粉無數!Photo from 浪胃仙微博

機緣巧合下成為吃播直播主!Photo from 浪胃仙微博

# 性別卻引起網民疑惑?!

「浪胃仙」由2018年開始做吃播主,影片內容大部分都係將餐桌上滿滿嘅飯菜全部食晒!直到後來,佢大晒自己多年來嘅對比照,令唔少人都開始對佢嘅性別感到好奇。

曾經大晒歷年對比照,令大家對佢嘅性別存疑?!Photo from 浪胃仙微博

# 過往打扮中性,但宜家完全係女仔?!

成為網紅初期,「浪胃仙」嘅頭髮比較短,而且打扮中性;相反宜家嘅佢卻留咗一頭黑長髮,經常都化妝上鏡,而且仲會去美甲,不禁令網民更加疑惑!不過有網民就指睇影片時見到佢嘅喉結同埋低沈嘅聲音,覺得佢應該係男仔。

浪胃仙初期打扮比較中性Photo from 浪胃仙抖音

直到近年佢嘅打扮變得更加女性化,而且仲會化妝美甲!Photo from 浪胃仙微博

# 自爆係男仔,解釋中性打扮背後原因!

後來,「浪胃仙」親自向網民解釋自己係男生,並且成為人父,但現在已經離婚。佢解釋會打扮得比較中性係因為一人分飾爸媽角色,希望令孩子感受到母愛,所以偶爾喺言語或行為上會比較女性化!

浪胃仙承認自己係男生!Photo from 浪胃仙微博

浪胃仙解釋行為打扮女性化全為小朋友?!Photo from 浪胃仙微博

# 過往係校草級靚仔?!

後來,「浪胃仙」仲大爆年輕時曾經係校草,仲被網民翻找到疑似昔日照片,但亦有網民指照片另有其人!

浪胃仙話年輕時期嘅佢係校草!Photo from 微博

有網民疑似翻出照片,但亦有人澄清相中人並非浪胃仙!Photo from 微博

# 男扮女裝網紅能迅速獲得關注?!

其實過往亦有網紅男扮女裝出鏡,仲因此瞬間獲得網民們嘅關注!網紅「康雅雅」憑打扮成白雪公主而人氣急升,由於男扮女裝後嘅佢外貌清純,抖音帳號擁有274萬粉絲!然而,佢嘅影片卻於一夕之間遭刪除,有傳係受「限娘令」影響。

康雅雅因為打扮成女仔後毫無違和感,人氣急升!Photo from 康雅雅微博

但佢嘅影片疑似受限娘令影響,被全部刪除!Photo from 康雅雅微博

# 浮誇女裝成賣點!

另一位知名嘅男扮女裝抖音網紅「董代表」成日身穿女裝、濃妝豔抹出鏡,佢憑著搞笑浮誇嘅演技以及貼地嘅內容,粉絲人數成功突破600萬!

網紅董代表經常都扮演唔同嘅職業,包括:空姐、女店員等。Photo from 董代表抖音

廣告
廣告

誇張好笑嘅演技成功令佢粉絲人數達到600萬!Photo from 董代表抖音

# 公開變裝過程,仲做埋美妝店老闆!

網紅「王小強」特別之處在於佢曾經分享變裝嘅過程,佢一直都有鑽研化妝技巧,認為男士出門化妝都係基本禮儀,而唔少網民都大讚佢化妝後嘅樣貌比女仔更加清純!後來佢仲開咗自己嘅美妝網店,多次搵媽媽做模特兒,令佢媽媽都變成網紅~

王小強曾經講自己嘅化妝過程拍攝俾觀眾睇!Photo from 王小強微博

後來佢仲自己開美妝網店~Photo from 王小強微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

打工仔拍搭訕片變身人氣網紅 靠廣告月賺8萬5「唔靚仔都無問題」

8 Mar , 2022

社交媒體盛行嘅年代下,好多人都創作不同影片企圖成為網紅澳洲一名25歲男子就憑拍攝搭訕女生短片在TikTok大受歡迎,仲吸引唔少品牌同佢合作,透過賣植入式廣告令佢月入可達1.5萬澳幣(約8萬5千港元)!

澳洲打工仔Adam Milardovic靠拍搭訕片變身做網紅。Photo from IG @adammilardovicc

澳洲打工仔拍街頭搭訕片吸流量

綜合外媒報道,來自澳洲墨爾本嘅25歲男子Adam Milardovic係前麥當勞員工,佢亦打過好多工,例如水電工、超市、健身房職員等15份工作。佢早已有5年時間都在YouTube上載在街頭搭訕女生嘅影片,直至去年在TikTok都上載影片後才取得巨大成功,累積超過710萬名粉絲,佢同時發現TikTok演算法偏好長度20秒嘅影片。短片中,Adam充滿自信直接在街頭搭訕女性,簡單技巧吸引了不少男性觀眾追捧,近期多條影片瀏覽次數都能突破過百萬次,也有部分達到千萬次瀏覽。

Adam主打街頭搭訕短片。Photo from IG @adammilardovicc

雖然有不少網民認為影片做假,但仍成功吸引瀏覽。Photo from IG @adammilardovicc

吸引品牌落廣告,月入達8萬5港元

成功獲高流量後,Adam開始被不少服飾品牌接觸求合作,讓Adam穿著品牌衣服拍片,除此佢亦有同交友App合作,現時月入可超過1.5萬澳幣(約8萬5千港元)。Adam聲稱,佢通常要花上4-5個小時在墨本爾街頭找尋要搭訕嘅目標女生。佢亦有朋友在旁幫助拍攝,事後再剪輯影片。

短片成功獲搞瀏覽度後,吸引了不少品牌搵Adam進行植入式廣告。Photo from IG @adammilardovicc

Adam經理人,21歲嘅Taylor Reilly表示,佢哋主要並非透過本身嘅TikTok影片嚟賺錢,而係跟主要客群為18至28歲男性嘅品牌合作,在短片中植入廣告,透過觀眾在睇片時留意到產品,以增加品牌關注度。

Adam透過宣傳不同品牌賺取可觀收入。Photo from IG @adammilardovicc

熱衷研究提升瀏覽量

Taylor續稱,要在TikTok吸引眼球,短片嘅首2、3秒最為重要,為了吸引瀏覽,佢哋幾乎當佢係科學咁研究。除此,佢哋亦發現評論可以令影片更熱門,所以有時佢哋會特意唸錯詞來吸引網民留言。

Adam與經理人一直研究讓影片獲高瀏覽度嘅方法。Photo from IG @adammilardovicc

個性才華比外貌重要

在同類型嘅影片創作者中,Adam年紀偏高,但佢嘅自信無被影響。Adam認為,即使生得唔夠靚仔亦唔係問題,有個性、有趣、有才能才是關鍵。Adam去年還與父母同住,雖然呢家佢在網絡小有名氣亦有錢賺,但佢父母仍希望佢能夠搵份「真正嘅工作」。

雖然影片有不少網民觀看,但Adam父母仍希望兒子能找到一份真正嘅工作。Photo from IG @adammilardovicc

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel