成龍與谷愛凌合照想提攜對方做武打演員?22年前自傳卡通片主角離奇撞樣谷愛玲!與空姐合照「抄牌」引熱議?

成龍與谷愛凌合照想提攜對方做武打演員?22年前自傳卡通片主角離奇撞樣谷愛玲!與空姐合照「抄牌」引熱議?

娛樂新聞
By Stephanie on 17 Mar 2022
Digital Content Writer

國際巨星成龍(Jackie Chan)係非常著名嘅動作演員,仲因此而成立名為「成家班」嘅動作電影拍攝團隊,當中位位都係出色嘅特技演員。最近,中美混血兒滑雪運動員谷愛凌(Eileen)就上載咗打拳嘅影片,有眼利嘅網民就發現同行朋友來自「成家班」,令網民不禁猜測佢係咪想嘗試做武打演員?!

滑雪運動員谷愛凌上載與成龍合照,令網民猜測佢係咪即將進軍電影界?!Photo from 成龍微博

# 成龍培養特技演員團隊!

現年67歲嘅成龍(Jackie Chan)入行多年,曾拍攝多部經典動作電影《醉拳》、《新精武門》等,闖出亞洲進軍好萊塢!而本身武功高強嘅佢喺1967年成立特技演員班底「成家班」,能夠加入團隊嘅成員都係出類拔萃嘅動作特技演員,實力相當;雖然佢哋1992年時宣佈解散,但後來又再重組。

成龍於1967年成立「成家班」Photo from 成龍微博

# 谷愛凌都加入「成家班」?!

然而,「成家班」最近似乎有新動靜?!自由式滑雪運動員谷愛凌於冬奧獲金牌後,瞬間成為網民們嘅關注對象,唔少網民都表示喺北京街頭偶遇佢。日前,佢喺IG Story上載打拳嘅影片,只見佢身穿Sports bra加短褲,身材十分fit,而且姿勢亦睇落有模有樣~

谷愛凌身材超fit,公開打拳影片~Photo from 谷愛凌IG

陪伴練習嘅男仔係「成家班」嘅成員之一!Photo from 谷愛凌IG

# 有指成龍已邀請谷愛凌參與電影拍攝

有網民指陪伴谷愛凌練習嘅男仔係「成家班」嘅成員,而佢亦上載同成龍一齊嘅合照,令大家都開始猜測莫非谷愛凌想挑戰做埋特技演員?!早於拍攝北京冬奧宣傳片嘅時候,谷愛凌就已經被導演丁晟詢問是否有意加入娛樂圈,但當時在旁嘅工作人員就話「來不及了,你要排成龍大哥後面。」睇嚟成龍已經向佢發出拍電影嘅邀請~

谷愛凌仲大晒與成龍大哥嘅合照~Photo from 谷愛凌IG

# 網民反應兩極!

網民仲搞笑咁話二人嘅合照同美國卡通《成龍傳奇》(Jackie Chan Adventures)嘅海報非常相似,提議佢哋可以一齊拍攝真人版動畫;但亦有網民抱持相反意見「要小心這大叔!」、「有給他電話號碼及地址嗎?」等留言。

有內地網民講笑咁話似動畫《成龍傳奇》!Photo from 《成龍傳奇》

網民嘅反應非常唔同!Photo from 微博

# 內地空姐機上偶遇成龍,炫耀被國際巨星「抄牌」!

一向都非常親民嘅成龍大哥早前被內地空姐網紅「水果滴滴」大讚,指佢工作期間喺機上偶遇成龍,對方仲大方同佢合照「不僅給照相,還要了我地址電話,說要給我們寄禮物,也太平易近人了吧」,火速成為網民熱議!

內地空姐「水果滴滴」出post大讚成龍親民,仲話對方問佢攞電話號碼同地址!Photo from 微博

# 原來係為送出親筆簽名書!

其後空姐向網民解釋成龍詢問攞地址嘅原因,只係想講親筆簽名自傳書送俾佢,大晒收到嘅禮物。然而,有網民就似乎唔太認同成龍大哥嘅做法,仲覺得搭膊頭影相似乎過分親密「是全天下男人都會犯的錯嗎?」、「保持適當社交距離」等,令空姐最終將post刪除!

其後空姐大晒成龍送贈嘅自傳書禮物~Photo from 「水果滴滴」微博

但依然引起網民熱烈討論,最終佢將post刪除咗!Photo from 「水果滴滴」微博

# 成龍大哥影相習慣

有部份網民就指成龍大哥向來都鍾意搭膊頭影相,不分男女,而過往佢亦曾經因為同內地女團「硬糖少女303」比較親暱嘅合照而備受網民熱議!

過往成龍同女團「硬糖少女303」成員合照時就已經引起熱議!Photo from 硬糖少女微博

有網民就反駁成龍一向都鍾意搭膊頭影相!Photo from 勝利微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

谷愛凌未來動向曝光!狂賺2億廣告代言費!即將回美國做學生?

21 Feb , 2022

北京冬奧閉幕禮已經完滿結束~18歲嘅中國選手谷愛凌(Eileen Gu)係其中一位備受關注嘅選手,仲喺今屆獲得佢冬奧嘅首面金牌,獲得唔少內地網民力撐,而最近佢賽後嘅未來動向就曝光!

谷愛凌參加冬奧後嘅動向曝光!Photo from 谷愛凌微博

# 榮獲女子自由式滑雪大跳台金牌!

現年18歲嘅中國選手谷愛凌於今屆自由式滑雪女子大跳台決賽中勇奪金牌,成為此項目中年紀最輕嘅冠軍得主!本身係中美混血兒嘅佢,操得一口流利普通話以及英文,仲係模特兒,前途無可限量!

谷愛凌喺今屆獲得自己首面奧運金牌!Photo from 微博

# 避談國籍問題!

而谷愛凌嘅國籍亦受到唔少大眾關注,由於佢曾經喺賽後講過「在中國係中國人,在美國是美國人」嘅言論,因此被網民笑稱擁有「動態國籍」!

本身係中美混血兒嘅谷愛凌,被網民擁有「動態國籍」Photo from 谷愛凌微博

# 超受廣告商歡迎!

谷愛凌憑優越外型獲網民大讚,亦吸引唔少廣告商邀請佢做代言人,榮登廣告界新寵兒。根據內地媒體報導,佢已經至少有27個廣告代言,當中好多都係國際知名品牌包括Tiffany & Co.、LV等,有指佢已經激賺至少$3,500萬美金(約港幣2億700萬)!

谷愛凌成為廣告界新寵兒~Photo from 谷愛凌微博

傳谷愛凌單單係廣告費用就已經賺取逾2億港幣Photo from 谷愛凌微博

# 谷愛凌即將回歸校園!

然而,谷愛凌接受美國報章訪問時坦承好鍾意滑雪,但唔肯定會否再參加比賽!而佢就表示自己即將到美國知名學府史丹佛讀書,希望可以嘗試多方面發展,盼望可以用自己嘅日記出書,亦會繼續模特兒事業。

谷愛凌比賽後將回美國史丹佛大學繼續升學!Photo from 谷愛凌微博

亦將會繼續發展自己模特兒事業~Photo from 谷愛凌微博

# 內地網民反應兩極!

內地網民反應兩極,部分網民表示支持年紀輕輕嘅佢做自己;但部分網民對佢嘅選擇感到不滿,「賺這麼多然後會美國?」、「為什麼不留在中國啊」等留言,並且質疑佢嘅國籍!

有網民表示尊重谷愛凌,願意支持佢!Photo from 微博

部分內地網民不滿谷愛凌嘅選擇?!Photo from 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel