萬梓良揭深圳封城情況！全民強檢大嗌深圳加油卻因一行為被鬧？

萬梓良定居內地多年，雖然一度退休但仍不時登台演出，又收唔少徒弟。於深圳居住嘅萬梓良日前拍片分享當地因為新冠疫情而封城嘅情況，佢仲拍攝接受全民檢測嘅過程。

Photo from 萬梓良經理人 微博

萬梓良近年頻頻於內地登台、收徒弟

現年64歲嘅萬梓良活躍於八十至九十年代，更曾奪得台灣電影金馬獎「最佳男主角」，佢2002年與年輕17歲嘅前空姐郭明黎結婚，兩人育有一子萬大千。

Photo from 微博

八十年代萬梓良喺香港聲名大噪，於內地亦甚有名氣，近年有傳佢因身體不佳宣佈退休，但萬梓良仲會登台演出，更四出「收徒弟」，有指佢門下曾一年收4個徒弟。

Photo from 萬梓良經理人 微博

Photo from 微博

拍片分享深圳封城情況

而萬梓良收徒儀式亦引起熱議，全因佢會飲水噴落徒弟塊面度，令網民大為不解。萬梓良喺內地長住，目前正定居於深圳，更拍片分享當地情況。

Photo from 微博

因為新冠肺炎疫情嚴峻，深圳全市地鐵、公交都停運，社區亦全面實施封閉式管理，而且全市將開始3輪全民核酸檢測。

Photo from TVB

萬梓良排隊做全民核酸檢測

住喺深圳嘅萬梓良亦有接受全民核酸檢測，佢更以手機拍片記錄實況。佢喺地下停車場全民核酸檢測場地，並與排隊嘅民眾舉起大拇指打招呼。

Photo from 微博

Photo from 微博

然後佢又拉低口罩向鏡頭表示佢接受24小時有效核酸檢測，之後佢坐底等醫護人員為佢做核酸測試，期間佢一直拎住手機。

Photo from 微博

Photo from 微博

全程無戴好口罩被指防疫意識差

一做完測試萬梓良即刻舉起手機自拍，又大嗌「深圳加油！」並重複叫咗幾次「加油！！！」不過可能因為太激動，佢未有戴返好個口罩，全程「無罩大嗌」亦被人指防疫意識不足，分分鐘會傳播病毒。不過亦有人大讚佢毫無架子。

Photo from 微博

Photo from 微博

Photo from 萬梓良經理人 微博

相關文章：萬梓良收徒弟儀式要含水噴臉？！收《戰狼》、TVB演員為徒 過程好奇特

相關文章：張致恒返內地登台努力搵真銀 撩女功力一流 現場大媽冧到暈！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

內地網紅梅愛偲烏克蘭拍片被踢爆幕後真相！遭官方懲罰急發文道歉

1 Mar 2022

【俄烏戰爭】烏克蘭俄羅斯局勢未明朗，定居於烏克蘭嘅內地網紅「梅愛偲」早前曾拍片分享當地情況，又表示自己同妻女都好徬徨，引起好多內地網民擔心，點知佢嘅影片背後真相被揭穿，更要發文認錯！

Photo from 梅愛偲烏克蘭 微博

梅愛偲娶烏克蘭美女成百萬粉絲網紅

本身係中國人嘅梅愛偲早年留學烏克蘭，更迎娶烏克蘭美女，喺當地落地生根。梅愛偲老婆嘅超高顏值曾掀起熱議，梅愛偲稱娶外國女生比娶中國女生容易，更順勢以「人生贏家」姿態於當地開設婚姻仲介公司。

Photo from 梅愛偲烏克蘭 微博

Photo from 梅愛偲烏克蘭 微博

梅愛偲喺烏克蘭嘅事業做到風生水起，擲巨款於當地買下3,000平方米土地起豪宅。而佢用嚟分享妻女日常嘅微博「梅愛偲烏克蘭」更吸逾130萬粉絲，成為內地網紅。

Photo from 梅愛偲烏克蘭 微博

Photo from 梅愛偲烏克蘭 微博

烏克蘭局勢緊張，梅愛偲一家避難

不過近日「俄烏戰爭」令唔少烏克蘭人流離失所，梅愛偲亦唔例外，佢拍攝多條短片分享近況，梅愛偲指自己一家都喺豪宅地下室躲避，又徒手製作中國國旗，等待中國政府撤僑。

Photo from 梅愛偲烏克蘭 微博

Photo from 梅愛偲烏克蘭 微博

梅愛偲表示有導彈喺佢嘅豪宅上空飛過，佢同妻子女兒都好不安，但唔知應該要做啲咩，令好多內地網民擔心佢一家嘅情況。

Photo from 梅愛偲烏克蘭 微博

雖然梅愛偲希望可以坐中國包機離開烏克蘭，但無奈情況唔許可，加上官方呼籲當地中國公民唔好公開中國人身份，梅愛偲嘅「自製國旗」亦無用武之地，情況令人憂慮。

Photo from 梅愛偲烏克蘭 微博

拍短片分享當地的情況被揭造假

雖然廣大群眾好關心梅愛偲一家嘅安全，但佢日前拍攝嘅短片卻被揭加入咗2020年俄羅斯閱兵飛行彩排嘅片段，影片涉造假。梅愛偲隨即發文致歉。

Photo from 梅愛偲烏克蘭 微博

梅愛偲表示受到當地百姓努力生存嘅各種事跡所打動，於是就剪咗一條短片宣揚和平，但無意中用咗啲非烏克蘭現場嘅片段，造成誤解。佢又解釋無辦法日日落街拍片，連自己都分唔清邊條係呢幾日俄烏戰爭嘅影片。

Photo from 梅愛偲烏克蘭 微博

梅愛偲急道歉，微博被封遭官方禁言

梅愛偲：「在這裡為自己的失誤向大家致以真心的歉意。」佢堅稱其他短片都係個人親身經歷，但唔想「蹭熱點、蹭流量」，決定刪除所有相關影片。

Photo from 梅愛偲烏克蘭 微博

Photo from 梅愛偲烏克蘭 微博

佢指會專注保護家人安全：「希望戰爭早日結束，和平早日到來。」現時梅愛偲嘅微博帳號被封，官方表示：「該用戶目前處於禁言狀態」，之前嘅微博仍獲保留。

Photo from 梅愛偲烏克蘭 微博

Photo from 梅愛偲烏克蘭 微博

相關文章：烏克蘭父親拜托陌生人帶子女逃亡！邊境母子重逢場景感動全球

相關文章：居烏克蘭內地網紅梅愛偲棄財產避難「得中國護照最重要」 網民：舉國旗保命！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）