常棧餐廳｜大角咀小店疫市賣$1豆腐花！望與港人共渡難關「苦中一點甜」

疫情下不少食肆面臨結業潮，大角咀先後有三間小店早前宣布結業，而區內竟然有間小店決定以$1優惠價大賣香滑豆腐花，望與港人一齊共渡難關，苦中一點甜。

大角咀小店「常棧餐廳」，主打自家製Fusion菜，有齊泰、越、星馬菜等多款美食，其中招牌無骨海南雞飯，上碟賣相工整，份量算多。雞皮爽口，有層啫喱膏，富有雞油香；雞肉滑溜，伴甜豉油及辣醬同吃，層次分明。另有麻辣口水雞，醬汁味道先麻後辣，後勁十足，拌飯一流。

Photo from 常棧餐廳Facebook

Photo from 常棧餐廳Facebook

今年二月中，店內正式推出自家製糖水，每款糖水加入芋圓作搭配，傳統款式有黑糖仙草芋圓、芋香芋泥仙草芋圓、豆花芋圓、楊枝甘露芋圓；亦有養顏滋補系列如椰汁桃膠芋圓、桂圓紅棗杞子芋圓、黑糖薑汁芋圓等。

Photo from 常棧餐廳Facebook

不過最抵食絕對是$1豆腐花，優惠至到3月底，豆腐花帶有豆香，而且入口非常滑溜。店舖表示疫情下望與港人一齊共渡難關，帶給大家「苦中一點甜」。

Photo from 常棧餐廳Facebook

常棧餐廳
電話：5175 8148
地址：大角咀埃華街105號地下C1號舖
Facebook：《按此》

相關文章：
走肉朋友｜大角咀店結業、荔枝角店3月停業！網民 : 望疫情過後捲土重來

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）