勇記海南雞殺入上環料4月開新分店！必食招牌滑雞油飯

Reporter/ Anchor

早前推介爆紅海南雞專門店「勇記」近日殺入上環開分店，小店受到海南雞飯關注組推介，由前君悅酒店廚師主理，招牌無骨海南雞飯套餐$55，有齊靚雞、油飯及足料湯水，營業6小時即沽清，港島街坊有口福了！

疫市中開新分店！

勇記首店位於紅磡橫巷內，老闆阿勇為前君悅酒店廚師，老闆指非常感激一班食客的支持，不少住得偏遠的食客特別前來一嚐手藝，當中有來自馬灣、天水圍、馬鞍山等，相當誇張；為了提供更大空間及更多人可以食到勇記的南雞飯，老闆無懼疫市，於4月上環開舖！

Photo from Facebook@Mickey Li

勇記主打招牌去骨海南雞飯，老闆指每一間舖都調製出獨有的滷水汁，勇記的滷水汁用上18種食材，包括瑤柱、金華火腿、蝦米等等，再自家調味，炮製出屬於勇記獨一無二的滷水配方。

Photo from PressLogic

勇記特別選用味道鮮美的三黃雞，口感皮脆骨軟，雞肉質嫩滑，雞件去骨兼斬到大大件；勇記採用的雞隻特意拉長飼養期，目的是令雞味更為濃郁；油飯方面做到粒粒分明，雞油味香濃；隨餐更送一碗足料兼無味精的椰子雞湯，味道清甜！

Photo from PressLogic

另外老闆亦推介工序繁複的福建式肉骨茶，落足當歸、杞子、生熟地等藥材，老闆先調味後熬煮，把藥材熬出味道後，再落豬骨熬到軟腍入味，再焗3至4小時才完成；肉骨茶色澤較深，藥香味較重，帶微微甘香。

Photo from PressLogic

勇記海南雞
地址：
紅磡馬頭圍道23-35H號隆基大樓地下29L號舖（紅磡店）
電話：55004522
營業時間：星期一至六 14:00 - 20:00；星期日全日休息（因疫情關係暫時只接受外賣）

地址：上環蘇杭街102號江寧大廈地下（上環店）
開業日子：4月

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel