download HolidaySmart 假期日常 app
網紅龍心宣稱即將離開YouTube界!重溫以往破格行為!2大原因導致標奇立異?

網紅龍心宣稱即將離開YouTube界!重溫以往破格行為!2大原因導致標奇立異?

生活熱話
By Stephanie on 16 Mar 2022
Digital Content Writer

網絡紅人「龍心」近年移民到英國,但就曾經大呻唔太適應當地嘅生活,依然努力尋覓緊有意義嘅工作。日前,龍心突然拍片宣佈自己將會慢慢淡出YouTube界,語重心長向港人表達祝福。

YouTuber龍心宣佈即將引退?!Photo from 見小 Dragonheart 曰明 @ YouTube

# 龍心已於英國定居!

網紅兼YouTuber 龍心上年決定移民到英國,而佢就成日都拍片分享於當地生活嘅影片。但佢就大呻於英國生活沈悶,多數都係做外賣員,期盼未來可以搵到一份「對世界有幫助同貢獻」嘅職業!

龍心曾拍片大呻未適應英國嘅生活!Photo from 見小 Dragonheart 曰明 @ YouTube

即使去到國外,龍心都好鍾意周圍搵人傾計~Photo from 見小 Dragonheart 曰明 @ YouTube

# 突然宣稱將會淡出YouTube!

喺英國愜意嘅生活,似乎令龍心萌生唔同嘅諗法。日前,佢拍片宣佈即將淡出YouTube界,仲引用道家思想「道者同於道」,認為現時要集中精神發展自己嘅事情!眼看現時世界狀況混亂,佢指能夠拯救香港嘅就係未來特首。

龍心揚言將會淡出YouTube界!Photo from 見小 Dragonheart 曰明 @ YouTube

# 談及自尊與成功的重要性,祝福香港人!

隨後,龍心強調「自尊同成功係相等」,認為感情、事業、家庭等各方面都同自尊心有關。佢傷心咁直指香港並非一個俾大家培育自尊嘅地方,依依不捨咁話「香港人Goodbye,自求多福!」

依依不捨寄語香港人Photo from 見小 Dragonheart 曰明 @ YouTube

# 分享最近領悟的道理~

影片嘅尾聲,龍心話自己現時追求「道」,坦承過往頻道嘅影片有好多比較引人注目嘅片段,但宜家嘅佢卻明白「只需要引高尚品格嘅人嘅注意」,再一次帶出「道者同於道」嘅意思!

龍心分享最近領悟嘅人生大道理!Photo from 見小 Dragonheart 曰明 @ YouTube

# 重溫以往出位行為

2012年,龍心於港台節目《城市論壇》以觀眾身份發問,當時嘅佢就自稱係「美國三藩市福青幫第二把交椅龍心438」,破格嘅造型同言論引起大眾注意!後來佢亦多次嘗試闖進《城市論壇》節目現場,包括:爬樹播歌、大聲喧嘩等。

龍心2012年以出位言論同服裝成功爆紅!Photo from 《城市論壇》

對《城市論壇》情有獨鍾嘅佢,仲多次闖入節目嘅拍攝現場。Photo from 見小 Dragonheart 曰明 @ YouTube

# 經常於街頭做出奇怪行為?!

「成名」後嘅龍心多次於公眾場合展現奇怪嘅行為,例如:地鐵內播歌、法院門口播《江南style》、地鐵做體操等。

龍心仲會隨身攜帶喇叭於地鐵內播國歌。Photo from 見小 Dragonheart 曰明 @ YouTube

有網民曾經表示偶遇龍心喺地鐵大玩雜技!Photo from 香港高登討論區

# 曾打算參加立法會補選!

2018年,龍心向媒體宣稱即將參加立法會補選,並表示遞交表格成為立法會九龍西區候選人;仲公開呼籲議員馮檢基將所有提名票數轉俾佢,就會考慮請佢工作。最終,龍心只係獲得6人提名而未能參選!

2018年,龍心向外透露即將參加立法會補選!Photo from 見小 Dragonheart 曰明 @ YouTube

# 龍心成日做奇怪行為原因!

有網民因為好奇龍心嘅背景,上網翻查下發現原來佢好早之前就曾經大鬧機場,並且因為受到生意及感情嘅雙重打擊,而令佢行為上變得異常!

有網民發現龍心原來「成名」前就曾經大鬧機場!Photo from 見小 Dragonheart 曰明 @ YouTube

懷疑佢因為生意及感情出問題導致行為變得奇怪!Photo from 見小 Dragonheart 曰明 @ YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

YouTuber龍心大呻英國生活3大困難!自爆現時工作沈悶:想對世界作出貢獻!

26 Jan , 2022

網絡紅人YouTuber「龍心」近來已經移居英國,但依然經常喺YouTube頻道分享自己嘅新生活~不過最近嘅影片中,佢就大呻英國嘅生活艱辛,覺得生存非常困難,仲話現時嘅工作非常沈悶!

龍心現時已經移居英國,而佢最新嘅影片卻透露而家自己遇到困難?!Photo from Dragonheart YouTube

# 網絡紅人龍心轉型成為YouTuber!

YouTuber自稱係「福清幫第二把交椅」嘅網紅龍心,2012年因為喺《城市論壇》嘅出位表現,而瞬間喺網絡爆紅!近年,佢就開始成為YouTuber仲好用心經營自己嘅頻道,雖然佢現時已經移居英國,但都時不時會上載喺當地嘅生活片段俾大家睇~

龍心過去因為出位嘅行為而爆紅,係唔少網民都非常熟悉嘅網絡紅人!Photo from Dragonheart YouTube

近年,佢仲開始做埋YouTuber非常用心經營頻道!Photo from Dragonheart YouTube

# 去年離開香港

翻查返龍心嘅YouTube頻道,佢大約喺上年8月嘅時候離開香港,仲周遊列國先後到訪希臘、德國等地方,最後就喺英國定居!而佢亦依然貫徹熱情嘅性格,離港後都繼續「溝女」,並且主動與當地人交流。

龍心就算離港後,都依然貫徹鍾意溝女嘅性格!Photo from Dragonheart YouTube

熱情如火嘅龍心當然仲有同當地人傾計啦~Photo from Dragonheart YouTube

# 自爆英國生活困難!

最新嘅影片中,龍心就大爆喺英國嘅生活好苦悶,同過往嘅佢完全唔同,而佢亦漸漸覺得對生活失去熱情同愛。現時嘅佢正喺英國任職外賣員,但呢份工作就缺乏刺激性,千篇一律,令佢覺得好無聊「唔係做緊我愛嘅工作,真係有啲困難」!

龍心喺最新嘅影片中大呻現時嘅生活非常沈悶!Photo from Dragonheart YouTube

# 渴望轉換新工作!

影片中所見,龍心正在踩單車,相信單車好大機會就係佢送外賣時使用嘅交通工具喇~而佢就強調英國有大量日曬雨淋嘅工作,不過佢就好想轉工,尋找一份有挑戰性嘅職業,希望可以盡展佢嘅長處「要對呢個世界有幫助同貢獻」!

相信單車就係龍心現時用來謀生嘅工具喇!Photo from Dragonheart YouTube

龍心希望可以盡快搵到新嘅工作,為佢嘅生活帶來刺激感!Photo from Dragonheart YouTube

# 英國冬天非常寒冷,令工作變得辛苦!

另外龍心亦有抱怨英國冬天非常寒冷而且經常下雨,令佢嘅外送工作變得更艱辛!期間,佢亦喺片中展示佢對「道家」嘅認識,認為自己必須盡快搵到有意義嘅工作,從而改變世界!

龍心話現階段最想搵一份有意義嘅工作,並相信佢可以改變世界,帶來貢獻!Photo from Dragonheart YouTube

# 曾抱怨「英國冇啖好食」!

過去,龍心亦曾經訴苦「嚟到英國冇啖好食」,認為當地物價非常昂貴「食一餐15鎊(約港幣157蚊)唔係唔得,但唔好食唔抵!」唔知而家嘅佢又適應咗英國嘅飲食文化未呢?!

龍心剛到英國嘅時候,曾經抱怨英國嘅食物唔抵食!Photo from Dragonheart YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel