download HolidaySmart 假期日常 app
順豐速遞員街邊除口罩食飯被投訴!Bob發聲力撐,順豐官方回應事件

順豐速遞員街邊除口罩食飯被投訴!Bob發聲力撐,順豐官方回應事件

時事熱話
By Jennifer on 16 Mar 2022
Digital Editor

日前有網友喺Facebook群組分享喺屋苑行人通道發現有速遞員除口罩食飯,指責對方影響環境衛生,又表示已向物業公司投訴,但被網民反斥不近人情,Bob(林盛斌)亦發文稱疫情下應多啲包容,順豐官方亦回應有關事件。

日前有網友喺Facebook群組分享喺屋苑行人通道發現有速遞員除口罩食飯Photo from 順豐速運

網民投訴屋苑有速遞員除口罩食飯

Facebook群組「小西灣富景花園居民聯絡組」有疑似住客指見到有順豐速遞員以手推車作餐枱,並除低口罩食飯盒,形容對方「影響環境衛生」、「疫情下罔顧他人」,呢位網民又表示已向物業管理公司、保安公司投訴以作跟進處理。

Facebook群組「小西灣富景花園居民聯絡組」有疑似住客指見到有順豐速遞員以手推車作餐枱,並除低口罩食飯盒,形容對方「影響環境衛生」Photo from Facebook群組「小西灣富景花園居民聯絡組」

網友斥不近人情

不過呢個post一出即引起大批網友批評出post者太不近人情,速遞員平時密密送貨,工作十分繁忙,連食飯都要趕時間,又指相中速遞員已盡量搵少人嘅位置用餐,仲要被放上網趕絕,斥影相者過分。

呢個post一出即引起大批網友批評出post者太不近人情Photo from 香港討論區

網民指速遞員平時密密送貨,工作十分繁忙,連食飯都要趕時間Photo from 香港討論區

網友指相中速遞員已盡量搵少人嘅位置用餐,仲要被放上網趕絕,斥影相者過分。Photo from LIHKG

Bob發聲力撐送貨員

Bob(林盛斌)得知事件後亦喺Facebook發文表達關注,佢指喺疫情對速遞行業影響非常大,人手不足令速遞員要一人要做三個人嘅工作,又指每日幾萬宗確診,佢哋仍然辛苦工作:「我真係好尊重每一位做速遞嘅工作人員。」

Bob(林盛斌)得知事件後亦喺Facebook發文表達關注Photo from TVB

佢又表示喺街頭食飯並非速遞員本意,而且當事人已經搵咗個盡量唔影響其他人嘅地方食飯,佢指投訴人「好無同理心,好唔善良」,之後佢稱如果當事人事後被炒魷魚可以聯絡佢:「我即刻安排一份工俾佢。」

Bob表示喺街頭食飯並非速遞員本意,而且當事人已經搵咗個盡量唔影響其他人嘅地方食飯,佢指投訴人「好無同理心,好唔善良」Photo from Bob Facebook

Bob稱如果當事人事後被炒魷魚可以聯絡佢:「我即刻安排一份工俾佢。」Photo from Bob Facebook

順豐官方回應事件

唔少網民都好認同Bob嘅睇法,力撐相中速遞員。順豐亦回應事件,發言人稱公司已慰問當事員工,又指唔會有任何處分,公司感激每位堅守崗位嘅前線同事,表示多得同事們疫情之下仍緊守崗位,先可以繼續維持服務。

唔少網民都好認同Bob嘅睇法,力撐相中速遞員。順豐亦回應事件,發言人稱公司已慰問當事員工,又指唔會有任何處分(非當事人))Photo from 順豐速運

順豐又稱喺艱難時刻感謝市民嘅支持,指喺疫情時期社會更需要大眾嘅體諒同理解,特別係對所有前線員工以及同業。

順豐稱喺艱難時刻感謝市民嘅支持,指喺疫情時期社會更需要大眾嘅體諒同理解Photo from 順豐速運

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

外賣員第一城落車僅10秒即被鎖車!網友爆每鎖一部車都有獎金分

22 Feb 2022

近嚟天氣又凍又落雨,加上疫情期間唔少市民都會叫外賣。不過外賣員唔係咁易做,日前有網友喺網上分享影片,指於沙田第一城目擊有外賣員落車後迅速被鎖車隊鎖車,令網民慨嘆「搵食艱難」。

近嚟天氣又凍又落雨,加上疫情期間唔少市民都會叫外賣。Photo from 東張西望

外賣員第一城落車僅10秒即被鎖車

香港好多私人屋苑面對私家路非法泊車嘅問題,大多會採取鎖車行動。Facebook群組「車cam L(香港群組)」有網民稱有外賣員揸電單車到沙田第一城送外賣,點知落車唔夠10秒,就被人極速鎖車,全程唔使半分鐘。

Facebook群組「車cam L(香港群組)」有網民稱有外賣員揸電單車到沙田第一城送外賣,點知落車唔夠10秒,就被人極速鎖車Photo from Facebook群組「車cam L(香港群組)」

該網民更分享影片,表示:「架外買電單車我睇住佢剛停架車,唔夠十秒,即鎖,連停車+鎖車,唔洗三十秒。送外賣啫,司機又唔洗一分鐘番嚟,今時今日環境,搵食啫,放人一碼都唔得」,佢更直言著黄色背心嘅人員「態度非常差」。

該網民更分享影片,表示:「送外賣啫,司機又唔洗一分鐘番嚟,今時今日環境,搵食啫,放人一碼都唔得」,佢更直言著黄色背心嘅人員「態度非常差」。Photo from Facebook群組「車cam L(香港群組)」

網友抱不平,斥工作人員不近人情

片中可見鎖車行動迅速,黃背心工作人員影相作紀錄,後面外賣員雖然想同工作人員理論,但黃色背心人士直接行過,並未理會。

片中可見鎖車行動迅速,黃背心工作人員影相作紀錄Photo from Facebook群組「車cam L(香港群組)」

外賣員雖然狀似想同工作人員理論,但黃色背心人士直接行過,並未理會。Photo from Facebook群組「車cam L(香港群組)」

外賣員頂住凜冽寒風送外賣,又於一分鐘之內上返車,但第一城工作人員嘅鐵面無私,分分鐘令外賣員一日收入凍過水,網友紛紛為片中外賣員抱不平,認為「第一城鎖車隊」行事太過不近人情。

網友紛紛為片中外賣員抱不平,認為「第一城鎖車隊」行事太過不近人情。Photo from Facebook群組「車cam L(香港群組)」

網友指第一城出名鎖車快狠準,籲車手唔好接單

有網民就表示:「第一城出咗名鎖車快狠準!」指第一城出咗名鎖車好嚴格,仲無情講!唔少網友都表示第一城喺行內都出晒名,更呼籲車手齊齊拒接第一城嘅單。

有網民就表示:「第一城出咗名鎖車快狠準!」指第一城出咗名鎖車好嚴格,仲無情講!Photo from Facebook群組「車cam L(香港群組)」

唔少網友都表示第一城喺行內都出晒名,更呼籲車手齊齊拒接第一城嘅單。Photo from 愛回家之開心速遞

網民直言:「居民交管理費等同間接支持呢啲鎖車行為,咁唔該啲居民俾啲骨氣,唔好再叫外賣嘞!」、「以後第一城無得外賣無得送貨,唔好怪人」

網民直言:「居民交管理費等同間接支持呢啲鎖車行為,咁唔該啲居民俾啲骨氣,唔好再叫外賣嘞!」Photo from Facebook群組「車cam L(香港群組)」

被鎖車即付$320

網友又大嘆外賣員可憐,只係落車送個外賣就無咗$320,有人「恨鐵不成鋼」唔明點解仲有人會接第一城外賣單,有網友為佢解釋:「有啲新人啱啱入行,唔知就瀨嘢」

網友又大嘆外賣員可憐Photo from 愛回家之開心速遞

有人「恨鐵不成鋼」唔明點解仲有人會接第一城外賣單,有網友為佢解釋:「有啲新人啱啱入行,唔知就瀨嘢」Photo from Facebook群組「車cam L(香港群組)」

爆鎖車有獎金分

又有網民大爆鎖車隊每鎖一架車都有commission分,所以會毫不留情直接鎖車。呢個爆料得到唔少網民「確認」,認為唔係有獎金攞,點會落雨都衝出嚟鎖車咁積極。更有人直指管理公司內部有條文寫明每鎖一部車就有$100獎金。

有網民大爆鎖車隊每鎖一架車都有commission分Photo from 東張西望

爆料得到唔少網民「確認」,認為唔係有獎金攞,點會落雨都衝出嚟鎖車咁積極。Photo from Facebook群組「車cam L(香港群組)」

有人直指管理公司內部有條文寫明每鎖一部車就有$100獎金。Photo from Facebook群組「車cam L(香港群組)」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel