林青霞無份?李嘉欣三甲不入!網民選出15位香港八九十年代女神

林青霞無份?李嘉欣三甲不入!網民選出15位香港八九十年代女神

娛樂新聞
By Jennifer on 14 Mar 2022
Digital Editor

80、90年代係香港娛樂圈嘅黃金時期,拍出唔少經典電影、電視劇。近日喺連登討論區有網民開post「【全盛時期】嚴選十五位香港八九十年代女神」,樓主更講明「計樣計氣質計全盛時期」,關之琳李嘉欣邱淑貞等都有上榜!

80、90年代係香港娛樂圈嘅黃金時期,拍出唔少經典電影、電視劇。Photo from TVB

15位:周海媚

現年55歲嘅周海媚祖先係滿洲鑲白旗滿族人,曾參選香港小姐,但未能晉身決賽,佢之後加入TVB藝員訓練班第1期藝員進修班而簽約成旗下藝人。周海媚嘅代表作正係1994年播映嘅電視劇《倚天屠龍記》,佢飾演「周芷若」一角,獲大讚完美還原呢個角色。

現年55歲嘅周海媚祖先係滿洲鑲白旗滿族人,曾參選香港小姐Photo from TVB

周海媚之後加入TVB藝員訓練班第1期藝員進修班而簽約成旗下藝人Photo from TVB

14位:黎姿

現年50歲嘅黎姿出生於電影世家,佢14歲就入行。黎姿喺於電影《古惑仔》系列中飾演「細細粒」深受歡迎,之後佢主力喺電視圈發展。擁有標致五官、豐滿身材,獲封為「愛美神」。

現年50歲嘅黎姿出生於電影世家,佢14歲就入行。Photo from TVB

黎姿擁有標致五官、豐滿身材,獲封為「愛美神」。Photo from TVB

13位:鍾麗緹

現年51歲嘅鍾麗緹係中越混血兒,佢參選1993年國際華裔小姐奪得冠軍後入行。佢深邃嘅五官有混血兒特色,於90年代電影多飾演美女角色。

現年51歲嘅鍾麗緹係中越混血兒Photo from TVB

鍾麗緹深邃嘅五官有混血兒特色,於90年代電影多飾演美女角色。Photo from 食神

12位:楊采妮

現年47歲嘅楊采妮1992年同郭富城合作拍廣告已備受注目,更一度成為「Yes!Card」熱門人物!楊采妮形象清純,獲傳媒封為「玉女接班人」。

現年47歲嘅楊采妮1992年同郭富城合作拍廣告已備受注目Photo from YouTube

楊采妮形象清純,獲傳媒封為「玉女接班人」。Photo from 超級學校霸王

11位:張敏

現年54歲嘅張敏於90年代拍過非常多武俠電影,係當時炙手可熱嘅女演員,曾與周星馳合作多套電影。佢外型英氣,於《倚天屠龍記之魔教教主》飾演「趙敏」一角亦深入民心。

現年54歲嘅張敏於90年代拍過非常多武俠電影,係當時炙手可熱嘅女演員Photo from 微博

張敏外型英氣,於《倚天屠龍記之魔教教主》飾演「趙敏」一角亦深入民心。Photo from 倚天屠龍記之魔教教主

10位:李麗珍

現年56歲嘅李麗珍喺80、90年代參演過多部港產片。佢因為甜美外型同火辣身材而成為90年代當紅電影女星。

現年56歲嘅李麗珍喺80、90年代參演過多部港產片Photo from TVB

李麗珍甜美外型同火辣身材而成為90年代當紅電影女星。Photo from TVB

9位:朱茵

現年50歲嘅朱茵出道後飾演過唔少由金庸名著改編嘅電視劇,其中以《射鵰英雄傳》中「黃蓉」一角最為人熟悉。之後佢喺《西遊記大結局之仙履奇緣》飾「紫霞仙子」成為經典。

現年50歲嘅朱茵出道後飾演過唔少由金庸名著改編嘅電視劇,其中以《射鵰英雄傳》中「黃蓉」一角最為人熟悉Photo from TVB

朱茵喺《西遊記大結局之仙履奇緣》飾「紫霞仙子」成為經典。Photo from 微博

8位:邱淑貞

現年53歲嘅邱淑貞1987年參選香港小姐,係當時奪冠嘅熱門人選,但因被指曾整容而退選。不過佢亦成功入行主演多部電影,有唔少性感演出,係90年代「性感女神」嘅代表。

現年53歲嘅邱淑貞1987年參選香港小姐,係當時奪冠嘅熱門人選,但因被指曾整容而退選Photo from TVB

邱淑貞主演多部電影,有唔少性感演出Photo from TVB

邱淑貞係90年代「性感女神」嘅代表。Photo from TVB

7位:王祖賢

現年55歲嘅王祖賢於台灣出生,但佢80年代就開始參演香港電影,更憑《倩女幽魂》於亞洲爆紅,佢於戲中嫵媚、出塵嘅演出即使已息影多年仍然係大眾心目中嘅「小倩」。

現年55歲嘅王祖賢於台灣出生,但佢80年代就開始參演香港電影,更憑《倩女幽魂》於亞洲爆紅Photo from 倩女幽魂

即使已息影多年,王祖賢仍然係大眾心目中嘅「小倩」。Photo from 倩女幽魂

6位:周慧敏

現年54歲嘅周慧敏以歌手身份出道,清純形象獲封為「玉女掌門人」。

現年54歲嘅周慧敏以歌手身份出道,清純形象獲封為「玉女掌門人」。Photo from TVB

5位:藍潔瑛

已故女演員藍潔瑛出道時有「靚絕五台山」嘅美譽,佢出演過TVB多套電視劇,而喺影壇方面佢於周星馳《大話西遊》系列電影中飾演「春三十娘」亦係佢電影嘅代表作。

藍潔瑛出道時有「靚絕五台山」嘅美譽Photo from TVB

藍潔瑛於周星馳《大話西遊》系列電影中飾演「春三十娘」亦係佢電影嘅代表作。Photo from 西遊記大結局之仙履奇緣

4位:李嘉欣

現年51歲嘅李嘉欣係中葡混血兒,一向有「大美人」之稱嘅佢於1988年參選香港小姐奪得冠軍,同年再成國際華裔小姐冠軍。入行之後李嘉欣曾出演好多電視劇、電影,多數都飾演美人角色。

現年51歲嘅李嘉欣係中葡混血兒,一向有「大美人」之稱嘅佢於1988年參選香港小姐奪得冠軍Photo from TVB

入行之後李嘉欣曾出演好多電視劇、電影,多數都飾演美人角色。Photo from TVB

3位:張柏芝

現年41歲嘅張柏芝有英國血統,佢出道不久即獲周星馳欽定做《喜劇之王》女主角,隨即一炮而紅。不過有網民質疑佢唔算係「八九十年代女神」,同其他上榜女星並非同一年代。

現年41歲嘅張柏芝有英國血統,佢出道不久即獲周星馳欽定做《喜劇之王》女主角,隨即一炮而紅Photo from 微博

有網民質疑張柏芝唔算係「八九十年代女神」,同其他上榜女星並非同一年代。Photo from 老鼠愛上貓

2位:關之琳

現年59歲嘅關之琳同周海媚一樣係滿清八大姓氏之一嘅瓜爾佳後裔,網友大讚佢有種貴族氣質,加上濃眉大眼,就算個妝化得簡單都已經好出眾。

現年59歲嘅關之琳同周海媚一樣係滿清八大姓氏之一嘅瓜爾佳後裔Photo from 俠聖

網友大讚關之琳有種貴族氣質,加上濃眉大眼,就算個妝化得簡單都已經好出眾。Photo from 俠聖

1位:鍾楚紅

廣告
廣告

網民大讚現年62歲嘅鍾楚紅由後生靚到依家,哥哥張國榮曾於節目中公開表示覺得佢「太靚」,即使佢演技有少少瑕疵都會原諒佢。

網民大讚現年62歲嘅鍾楚紅由後生靚到依家Photo from TVB

哥哥張國榮曾於節目中公開表示覺得鍾楚紅「太靚」,即使佢演技有少少瑕疵都會原諒佢。Photo from TVB

除咗上榜嘅時15位女星,仲有網民認為林青霞、張曼玉無份唔合理,喺排名方面張柏芝有第3而李嘉欣三甲不入亦有唔少網友覺得順序應該要改變。

有網民認為林青霞無份唔合理Photo from 微博

網民:講到「八九十年代女神」點可以無張曼玉?Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳凱琳/謝嘉怡勁違和、張柏芝超英氣!盤點8位異國風情女星古裝造型

21 May 2021

混血兒多數眼大大、鼻高高,非常符合現今大眾嘅審美,所以總有一種講法「混血兒更美」,不過混血兒有外國血統,演古裝劇或會令觀眾「出戲」,以下盤點8位異國風情女星嘅古裝look,究竟係極唔襯,定係另一種美?

1. 謝嘉怡

2020年港姐冠軍謝嘉怡係中蘇混血兒,佢外貌較似係蘇格蘭人嘅媽媽。日前佢出演TVB節目《好聲好戲》,更喺IG晒出古裝造型,輪廓深邃嘅佢古裝打扮好有違和感!

2020年港姐冠軍謝嘉怡係中蘇混血兒Photo from 謝嘉怡IG

謝嘉怡喺IG晒出古裝造型Photo from 謝嘉怡IG

謝嘉怡IGPhoto from 謝嘉怡IG

2. Angelababy

爺爺是德國人,爸爸係中德混血兒,所以Angelababy都有德國血統,佢亦有主演過古裝劇,包括《大漢情緣之雲中歌》、《孤芳不自賞》,當時獲網友力讚係古裝女神!

AngelababyPhoto from 上新了故宮

《大漢情緣之雲中歌》Photo from 《大漢情緣之雲中歌》

《孤芳不自賞》Photo from 《孤芳不自賞》

3. 李嘉欣

有「大美人」之稱,佢係中葡混血兒,濃眉大眼嘅李嘉欣演過《鹿鼎記》嘅「阿珂」,喺《醉拳3》飾演清朝王爺之女,美艷造型同角色非常合適~

《鹿鼎記》「阿珂」Photo from 《鹿鼎記2神龍教》

清朝王爺之女Photo from 《醉拳3》

《醉拳3》Photo from 《醉拳3》

4. 張柏芝

張柏芝有遺傳到中英混血媽媽嘅英國血統,童年時頭髮係自然金色。不過佢五官仲有明顯嘅東方特色,古裝氣質出塵,男裝更有一股英氣。

張柏芝男裝英氣Photo from 乘風破浪的姐姐2

古裝氣質出塵Photo from 我家有一隻河東獅

老鼠愛上貓Photo from 老鼠愛上貓

5. 雪兒

《尋秦記》趙國公主「趙倩」原來係中印混血兒,佢爸爸係印度人,佢外貌都唔算傳統中國人,不過演趙國公主就唔係好違和。

《尋秦記》趙國公主「趙倩」Photo from 《尋秦記》

《尋秦記》Photo from 《尋秦記》

雪兒Photo from 《尋秦記》

《尋秦記》Photo from 《尋秦記》

6. 鍾麗緹

鍾麗緹係中越混血兒,佢外貌都有啲「鬼鬼哋」,不過佢拍古裝劇比起時裝look嘅明媚顯得更加溫柔。

九品芝麻官Photo from 九品芝麻官

鍾麗緹古裝Photo from 天龍八部

7. 楊恭如

楊恭如有四分之一美國血統,但佢古裝氣質溫婉,完全睇唔出係混血兒!佢喺《齊天大聖孫悟空》嘅演出令人印象深刻。

楊恭如有四分之一美國血統Photo from 雪花神劍

楊恭如古裝氣質溫婉

《齊天大聖孫悟空》Photo from 《齊天大聖孫悟空》

8. 陳凱琳

陳凱琳雖然唔係混血兒,不過佢長相好有異國風情,佢喺TVB亦拍過幾套古裝劇,當時亦有觀眾覺得格格不入,喺《張保仔》演現代人穿越仍可接受、《包青天再起風雲》中佢飾演樓蘭公主亦都頗適合,但喺《翻生武林》佢演東廠千戶大人就相當違和。

陳凱琳演現代人穿越古代Photo from 《張保仔》

陳凱琳飾演樓蘭公主Photo from 《包青天再起風雲》

《包青天再起風雲》Photo from 《包青天再起風雲》

《翻生武林》Photo from 《翻生武林》

《翻生武林》Photo from 《翻生武林》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel