download HolidaySmart 假期日常 app
鄭伊健抵台拍《華燈初上》班底新劇 為人低調不求名利「只想安靜做自己」

鄭伊健抵台拍《華燈初上》班底新劇 為人低調不求名利「只想安靜做自己」

電視電影 娛樂新聞
By Cheryl on 15 Mar 2022
Digital Editor

54歲鄭伊健近年甚少推出戲劇作品,佢同太太蒙嘉慧專注打理在日本開創嘅房地產公司。不過,日前就有消息指,伊健被拍到在台灣一間超市購物,有指佢今次赴台係為拍攝新劇,而幕後團隊更係出資製作大熱劇《華燈初上》嘅百聿數碼!

鄭伊健近日在台灣被拍到在一間超市購物,消息指佢到當地參演新劇。Photo from 鄭伊健 IG

《古惑仔》舊拍檔近年北上發展

鄭伊健當年憑《古惑仔》陳浩南一角成為經典港產片男星,而片中其他主演陳小春、謝天華、林曉峰近年都北上發展,更組成「大灣仔」拍攝內地綜藝節目和接商演,除了參與綜藝騷《披荊斬棘的哥哥》,佢哋仲聯同梁漢文、張智霖拍攝節目《大灣仔的夜》,在當地人氣不俗。

陳小春、謝天華、林曉峰早前參與內地綜藝騷《披荊斬棘的哥哥》,在當地人哋急升。

陳小春、謝天華、林曉峰、張智霖與梁漢文聯手出演內地綜藝《大灣仔的夜》。Photo from 《大灣仔的夜》

鄭伊健近年與太太蒙嘉慧在日本開設房地產公司

但伊健就未有加入前拍檔們,佢始乎無咩興趣北上掘金。熱愛日本文化嘅佢選擇同太太蒙嘉慧(Yoyo)在福岡開房地產公司,Yoyo更為此苦學日文,相當有心。

鄭伊健與太太蒙嘉慧生活低調恩愛。Photo from 討論區圖片

鄭伊健為拍新劇抵台

鄭伊健生活向來低調,但近日佢就被發現現身於台北東區一間超市買嘢。據知,佢今次抵台將逗留三個月,目的為拍攝一套台灣電視劇,而幕後團隊正是出資拍攝話題劇《華燈初上》嘅百聿數碼,新劇導演則為曾拍電影《有五個姊姊的我就註定要單身了啊!》嘅導演蘇文聖,新作類型為懸疑推理劇。而百聿數碼都向傳媒確認有此事,但就因保護藝人私隱而未有透露更多細節。

今次伊健抵台,係要拍攝由《華燈初上》幕後團隊打造嘅新劇。Photo from 《華燈初上》 FB

外界認為伊健剛隔離完畢,並已投入新劇拍攝,今次被人影到,應該係趁拍攝空擋出外掃貨。伊健已好一段時間未有新戲面世,所以今次拍台灣劇集就立即掀起話題,粉絲都好期待佢嘅新演出。

久未拍戲嘅伊健將有新作推出!Photo from 鄭伊健 IG

鄭伊健不追求名利,賺夠錢便享受生活

鄭伊健早年憑帥氣外貌被星探發掘入行,後來更被導演王晶深信會紅過劉德華,之後佢拍了《古惑仔》系列走紅,人氣一時無兩,更一度獲封為「第五大天王」。

鄭伊健早年憑《古惑仔》電影系列走紅。Photo from 《古惑仔3:之只手遮天》劇照

愛打機、旅遊和運動

但對鄭伊健嚟講,演藝事業並非人生最重要之事,佢真正熱愛嘅係享受生活。佢出名熱愛打機,無論在家或工作都會打遊戲機。伊健亦曾在訪問透露,自己最愛漫畫改編而成嘅電影,因為可以脫離現實,創作天馬行空角色,難怪佢接拍了《古惑仔》系列、《風雲》、《中華英雄》等電影。

鄭伊健自言喜歡拍漫畫改編而成嘅電影,佢在《風雲》嘅演出都相當經典。Photo from 《風雲》劇照

活出最想要的人生

鄭伊健曾說過,「一年拍一兩部戲就夠了,賺嘅錢能花好幾年,不需要這麼拼,只想安靜做自己。」除了打機,伊健亦喜歡旅遊和運動。多年可見,佢不會強烈追求名利,賺夠錢便過自己想要嘅生活。

伊健向來低調,同不少人一樣喜歡打機又愛旅遊。Photo from 鄭伊健 IG

參與不少公益活動

除此,鄭伊健也熱心公益。多年來佢參與過各種公益活動,例如在2015年擔任東華三院一個慈善羽毛球大賽嘅嘉賓,亦有在2019年舉辦過「和鄭伊健在一起」嘅慈善籌款演唱會,在前年亦協助海港城「香港血癌基金」籌款,相當有善心。

伊健數年前曾參與東華三院舉辦嘅慈善羽毛球比賽。Photo from Youtube @Sky Cheung

曾亮相本地YouTube節目

雖然伊健近年減少幕前演出,但去年都有拍過金融品牌和護髮產品廣告。除此,佢更參與了由林珊珊和一班浸會大學學生拍攝嘅《一日農夫上》YouTube節目,當中帶觀眾體驗本地農夫生活,協助宣揚綠色生活,真係好貼地!

伊健去年曾亮相本地YouTube節目,與主持們探討農夫生活。Photo from 《一日農夫上》 YouTube @大家好 ALL IS WELL

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel