雪姨復出拍實測片介紹麻糬甜品店，被指賣廣告慘遭小店劃清界線！
KOL雪姨早前因為YouTube一條迷你盆菜試食影片而惹公關災難，最終需公開道歉，但此事令佢形象受損。近日雪姨再拍「真人實測」影片，推薦三間港島區人氣麻糬甜品店，即被質疑佢又賣廣告，獲推介嘅甜品店即時發聲明劃清界線！
Photo from 雪姨 IG
雪姨介紹一人盆菜惹公關災難
雪姨於新年時曾拍片介紹一人盆菜，但以茶餐廳同高級酒店嘅盆菜作比較，被指有失公允。而被雪姨指「髮菜唔夠多」嘅基隆茶餐廳更發文斥雪姨為咗賣廣告而批評佢哋嘅盆菜，影響餐廳聲譽。
Photo from 雪姨 YouTube
事件惹「公關災難」，雖然雪姨事後鄭重道歉仍難平息網民怒火！甚至連佢籌備嘅新年市集亦有唔少網民聲言絕對唔會去，雪姨再度公開道歉，經過呢次事件佢嘅形象大受影響。
Photo from 雪姨 IG
復出拍實測影片，推介港島人氣麻糬甜品店
雪姨「潛水」一個月後復出再拍片，佢喺10日內狂出4條片，非常勤力。最近佢更再次推出「真人實測」影片，推薦位於港島區3間超長龍人氣麻糬甜品店。
Photo from 雪姨 IG
片中雪姨指佢食過晒3間，都係非常好食，所以拍片推介畀觀眾。3間麻糬甜品店佢都大讚，列出佢哋唔同嘅優點，喺影片下面亦有唔少留言支持雪姨。
Photo from 雪姨 YouTube
甜品店即時劃清界線，強調無賣廣告，用詞超直接
雖然影片標題已寫明「非廣告」，但仍有網民質疑雪姨收咗錢。而獲雪姨推薦嘅3間甜品店亦分別喺IG發文「劃清界線」。
Photo from 雪姨 IG
Photo from 雪姨 YouTube
其中一間甜品店喺IG Story澄清從來無搵過任何KOL宣傳，另一間小店亦出post表示從未搵過KOL賣廣告，更直言有關推介令佢哋措手不及，形容係「死亡之吻」。
Photo from 治癒菓子店 IG
Photo from 雪姨 YouTube
Photo from James Bonbon Bakery IG
第三間甜品店雖然未有發表聲明，但有人留言：「搵咗雪姨做廣告喎」，店舖回覆十分直接：「we didn't even know this KOL before today.」，坦言今日前甚至唔認識佢。
Photo from 雪姨 YouTube
Photo from Cookie Vission IG
網友：小店多得佢唔少
唔少網友都指被佢介紹嘅小店「真係多得佢唔少」、「雪姨KOL之路係咪已經玩完」、「依家個個都驚左，怕同佢扯上關係」
Photo from 雪姨 YouTube
Photo from 雪姨 YouTube
網友又指佢而家出嘅片dislike勁多，以佢復出第一條「斷捨離」影片為例，like數雖然超過6千，但dislike高達1.3萬，係like嘅兩倍！
Photo from 雪姨 IG
Photo from 雪姨 YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
雪姨宣佈將捐出新年市集全部收益！鍾培生留言支持惹網民反感？！
26 Jan 2022
KOL雪姨近日因「盆菜風波」引起網民嘅負評，雖然已公開道歉但似乎未得到大眾原諒。就連佢籌備嘅新年市集都受到影響，眼見風波未平，雪姨再度出文道歉，並宣佈市集檔內收益會全數捐出，同為「富貴KOL」嘅鍾培生都有留言支持雪姨，但就惹網友反感。
Photo from Snow E @YouTube
雪姨盆菜風波惹公關災難，新年市集亦受影響
雪姨因為早前喺YouTube拍片將兩間酒店嘅一人盆菜同深水埗基隆茶餐廳$128盆菜作比較造成公關災難。影片一推出就已經一面倒負評，唔少人認為呢個盆菜實測有失公平。
Photo from Snow E @YouTube
之後基隆茶餐廳更親自出文回應，直斥雪姨為咗賣廣告而批評佢哋嘅盆菜，影響餐廳聲譽。連另外獲雪姨讚好嘅酒店亦火速撇清關係：「本酒店並未有進行任何贊助，亦沒有參與短片內容」。
Photo from 基隆茶餐廳Facebook
Photo from 雪姨 IG
Photo from Ritz-Carlton Facebook
除此之外亦有唔少公眾人物出聲力撐基隆茶餐廳，風波越鬧越大，雪姨雖然公開道歉但都能平息網友嘅怒火！佢籌備嘅新年市集亦有唔少網民聲言絕對唔會去，有檔主甚至直言寧願蝕錢都要「執嘢走」。
Photo from 雪姨 IG
Photo from 雪姨 IG
雪姨再發文道歉，稱將捐出市集攤檔全部收益
雪姨最近就新年市集安排發文，佢再度為基隆茶餐廳風波道歉，更向一眾市集檔主致歉，佢表示連日來經過不斷嘅沉思同反省，作出以下決定：
Photo from 雪姨 IG
雪姨指佢深知檔主連日來受到風波影響，所以所有市集檔主將獲退還全額租金；為將影響減到最低，檔主有權利選擇是否繼續參與市集；為表歉意，會將自己檔內全部收益捐到有需要團體，希望可以幫到更多有需要人士。」
Photo from 雪姨 IG
鍾培生留言支持惹網民反感
而喺道歉聲明下面，鍾培生都有留言：「Take care all the best」，不過就引起網民反感：「出少句聲當幫忙啦大佬」，鍾培生更大方回應網友評論：「祝埋樓下班人，新年快樂，身體健康??」
Photo from 鍾培生 IG
Photo from 雪姨 IG
鍾培生派逾$1萬利是撐飲食業
鍾培生早前曾拍片感嘆疫情對飲食業影響極大，佢更豪氣大派利是為餐廳打氣。片中佢將一大疊$500紙幣放入利是封，派畀茶餐廳老闆，老闆收到亦滿面笑容。
Photo from 鍾培生 YouTube
Photo from 鍾培生 YouTube
佢唔止派一間，更去埋另一間茶餐廳，仲將利是加到$10,000！佢放完$10,000後再塞入一疊$500紙幣，然後送出呢封「重量級」利是。鍾培生表示疫情下食肆好慘，侍應同老闆都好慘，希望帶到啲正能量同支持畀佢哋。
Photo from 鍾培生 YouTube
Photo from 鍾培生 YouTube
Photo from 鍾培生 YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
