麥當勞漢堡包「盒裝」和「紙包」有咩分別?前員工揭秘 原來巨無霸有獨特包裝方法?!

麥當勞漢堡包「盒裝」和「紙包」有咩分別?前員工揭秘 原來巨無霸有獨特包裝方法?!

生活熱話
By Cheryl on 16 Mar 2022
Digital Editor

連鎖快餐店麥當勞有多款漢堡包選擇,但佢哋嘅包裝卻不太統一,有台灣網民近日在PTT發文詢問,為何部分麥當勞包用紙盒包裝,部分則只用紙包著,帖文吸引了一名有5年經驗嘅麥當勞前員工解答,原來一個漢堡背後都有咁多學問~

有台灣網民在PTT對麥當勞漢堡包裝提出疑問,引來一位經驗豐富嘅前員工解答。Photo from Pinterest

M記包「用盒裝」vs「用紙包」

近日,一名台灣網民(下稱樓主)在PTT八卦板表示,自己同朋友到麥當勞買了不同漢堡,分別為魚柳包、麥香雞包,佢哋見到兩個包裝非常不同,「麥香雞是用紙包著,而魚柳包卻用紙盒包著。」樓主想起,會用紙盒裝嘅包款有魚柳包和巨無霸,之後佢就相當好奇,更大呼:「憑甚麼都是漢堡,待遇卻差那麼多?」

有台灣網民納悶為何不同漢堡有不同包裝。Photo from 連登討論區

前員工大談巨無霸嘅獨特處理方法

網民對此都展開熱烈討論,有人直言「紙盒超廢,我都要求紙包」,亦有人持相反喜好,認為「紙盒才有feel~」但好快就有一名有5年經驗嘅麥當勞前員工進入帖文,開始解釋包裝差異,該前員工指:「魚柳包不能悶住,巨無霸用紙包就要用大張紙」、「還有巨無霸是正調理,紙包要反調理」、「巨無霸指定要紙包的話,還必須在漢堡做完後專程翻一圈,否則配料可能會灑出來。」

巨無霸有較為特別嘅包裝方法,Photo from 麥當勞廣告

可要求轉用紙包裝?

有網民向前員工問道何謂「正調理」和「反調理」,前員工就表示:「正調理就是底層打醬然後放配料最後蓋;反調理就是在底層打醬放配料,最後『屁股』上去。」另外,佢又指出,其實所有包款都可以要求用紙包,只係由於巨無霸係少數「正調理」嘅漢堡,又大大個,所以用紙包嘅話,就要特地用一張大包裝紙,還要特地把漢堡翻過來,而麥當勞嘅通用紙包法一般都適用在「反調理」漢堡上。

帖文引嚟一位麥當勞前員工解答疑問。Photo from 麥當勞廣告

轉用紙包裝存在風險

廣告
廣告

不過,由於紙盒質感較好,所以某些特定產品係盒裝,例如兒童餐嘅魚柳包用紙包,就為了防止兒童弄髒手。另外,前員工亦提醒,要求盒裝漢堡用紙包的話,有機會因為包款沒有專用包裝紙,而只能用其他包裝紙,萬一櫃檯與廚房出現溝通誤會,顧客有可能會拿到錯嘅餐點。

前員工透露,其實大部分漢堡包都可要求轉紙包裝。Photo from YouTube @36815

麥樂雞有4種形狀?

大家食麥樂雞時有留意雞塊外表嗎?原來麥當勞為了讓顧客,尤其兒童用餐時享受更多樂趣,就為麥樂雞設計出4種形狀,分別為:Bone(骨頭)、Ball (球)、 Bell(鐘形)和 Boot(靴子型),而且每一件雞塊重量更係一模一樣,非常精準。

原來麥樂雞有4種形狀~Photo from 麥當勞FB

除此,4種形狀就咁睇同「LOVE」差不多,估唔到用麥樂雞都可以拼出「愛」,唔知有無人會用嚟示愛呢?

更同「LOVE」嘅字母相似Photo from 麥當勞FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel