陳冠希排最尾、梁朝偉屈居亞軍!網民嚴選「10大香港男神」排行榜

陳冠希排最尾、梁朝偉屈居亞軍!網民嚴選「10大香港男神」排行榜

娛樂新聞
By Jennifer on 17 Mar 2022
Digital Editor

連登討論區繼上次選出「十五位香港八九十年代女神」後,網民再開post「嚴選十大香港男神」,今次排名獲唔少網友大讚指人選合理。吳彥祖陳冠希鄭伊健梁朝偉都有入榜!

網民再開post「嚴選十大香港男神」,今次排名獲唔少網友大讚指人選合理。
Photo from TVB

10位:陳冠希

現年41歲嘅陳冠希(Edison)混血五官夠晒精緻,一出道即風靡萬千少女,成為大眾心目中嘅男神。雖然近年被指走樣,但樓主放上佢年輕時嘅舊照,仍獲大批網友力讚佢好靚仔,又指Edison第10位排名太低。

陳冠希(Edison)混血五官夠晒精緻,一出道即風靡萬千少女,成為大眾心目中嘅男神
Photo from 頭文字D

雖然近年被指走樣,但樓主放上佢年輕時嘅舊照,仍獲大批網友力讚佢好靚仔
Photo from 特警新人類

9位:吳彥祖

現年47歲嘅吳彥祖(Daniel)同樣係「靚仔」嘅代名詞,佢出演嘅電影多數都係飾演帥哥角色,出道作《美少年之戀》已驚為天人,雖然近年被指髮線後移,但唔少網友都指吳彥祖頭髮濃密時期「太屈機」,更直言吳彥祖都得第九,好想個前三係咩人。

吳彥祖出演嘅電影多數都係飾演帥哥角色,出道作《美少年之戀》已驚為天人
Photo from 美少年之戀

近年被指髮線後移,但唔少網友都指吳彥祖頭髮濃密時期「太屈機」
Photo from 美少年之戀

8位:謝霆鋒

現年41歲嘅謝霆鋒年輕時係「叛逆」形象,不羈嘅外型令佢成為當時好多年輕人嘅偶像,近年佢行為出位,唔少網友認為謝霆鋒雖然靚仔,但未及得上排喺佢之後嘅吳彥祖同Edison,但亦有人反駁,謝霆鋒同陳冠希同齡,但保養得好過Edison。

謝霆鋒年輕時係「叛逆」形象,不羈嘅外型令佢成為當時好多年輕人嘅偶像
Photo from 新紮師兄

謝霆鋒同陳冠希同齡,但保養得好過Edison
Photo from TVB

7位:鄭伊健

現年54歲嘅鄭伊健keep得好,佢一頭標誌性長髮亦係永遠嘅經典造型。樓主附上鄭伊健初出道嘅短髮造型,網民指佢無論長髮定短髮都咁好睇,更稱:「唔知佢全盛時期靚仔到咁!」

鄭伊健keep得好,佢一頭標誌性長髮亦係永遠嘅經典造型
Photo from 古惑仔

鄭伊健初出道嘅短髮造型,網民指佢無論長髮定短髮都咁好睇
Photo from TVB

6位:古天樂

現年51歲嘅古天樂一向熱心公益,但為人低調。樓主特意指出係未曬黑時期嘅佢,古天樂初出道形象白皙清秀,與現時硬漢形象大為不同。網友表示古天樂出道時斯文look好吸引。

古天樂初出道形象白皙清秀,與現時硬漢形象大為不同
Photo from TVB

《神雕俠侶》古天樂飾演「楊過」一角
Photo from TVB

5位:郭富城

現年56歲嘅郭富城(Aaron)係「四大天王」之一,佢年輕嘅經典六四分界髮型曾引領潮流。網友指佢眼睛有神,好易畀佢「電」親,又指城城嘅髮型即使過咗咁多年都唔覺得老土。

郭富城(Aaron)係「四大天王」之一,佢年輕嘅經典六四分界髮型曾引領潮流
Photo from TVB

網友指佢眼睛有神,好易畀佢「電」親,又指城城嘅髮型即使過咗咁多年都唔覺得老土。
Photo from TVB

4位:黎明

現年55歲嘅黎明(Leon)同為「四大天王」之一,佢除咗金句夠出名之外,英帥外型都係佢嘅其中一個標誌。張國榮曾表示佢外形最好,如果做歌手一定特別多女歌迷中意佢。

黎明(Leon)同為「四大天王」之一,佢除咗金句夠出名之外,英帥外型都係佢嘅其中一個標誌
Photo from TVB

張國榮曾表示佢外形最好,如果做歌手一定特別多女歌迷中意佢。
Photo from TVB

3位:周潤發

現年66歲嘅發哥係香港影視巨星,曾出演多個經典電影。不過有網友質疑發哥最多只可以話「型」,及唔上「靚仔」,排第三太高。但被網友反駁指:「由頭都尾都冇話選十大靚仔」,認為「男神」嚟講,靚仔絕對唔係唯一標準。

發哥係香港影視巨星,曾出演多個經典電影
Photo from 英雄本色

有網友質疑發哥最多只可以話「型」,及唔上「靚仔」,排第三太高。但被網友反駁指:「由頭都尾都冇話選十大靚仔」,認為「男神」嚟講,靚仔絕對唔係唯一標準。
Photo from 上海灘

2位:梁朝偉

現年59歲嘅梁朝偉曾五度奪得金像獎影帝,演技出眾嘅佢眼神深邃,擁有過人魅力嘅梁朝偉早就獲網友認定必會入選「香港男神」嘅三甲,更認為佢不論係後生嗰陣定依定都咁正!

梁朝偉曾五度奪得金像獎影帝,演技出眾嘅佢眼神深邃
Photo from 重慶森林

網友認為梁朝偉不論係後生嗰陣定依定都咁正!
Photo from 劉嘉玲IG

1位:張國榮

哥哥張國榮雖然離開咗近20年,但佢直至現時都仲有好大影響力。多年嚟唔少圈中人都大讚哥哥「好靚」係難得一見嘅美男子。網友亦指佢好有氣質,第一名絕對係實至名歸!

哥哥張國榮雖然離開咗近20年,但佢直至現時都仲有好大影響力
Photo from 阿飛正傳

多年嚟唔少圈中人都大讚哥哥「好靚」係難得一見嘅美男子。
Photo from ATV

更多相關文章

林青霞無份?李嘉欣三甲不入!網民選出15位香港八九十年代女神

14 Mar 2022

80、90年代係香港娛樂圈嘅黃金時期,拍出唔少經典電影、電視劇。近日喺連登討論區有網民開post「【全盛時期】嚴選十五位香港八九十年代女神」,樓主更講明「計樣計氣質計全盛時期」,關之琳李嘉欣邱淑貞等都有上榜!

80、90年代係香港娛樂圈嘅黃金時期,拍出唔少經典電影、電視劇。
Photo from TVB

15位:周海媚

現年55歲嘅周海媚祖先係滿洲鑲白旗滿族人,曾參選香港小姐,但未能晉身決賽,佢之後加入TVB藝員訓練班第1期藝員進修班而簽約成旗下藝人。周海媚嘅代表作正係1994年播映嘅電視劇《倚天屠龍記》,佢飾演「周芷若」一角,獲大讚完美還原呢個角色。

現年55歲嘅周海媚祖先係滿洲鑲白旗滿族人,曾參選香港小姐
Photo from TVB

周海媚之後加入TVB藝員訓練班第1期藝員進修班而簽約成旗下藝人
Photo from TVB

14位:黎姿

現年50歲嘅黎姿出生於電影世家,佢14歲就入行。黎姿喺於電影《古惑仔》系列中飾演「細細粒」深受歡迎,之後佢主力喺電視圈發展。擁有標致五官、豐滿身材,獲封為「愛美神」。

現年50歲嘅黎姿出生於電影世家,佢14歲就入行。
Photo from TVB

黎姿擁有標致五官、豐滿身材,獲封為「愛美神」。
Photo from TVB

13位:鍾麗緹

廣告
廣告

現年51歲嘅鍾麗緹係中越混血兒,佢參選1993年國際華裔小姐奪得冠軍後入行。佢深邃嘅五官有混血兒特色,於90年代電影多飾演美女角色。

現年51歲嘅鍾麗緹係中越混血兒
Photo from TVB

鍾麗緹深邃嘅五官有混血兒特色,於90年代電影多飾演美女角色。
Photo from 食神

12位:楊采妮

現年47歲嘅楊采妮1992年同郭富城合作拍廣告已備受注目,更一度成為「Yes!Card」熱門人物!楊采妮形象清純,獲傳媒封為「玉女接班人」。

現年47歲嘅楊采妮1992年同郭富城合作拍廣告已備受注目
Photo from YouTube

楊采妮形象清純,獲傳媒封為「玉女接班人」。
Photo from 超級學校霸王

11位:張敏

現年54歲嘅張敏於90年代拍過非常多武俠電影,係當時炙手可熱嘅女演員,曾與周星馳合作多套電影。佢外型英氣,於《倚天屠龍記之魔教教主》飾演「趙敏」一角亦深入民心。

現年54歲嘅張敏於90年代拍過非常多武俠電影,係當時炙手可熱嘅女演員
Photo from 微博

張敏外型英氣,於《倚天屠龍記之魔教教主》飾演「趙敏」一角亦深入民心。
Photo from 倚天屠龍記之魔教教主

10位:李麗珍

現年56歲嘅李麗珍喺80、90年代參演過多部港產片。佢因為甜美外型同火辣身材而成為90年代當紅電影女星。

現年56歲嘅李麗珍喺80、90年代參演過多部港產片
Photo from TVB

李麗珍甜美外型同火辣身材而成為90年代當紅電影女星。
Photo from TVB

9位:朱茵

現年50歲嘅朱茵出道後飾演過唔少由金庸名著改編嘅電視劇,其中以《射鵰英雄傳》中「黃蓉」一角最為人熟悉。之後佢喺《西遊記大結局之仙履奇緣》飾「紫霞仙子」成為經典。

現年50歲嘅朱茵出道後飾演過唔少由金庸名著改編嘅電視劇,其中以《射鵰英雄傳》中「黃蓉」一角最為人熟悉
Photo from TVB

朱茵喺《西遊記大結局之仙履奇緣》飾「紫霞仙子」成為經典。
Photo from 微博

8位:邱淑貞

現年53歲嘅邱淑貞1987年參選香港小姐,係當時奪冠嘅熱門人選,但因被指曾整容而退選。不過佢亦成功入行主演多部電影,有唔少性感演出,係90年代「性感女神」嘅代表。

現年53歲嘅邱淑貞1987年參選香港小姐,係當時奪冠嘅熱門人選,但因被指曾整容而退選
Photo from TVB

邱淑貞主演多部電影,有唔少性感演出
Photo from TVB

邱淑貞係90年代「性感女神」嘅代表。
Photo from TVB

7位:王祖賢

現年55歲嘅王祖賢於台灣出生,但佢80年代就開始參演香港電影,更憑《倩女幽魂》於亞洲爆紅,佢於戲中嫵媚、出塵嘅演出即使已息影多年仍然係大眾心目中嘅「小倩」。

現年55歲嘅王祖賢於台灣出生,但佢80年代就開始參演香港電影,更憑《倩女幽魂》於亞洲爆紅
Photo from 倩女幽魂

即使已息影多年,王祖賢仍然係大眾心目中嘅「小倩」。
Photo from 倩女幽魂

6位:周慧敏

現年54歲嘅周慧敏以歌手身份出道,清純形象獲封為「玉女掌門人」。

現年54歲嘅周慧敏以歌手身份出道,清純形象獲封為「玉女掌門人」。
Photo from TVB

5位:藍潔瑛

已故女演員藍潔瑛出道時有「靚絕五台山」嘅美譽,佢出演過TVB多套電視劇,而喺影壇方面佢於周星馳《大話西遊》系列電影中飾演「春三十娘」亦係佢電影嘅代表作。

藍潔瑛出道時有「靚絕五台山」嘅美譽
Photo from TVB

藍潔瑛於周星馳《大話西遊》系列電影中飾演「春三十娘」亦係佢電影嘅代表作。
Photo from 西遊記大結局之仙履奇緣

4位:李嘉欣

現年51歲嘅李嘉欣係中葡混血兒,一向有「大美人」之稱嘅佢於1988年參選香港小姐奪得冠軍,同年再成國際華裔小姐冠軍。入行之後李嘉欣曾出演好多電視劇、電影,多數都飾演美人角色。

現年51歲嘅李嘉欣係中葡混血兒,一向有「大美人」之稱嘅佢於1988年參選香港小姐奪得冠軍
Photo from TVB

入行之後李嘉欣曾出演好多電視劇、電影,多數都飾演美人角色。
Photo from TVB

3位:張柏芝

現年41歲嘅張柏芝有英國血統,佢出道不久即獲周星馳欽定做《喜劇之王》女主角,隨即一炮而紅。不過有網民質疑佢唔算係「八九十年代女神」,同其他上榜女星並非同一年代。

現年41歲嘅張柏芝有英國血統,佢出道不久即獲周星馳欽定做《喜劇之王》女主角,隨即一炮而紅
Photo from 微博

有網民質疑張柏芝唔算係「八九十年代女神」,同其他上榜女星並非同一年代。
Photo from 老鼠愛上貓

2位:關之琳

現年59歲嘅關之琳同周海媚一樣係滿清八大姓氏之一嘅瓜爾佳後裔,網友大讚佢有種貴族氣質,加上濃眉大眼,就算個妝化得簡單都已經好出眾。

現年59歲嘅關之琳同周海媚一樣係滿清八大姓氏之一嘅瓜爾佳後裔
Photo from 俠聖

網友大讚關之琳有種貴族氣質,加上濃眉大眼,就算個妝化得簡單都已經好出眾。
Photo from 俠聖

1位:鍾楚紅

網民大讚現年62歲嘅鍾楚紅由後生靚到依家,哥哥張國榮曾於節目中公開表示覺得佢「太靚」,即使佢演技有少少瑕疵都會原諒佢。

網民大讚現年62歲嘅鍾楚紅由後生靚到依家
Photo from TVB

哥哥張國榮曾於節目中公開表示覺得鍾楚紅「太靚」,即使佢演技有少少瑕疵都會原諒佢。
Photo from TVB

除咗上榜嘅時15位女星,仲有網民認為林青霞、張曼玉無份唔合理,喺排名方面張柏芝有第3而李嘉欣三甲不入亦有唔少網友覺得順序應該要改變。

有網民認為林青霞無份唔合理
Photo from 微博

網民:講到「八九十年代女神」點可以無張曼玉?
Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
3 hours ago
戀講嘢|林作下屬Bronte獲全公司男性追求?一日三餐有人請大感困擾
戀講嘢|林作下屬Bronte獲全公司男性追求?一日三餐有人請大感困擾
3 hours ago
蒙嘉慧素顏朝聖打卡熱點 居日生活寫意 保養得宜充滿自然美
蒙嘉慧素顏朝聖打卡熱點 居日生活寫意 保養得宜充滿自然美
20 hours ago
林利與台灣籍老婆再鬧婚變?!男方凌晨突然向妻子道歉,極力挽回婚姻?二人上年曾隔空吵架
林利與台灣籍老婆再鬧婚變?!男方凌晨突然向妻子道歉,極力挽回婚姻?二人上年曾隔空吵架
21 hours ago
Barbie真人版拍攝現場曝光 兩大主角災難級造型被網民嘲笑
Barbie真人版拍攝現場曝光 兩大主角災難級造型被網民嘲笑
a day ago
范冰冰「辟穀」減肥法7日唔食嘢,曾自嘲「范小胖」,為復出極速甩6公斤!
范冰冰「辟穀」減肥法7日唔食嘢,曾自嘲「范小胖」,為復出極速甩6公斤!
a day ago
Hottest Articles
最熱文章
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
2 days ago
YouTuber arhoTV備受爭議,被爆向觀眾賣淘寶貨?推出NFT不受年齡限制,被批誤導中小學生?!
YouTuber arhoTV備受爭議,被爆向觀眾賣淘寶貨?推出NFT不受年齡限制,被批誤導中小學生?!
3 days ago
何超欣清華大學畢業照曝光!賭王曾評價各房女兒,稱四房超盈「麻麻」?
何超欣清華大學畢業照曝光!賭王曾評價各房女兒,稱四房超盈「麻麻」?
2 days ago
歐陽震華上內地節目稱唔想再用英文名Bobby!訪問期間忽然落淚勁突兀
歐陽震華上內地節目稱唔想再用英文名Bobby!訪問期間忽然落淚勁突兀
2 days ago
40歲陳法拉拍美劇扮女僕 進軍荷里活片約不斷 有意回港拍劇?
40歲陳法拉拍美劇扮女僕 進軍荷里活片約不斷 有意回港拍劇?
2 days ago
戀講嘢|林作下屬Bronte獲全公司男性追求?一日三餐有人請大感困擾
戀講嘢|林作下屬Bronte獲全公司男性追求?一日三餐有人請大感困擾
3 hours ago