Coffee林芊妤晒兒子相片被嫌煩「其實你個仔唔得意」!發長文回應

Coffee林芊妤晒兒子相片被嫌煩「其實你個仔唔得意」!發長文回應

娛樂新聞
By Jennifer on 18 Mar 2022
Digital Editor

Coffee(林芊妤)IG除咗做瑜伽嘅照片外,亦不時大晒兒子「伯伯」翟德彥嘅日常趣事。近日有網友私訊佢並直言「其實你個仔真係唔得意」,指唔想再喺佢IG見到佢兒子,Coffee即喺Story公開有關對話。

Coffee(林芊妤)IG除咗做瑜伽嘅照片外,亦不時大晒兒子「伯伯」翟德彥嘅日常趣事
Photo from Coffee IG

Coffee愛於IG分享兒子「伯伯」日常照

Coffee 2018年誕下仔仔「伯伯」翟德彥後就經常分享兒子嘅日常照。兒子初出生時Coffee曾為佢開咗一個專屬IG,不過後來表示因為仔仔唔中意決定尊重佢唔再更新。

兒子初出生時Coffee曾為佢開咗一個專屬IG,不過後來表示因為仔仔唔中意決定尊重佢唔再更新。
Photo from Coffee IG

Coffee之後就喺自己嘅IG分享仔仔嘅生活照,如今伯伯已經3歲大,Coffee嘅個人IG亦超過103萬個followers,有唔少都係伯伯嘅fans。

Coffee之後就喺自己嘅IG分享仔仔嘅生活照,如今伯伯已經3歲大,Coffee嘅個人IG亦超過103萬個followers
Photo from Coffee IG

網民mean爆稱唔想再見到Coffee放仔仔上網

不過亦有網民不滿Coffee日日晒個仔,日前有網民私chat Coffee,表示:「其實你個仔真係唔覺得得意,你成日好自戀你個仔,可唔可以唔好再放上網,其實你啲行為好cheap」,又稱自己無聊先會撳Coffee IG嚟睇但開始頂唔順。

日前有網民私chat Coffee,表示:「其實你個仔真係唔覺得得意,你成日好自戀你個仔,可唔可以唔好再放上網」
Photo from Coffee IG

Coffee發長文認真回覆

網友言論用字幾mean,Coffee亦唔客氣喺Story公開兩人對話,佢回覆該網民自己無逼人睇佢IG,表示:「我真係覺得我個仔好得意,同埋我真係好鍾意我個仔,所以我嘅IG都充滿着佢嘅足跡」,盡顯母親對兒子嘅愛!

Coffee亦唔客氣喺Story公開兩人對話,佢回覆該網民自己無逼人睇佢IG,表示:「我真係覺得我個仔好得意,同埋我真係好鍾意我個仔」
Photo from Coffee IG

稱自己IG中意擺咩就擺咩,獲其他網民力撐

Coffee稱佢從來無要求過其他人都要中意佢仔仔,但佢個人IG想擺咩就擺咩,唔需要他人過問。Coffee又認為既然對方咁睇唔過眼就唔應該繼續follow佢,呼籲對方盡快unfollow。

Coffee稱佢從來無要求過其他人都要中意佢仔仔,但佢個人IG想擺咩就擺咩,唔需要他人過問
Photo from Coffee IG

Coffee指好少收到啲message令佢會認真回覆,希望大家唔好因為無聊而嘥時間睇啲唔想睇嘅嘢。佢之後都收到其他網民嘅支持,力撐伯伯帶咗唔少歡樂畀大家,指Coffee唔使理會「無謂人」。

Coffee之後都收到其他網民嘅支持,力撐伯伯帶咗唔少歡樂畀大家,指Coffee唔使理會「無謂人」。
Photo from Coffee IG

曾被指唔識做媽媽,Coffee發火反駁

其實今次唔係Coffee第一次反擊網民留言,之前伯伯因為生牙瘡搞到塊面腫咗,Coffee都被質疑「唔識做媽媽」,當時佢嬲爆回覆斥對方無同理心,當時都獲其他網民力撐。

之前伯伯因為生牙瘡搞到塊面腫咗,Coffee都被質疑「唔識做媽媽」,當時佢嬲爆回覆斥對方無同理心
Photo from Coffee IG

今次事件Coffee有再喺Story表示如果自己IG出post都要考慮他人感受:「咁我咪好唔得閒?」佢又指收到好多人嘅私訊,發現佢哋比自己更激動,佢稱無咁易畀人影響到。

今次事件Coffee有再喺Story表示如果自己IG出post都要考慮他人感受:「咁我咪好唔得閒?」
Photo from Coffee IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Coffee林芊妤晒兒子睇牙醫相被網友斥「要學習做媽媽」,嬲爆回覆超重火藥味

廣告
廣告

13 Jan 2022

Coffee(林芊妤)不時喺網上大晒兒子「伯伯」翟德彥嘅日常趣事,近日佢分享仔仔個嘴腫咗,之後發現係佢嘅牙齒出現問題,點知有網民留言指佢「要學習做媽媽」,即時令Coffee發火回覆!

Coffee(林芊妤)不時喺網上大晒兒子「伯伯」翟德彥嘅日常趣事

Coffee分享兒子「伯伯」近日塊面腫咗

Coffee(林芊妤)2018年榮升做媽媽之後生活一直圍住兒子「伯伯」翟德彥,佢日前透露3歲嘅伯伯出世後第一次去醫院,原因係上唇腫咗,當時醫生話伯伯有傷口發炎。

Coffee日前透露3歲嘅伯伯出世後第一次去醫院,原因係上唇腫咗,當時醫生話伯伯有傷口發炎。

Coffee表示:「依家佢變咗一隻鴨仔⋯完全唔認得佢,中咗面目全非拳🙈」,佢又指自己推晒啲會議同工作留喺屋企陪仔仔,Coffee:「想問吓你哋有冇試過咁嘅情況?通常會幾時先好返㗎?見佢隻牙仔都有少少變黑」

Coffee表示:「依家佢變咗一隻鴨仔⋯完全唔認得佢,中咗面目全非拳🙈」

發文揭彥彥面腫全因生牙瘡

估唔到佢再次發文指之前喺社交網站分享仔仔塊面腫咗,最近發現原來係因為生牙瘡!佢指發文後有唔少媽媽級網友私訊畀咗好多意見佢,令佢明白事情嘅嚴重性,終於帶咗仔仔去見兒童牙科醫生。

估唔到佢再次發文指之前喺社交網站分享仔仔塊面腫咗,最近發現原來係因為生牙瘡

牙科醫生指伯伯有夜晚飲奶習慣,出現蛀牙問題,所以先會生牙瘡搞到塊面腫咗:「所以我今日出呢個post係好想大大力多謝所有私訊幫過我嘅人,都好想多謝偉大嘅網絡世界~令我可以好快咁做每個決定」

牙科醫生指伯伯有夜晚飲奶習慣,出現蛀牙問題,所以先會生牙瘡搞到塊面腫咗

有網友留言指責,Coffee即發火回覆

Coffee表示希望透過分享令到所有新手媽媽都有所得着:「凡事要及早了解同認識,我哋繼續學習!」但有網友就留言「教訓」佢:「你真係要好好學習做媽媽﹗個仔搞到蛀牙,又牙瘡你都唔知,又無理佢。」

Coffee表示希望透過分享令到所有新手媽媽都有所得着:「凡事要及早了解同認識,我哋繼續學習!」

Coffee即時大怒留言回覆呢位網民:「哇…幾多阿媽會因為畀人咁樣講搞到抑鬱。畀少少同理心啦大佬,第一次做人哋阿媽啫,我唔係唔理係唔識咋奶奶(因為你啲語氣真係好似電視劇啲惡毒奶奶咁)其實把口唔好咁衰,你嘅人生會幸福好多㗎﹗加油。」

有網友就留言「教訓」Coffee,令佢忍唔住反擊

Coffee曾被老公教訓要出聲保護自己

其實Coffee之前都有直接回擊網友嘅留言,曾有人指Coffee老公買唔起樓,暗嘲佢「嫁錯郎」,Coffee回覆稱:「我有手有腳鍾意自己賺錢自己洗,我選擇愛情因為我有能力自己買麵包」,隨後更發千字文護夫。

其實Coffee之前都有直接回擊網友嘅留言,曾有人指Coffee老公買唔起樓,暗嘲佢「嫁錯郎」

Coffee回覆稱:「我有手有腳鍾意自己賺錢自己洗,我選擇愛情因為我有能力自己買麵包」,隨後更發千字文護夫。

Coffee早前上陳敏之YouTube節目做嘉賓,回憶起曾試過畀人當面話「唔知瞓過幾多個男人」,佢當時無出聲但係老公就鬧咗佢一餐,指佢唔好好保護自己,第時點保護個仔,令佢醒覺應該要有咩不平要出聲學識保護自己。

Coffee早前上陳敏之YouTube節目做嘉賓,回憶起曾試過畀人當面話「唔知瞓過幾多個男人」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
2 hours ago
戀講嘢|林作下屬Bronte獲全公司男性追求?一日三餐有人請大感困擾
戀講嘢|林作下屬Bronte獲全公司男性追求?一日三餐有人請大感困擾
2 hours ago
蒙嘉慧素顏朝聖打卡熱點 居日生活寫意 保養得宜充滿自然美
蒙嘉慧素顏朝聖打卡熱點 居日生活寫意 保養得宜充滿自然美
19 hours ago
林利與台灣籍老婆再鬧婚變?!男方凌晨突然向妻子道歉,極力挽回婚姻?二人上年曾隔空吵架
林利與台灣籍老婆再鬧婚變?!男方凌晨突然向妻子道歉,極力挽回婚姻?二人上年曾隔空吵架
20 hours ago
Barbie真人版拍攝現場曝光 兩大主角災難級造型被網民嘲笑
Barbie真人版拍攝現場曝光 兩大主角災難級造型被網民嘲笑
a day ago
范冰冰「辟穀」減肥法7日唔食嘢,曾自嘲「范小胖」,為復出極速甩6公斤!
范冰冰「辟穀」減肥法7日唔食嘢,曾自嘲「范小胖」,為復出極速甩6公斤!
a day ago
Hottest Articles
最熱文章
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
2 days ago
YouTuber arhoTV備受爭議,被爆向觀眾賣淘寶貨?推出NFT不受年齡限制,被批誤導中小學生?!
YouTuber arhoTV備受爭議,被爆向觀眾賣淘寶貨?推出NFT不受年齡限制,被批誤導中小學生?!
3 days ago
何超欣清華大學畢業照曝光!賭王曾評價各房女兒,稱四房超盈「麻麻」?
何超欣清華大學畢業照曝光!賭王曾評價各房女兒,稱四房超盈「麻麻」?
2 days ago
歐陽震華上內地節目稱唔想再用英文名Bobby!訪問期間忽然落淚勁突兀
歐陽震華上內地節目稱唔想再用英文名Bobby!訪問期間忽然落淚勁突兀
2 days ago
40歲陳法拉拍美劇扮女僕 進軍荷里活片約不斷 有意回港拍劇?
40歲陳法拉拍美劇扮女僕 進軍荷里活片約不斷 有意回港拍劇?
2 days ago
新垣結衣婚後首次公開露面,卻被指顏值下降?!粉絲超擔心:婚後生活壓力好大?
新垣結衣婚後首次公開露面,卻被指顏值下降?!粉絲超擔心:婚後生活壓力好大?
a day ago