伍富橋與富家女Shirley拍拖半年求婚成功！真愛不受背景限制！盤點圈中5位「億萬駙馬」

娛樂新聞

By Stephanie on 15 Mar 2022

Digital Content Writer

TVB藝人伍富橋（Alvin）上個月高調與富二代Shirley認愛，而昨日（14/3）仲宣佈已經求婚成功，令唔少網民驚嘆進展速度神速！過往亦有唔少男藝人成功迎娶到有錢老婆，即刻睇下有邊幾位啦～

Photo from 伍富橋IG

# 伍富橋與富家女交往半年結婚！

27歲嘅伍富橋（Alvin）今年大年初一高調於IG承認與曾經任職TVB幕後嘅Shirley熱戀中，二人交往接近半年時間。佢曾於訪問時表示欣賞女方率直開朗、聰明，視對方為結婚對象。估唔到公開認愛一個月後，就宣佈求婚成功！

Photo from 伍富橋IG

Photo from 娛樂新聞台

富家女Shirley學歷高，根據佢IG上嘅資訊欄顯示，曾就讀Lancaster以及UCL兩間大學。據悉，佢家底亦十分豐厚，爸爸從事物流及食品生意，仲擁有2間麻雀館，同屋企人居住於相思灣逾5,000呎嘅獨立屋！而本身都家底唔錯嘅Alvin就強調自己認識女友前並唔知道佢嘅家庭背景。

Photo from 伍富橋IG

# 袁偉豪一直被外界稱為億萬駙馬！

袁偉豪同張寶兒於2020年於新居會所進行簡單嘅中式結婚儀式，當時張寶兒手上仲戴住3對巨型龍鳳鈪，貴氣十足！婚後，二人就搬入以接近7千萬購買嘅西貢2,000呎單位，有傳房屋首期係由張爸爸支付，當作送俾女兒嘅結婚禮物。

Photo from 袁偉豪IG

張寶兒家底富裕，有指佢爸爸從事內衣生意，傳擁有禮頓山多個物業，估計至少值3億！過往，張寶兒曾透露童年活動係陪爸媽睇樓，亦因此受到影響長大後學識買樓投資。

Photo from 袁偉豪IG

Photo from 張寶兒IG

# 黎諾懿努力工作，擺脫「食軟飯」傳言！

黎諾懿同前港姐李潔瑩喺2014年結婚，婚後育有一對子女。有傳二人家庭背景相差甚遠，李潔瑩家人從事美容起家，坐擁近5億美容王國及十幾間纖體中心，所以當時黎諾懿被外界稱為「五億駙馬」！

Photo from 黎諾懿IG

據悉，二人結婚後嘅愛巢都係由女方父親出手購入，而車子亦係岳父名下，但佢並冇理會外界嘅閒言閒語。多年來黎諾懿都努力默默工作，最終憑《愛回家》「馬壯」一角而為人熟悉，仲開始擔正做電視劇男一。

Photo from 黎諾懿IG

# 吳家樂曾為小朋友暫緩幕前工作！

2006年，吳家樂與其士集團太子女周蕙蕙結婚，婚後育有3個子女，非常幸福，然而當時佢就被外界冠上「50億駙馬爺」稱號！過往佢曾同古天樂、古巨基、劉愷威等組成「無綫新五虎」受到力捧，但眼看其他人發展順利，自己事業發展卻未算突出，令佢一度感到灰心。

Photo from 吳家樂IG

直到前陣播出嘅《鐵拳英雄》，吳家樂努力將身材操fit，大晒腹肌，演技獲得網民大讚！愛屋及烏嘅佢過往仲為咗湊B，而減少幕前工作，絕對係一位好爸爸～

Photo from 吳家樂IG

# 鄭俊弘進行過大禮時，曝光女家5千萬獨立屋內部！

鄭俊弘（Fred）同何雁詩(Stephanie) 於2020年結婚，後來再於結婚一週年當日於酒店補辦婚禮邀請圈中好友出席。而今年初，佢哋於IG宣佈懷孕喜訊，將於6月迎接兒子出生！

Photo from 何雁詩IG

據悉，何雁詩嘅爸爸從事物流生意，生意遍佈內地以及海外地區；香港手持至少嘅3個物業，其中居住緊嘅5,000呎獨立屋市值約6千萬，身家保守估計都有最少$6億！

Photo from 何雁詩IG

Photo from 鄭俊弘IG

# 蕭正楠

蕭正楠同黃翠如於2018年宣佈結婚消息，二人經常都喺IG大晒恩愛，早前黃翠如仲專程北上陪伴，一度傳出懷孕消息。

Photo from 蕭正楠IG

黃翠如爸爸曾被爆出係聯旺集團大股東兼行政總裁黃永華，並於2016年上市。當時蕭正楠曾以黃翠如男友身份到港交所表示支持，而當日股價暴聲14倍，令女家身家一度升至19億！

Photo from 黃翠如IG

相關文章：盤點圈中5對甜蜜父女戀李美慧同繼女同齡有人仲大過外母？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

家族榮耀｜黃浩然戲內花心男現實係愛妻號！挺過健康+婚姻危機結婚16年依然恩愛

2 Mar , 2022

劇集《家族榮耀》中除了有幾位女主角大鬥演技外，當中飾演二少爺馬耀祖嘅黃浩然都相當搶眼，雖然佢在劇中有外遇，係一名渣男，但現實中佢係一名愛妻號。黃浩然同太太莫家嘉（KaKa）結婚16年，當中雖出現過不少危機，但最終都只令二人更恩愛。

Photo from 微博

拍《新紮師妹》結識太太

46歲黃浩然在拍攝電影《新紮師妹》時認識了當時擔任電影形象指導嘅莫家嘉（KaKa），而KaKa曾在電台訪問中透露，早於電影開拍前一年，佢舅父已想做媒人介紹雙方認識，但二人都覺得相睇太尷尬而婉拒。KaKa亦表示在參與電影工作初期，也未有被黃浩然吸引，但經過一番相處了解後，佢漸漸發現大家個性相投，最後決定展開交往。

Photo from 黃浩然 FB

黃浩然早婚，笑言對事業無咩影響

黃浩然曾笑稱太太係發現佢工作態度認真，待人溫柔才答應交往，而黃浩然則喜歡對方善良顧家。黃浩然同KaKa拍拖4年後於2005年結婚，男方當時30歲，喺圈中屬早婚之人。黃浩然稱自己係一名傳統人，認為人生除了事業就係家庭，兩者兼備才圓滿，而且佢都想有小朋友，所以搵到適合嘅人就結婚。佢亦笑言自己當年唔算大紅大紫，所以即使結婚對事業都唔會有太大影響「都冇嘢輸㗎啦！」

Photo from 黃浩然 FB

太太家境顯赫

雖然黃浩然認為早婚對佢嘅演藝發展無咩影響，但當時都引起不少人關注其太太背景。莫家嘉係億萬馬主莫英儒嘅千金，外父為多家企業嘅董事長，相當猛料。據聞外父家住市值港幣過億元嘅九龍塘別墅，仲有多台豪華名車。二人婚後入住外父嘅千萬豪宅，正式榮升駙馬爺。兩夫婦現時育有兩子，一家四口生活幸福。

Photo from 黃浩然 FB

黃浩然曾因健康停工，太太不離不棄

黃浩然2006年加入TVB後備受力捧，自2010年起佢擔正多套電視劇，更奪得「飛躍進步男藝員」獎項。不過，可以因為工作太頻密，黃浩然在2014年被確診患有免疫系統疾病「貝賽特氏症」，並需辭演剛接拍嘅新劇《張保仔》，更要停工休養一年。

Photo from 黃浩然 FB

黃浩然被逼暫時放下事業，心情一定唔好受，但幸好佢太太對佢不離不棄，除了悉心照顧家庭，更擔任公關角色，代表老公回覆外界關心。所以黃浩然康復後都寧願減產，更珍惜與家人相處嘅時間。

Photo from 黃浩然 FB

太太曾被爆與男子親密照

兩夫妻雖然挺過健康危機，但到2018年又面對了另一問題。當年有人向傳媒發放長達19頁嘅告密信，更附上KaKa同一名男子嘅親密照，以及佢同該男嘅私訊圖，仲稱KaKa搞亂別人家庭。不過，黃浩然並無因此動搖，佢受訪回應時稱，嗰啲照片都係舊照，而照片內展示嘅行為屬朋友間正常舉動，並無不妥，佢又坦言唔認識照片內男子，但仍絕對信任太太，同時表示事件只係已過去嘅小問題。

Photo from 黃浩然 FB