霍汶希18歲激似林青霞 惠英紅樣貌無變過?14位藝人舊照大公開!

霍汶希18歲激似林青霞 惠英紅樣貌無變過?14位藝人舊照大公開!

娛樂新聞
By Cheryl on 14 Mar 2022
Digital Editor

不少香港藝人都有玩抖音習慣,同粉絲交流。近日,該短片App興起了一股「#你看我幾分像從前」挑戰,藝人都紛紛曬出小時候舊照與現在嘅自己作對比,以下就即刻睇下佢哋以前係點樣啦~

#霍汶希

現年49歲霍汶希(Mani)早於14歲時就被星探發掘,之後接過不少模特兒工作,輾轉下進入了唱片公司,之後才轉型成經理人。Mani現在與旗下英皇藝人鍾欣潼(阿嬌)、蔡卓妍(阿Sa)、容祖兒感情非常好,更擔任了三人嘅綜藝騷《因為是朋友呀》嘉賓。

不少網民認為霍汶希係「最美經紀人」。Photo from 霍汶希Mani 微博

Mani日前在抖音曬出18歲舊照,相中佢穿著婚紗,手拿一大紥花,華麗又有氣勢。不少網民更留言指佢年輕時好似林青霞!亦有人讚Mani舊時與現在無咩分別,都一樣咁靚,更稱佢為「最美最有氣質的經紀人」。

霍汶希舊照Photo from 霍汶希Mani 抖音

不少網民都以為年輕霍汶希同林青霞頗為似樣。Photo from 霍汶希Mani 抖音

#容祖兒

Mani好姊妹容祖兒(Joey)亦有參與挑戰,舊照中嘅Joey穿著校服,搭配孖辮加劉海造型,非常青澀。對此,有網民指Joey嘅嘴唇從小已經頗為豐滿「嘴嘴是從小性感到大」,更有人認為佢小時候貌似舒淇!另有人則認為Joey與綜藝拍檔阿嬌、阿Sa相比,係三人中從小到大變化最多的,以下落嚟就睇下其他兩人嘅樣貌變化啦!

容祖兒近照Photo from 容祖兒 微博

容祖兒舊照Photo from 容祖兒 抖音

#鍾欣潼

阿嬌鍾欣潼公開嘅兒時舊照可見,佢身穿可愛連衣裙,有著清爽短髮造型,並展現了開朗笑容。唔少網民留言大讚阿嬌從小就是美女,亦有部分人覺得呢張兒時舊照同現在模樣一啲都唔似,不過有網民則回覆指:「阿嬌都四十歲了,有變化正常。如果你從阿嬌1歲、50歲、十多歲、二十多歲到三十多歲來看,那絕對像~」

鍾欣潼近照Photo from 鍾欣潼 抖音

鍾欣潼舊照Photo from 鍾欣潼 抖音

#蔡卓妍

一齊玩挑戰嘅人當然不少得阿嬌好姊妹阿Sa,舊照中嘅阿Sa相當細個,短髮造型加微笑嘅模樣,令一眾網民都大讚佢非常可愛。同時,竟然有不少人認為兒時嘅阿Sa同內地歌手兼楊丞琳老公「李榮浩」撞樣!笑言:「李榮浩女大十八變,秒變蔡卓妍」、「小時候有點像李榮浩」,唔知大家又點睇呢?

蔡卓妍近照Photo from 蔡卓妍 微博

蔡卓妍舊照Photo from 蔡卓妍 抖音

有網民認為蔡卓妍細個竟然同李榮浩撞樣。Photo from 蔡卓妍 抖音

真係似李榮浩?Photo from 李榮浩 微博

#惠英紅

62歲金像影后惠英紅同樣曬出自己童年舊照,樣貌都現時都非常似,無太大變化!不少網迷都留言大讚佢天生麗質,從小到大都係美人,「沒變化,只是長大個了而已」,連Mani霍汶希都有留言讚「紅姐好靚女」。

惠英紅近照Photo from 惠英紅 抖音

惠英紅舊照Photo from 惠英紅 抖音

#江華

近期頻在內地發展嘅江華都有大玩挑戰,不過佢並無曬出童年照,而係公開了一張看似二十多歲時拍嘅西裝照。不少網民看到對比圖後,都大讚江華風采依舊不減當年,「一直帥到老」、「年輕時候的顏值天花板級別的」,而佢曬出嘅現時照片係戴帽造型,有粉絲就留言話唔戴更好睇~

江華近照Photo from 江華 抖音

江華舊照Photo from 江華 抖音

#陳勳奇

70歲陳勳奇有「港產片全能奇才」稱號,做電影導演、配樂師及演員都無問題, 近年佢轉到內地發展,亦不忘緊貼潮流,在抖音大曬年輕時同成龍嘅合照,相中兩人都留著長髮,身穿白衣,有網民就話好想在見到兩人合作,另有人則認為年輕嘅陳勳奇貌似林子祥!

成龍(左)與陳勳奇(右)舊時合照Photo from 陳勳奇 抖音

陳勳奇近照Photo from 陳勳奇 微博

#彭懷安

廣告
廣告

EO2成員彭懷安(Eddie)早前因為被指與大S徐熙媛老公具俊曄撞樣,而突然收到不少結婚祝福,相當搞笑。日前Eddie就在抖音曬出去年輕時照片,當中可見佢早年有著濃密頭髮,中分髮型配墨鏡look嘅佢同呢家好唔同,呢家嘅Eddie則以光頭造型示人。有網民認為佢以前有頭髮嘅時候帥得有點過分,亦有不少人依然未開完玩笑,笑指「這到底是不是大S老公喔?」,又指Eddie無論有無頭髮都咁似具俊曄!

彭懷安近照Photo from 彭懷安 FB

無戴墨鏡嘅彭懷安Photo from 彭懷安 FB

彭懷安舊照Photo from 彭懷安 抖音

現時嘅具俊曄(左)曾在節目公開年輕時有頭髮舊照(右)。Photo from 具俊曄IG,《玩甚麼好呢》截圖

#姚樂怡

前TVB藝人姚樂怡與圈外人結婚後育有一女,近年專心照顧家庭嘅佢在近日都有是曬出其年輕舊照,可見佢五官同呢家一樣無咩變化,雙眼一樣咁精靈~

姚樂怡近照Photo from 姚樂怡 IG

姚樂怡舊照Photo from 姚樂怡 抖音

#佘詩曼

46歲佘詩曼一向保養得宜,佢曬出嘅童年舊照非常可愛,而現時模樣則多了一份優雅感。網民都留言大讚佢從小已經好看,「難怪是我女神,從小就美到大~」,更有網民覺得佢細個似混血兒添~

佘詩曼近照Photo from 佘詩曼 抖音

佘詩曼舊照Photo from 佘詩曼 抖音

#鍾麗緹

性感女神鍾麗緹同樣都係凍齡超強女性,身材到現在仍非常火辣。佢都在抖音曬出童年舊照,相片中佢頂著冬菇頭髮型,穿著黑白波點裙擺甫士。網民都讚佢細個已經係一名「時髦精」,但亦有人話佢童年時鼻子很扁,更問道:「我想知道鼻樑是所少歲長出來的,哈哈哈」,而鍾麗緹都親民地親身留言,笑言:「我忘記了。」

鍾麗緹近照Photo from 鍾麗緹 微博

鍾麗緹舊照Photo from 鍾麗緹 抖音

#何超蓮

何家千金何超蓮亦有玩埋一份,舊照中可見佢身穿白色校服,留著齊蔭短髮,非常得意。有網民認為佢同阿嬌小時候有點像,亦有人不忘羨慕其家境,說道:「美就算了,還這麼有錢。」

何超蓮 微博Photo from 何超蓮 微博

何超蓮舊照Photo from 何超蓮 抖音

#何佩瑜

近年轉到內地發展嘅何佩瑜(Jeana)曾參演《喜愛夜蒲》、《一路向西》等電影,現時都在內地拍攝不少戲劇作品。佢近日在抖音大曬童年照,雖然照片較為朦朧,但都能看到佢小時候活潑可愛~

何佩瑜近照Photo from 何佩瑜 微博

何佩瑜舊照Photo from 何佩瑜 抖音

#洪天明

洪金寶兒子洪天明曾是TVB藝人,現在則設有自家嘅電影工作室。佢近日亦有在抖音參與挑戰,曬出自己嘅童年舊照,雖然照片無法好清楚咁看清其容貌,但都能看出與現時容貌分別不太大,網民都留言「變化不大,依舊帥。」

洪天明近照Photo from 洪天明 抖音

洪天明舊照Photo from 洪天明 都依你

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel