約朋友得閒飲杯茶？香港FLAMINGO BLOOM小紅鶴！健康無添加茶飲！

有無試過約朋友得閒飲杯茶？！會覺得自己好OLD SCHOOL!?依加唔洗擔心啦～因為年輕人要搵一間時尚摩登嘅休憩地方，唔係得咖啡室或茶餐廳。7月新開幕嘅Flamingo Bloom小紅鶴，主打選用新鮮，無添加，安全健康嘅茶飲！就啱晒你同一班好姐妹啦～仲唔快D嚟試吓！？
Photo from PressLogic

7月正式開張嘅FLAMINGO BLOOM，旨在推廣摩登中國茶飲文化，主打優質無添加用原茶葉茶飲，全部新鮮製作，令顧客放心享用。首間茶坊係今個月2號係中環士丹利街強勢開幕，掀起一股全新健康時尚茶飲熱潮。
Photo from PressLogic

今日小編就親身試飲！全部即點即製作，真係覺得好貼心～野飲可以選用紅茶、綠茶、胎菊普洱、同油切烏龍茶底，有多種配搭，更加可選冷熱再加珍珠或奶蓋，真係啱晒一班心大心細嘅女士們！
Photo from PressLogic

小編最喜歡嘅係珍珠鮮奶蝶蘭，係用鮮奶加紅菜頭製成嘅！外表靚靚之外，飲落去都覺得相當有質素。再加試珍珠，真係好煙韌啊！加多$15蚊，仲可以帶小紅鶴番屋企！
Photo from PressLogic

而且所有水果都係當日新鮮運到嫁！夏天行到熱辣辣，行過嚟同朋友坐低吹吓水真係一個唔錯嘅選擇！不過，喜歡熱野嘅女士們都唔洗怕，因為呢度都貼心地為女士準備咗過十款熱野～～～真無認真唔話得！點點茶香，具舒緩壓力嘅功效，真係令人心情放鬆。
Photo from PressLogic

小編覺得Flamingo真係好能夠代表summer！呢度嘅環境好fancy，一定係女孩子們打卡check in嘅地方之一！
Photo from PressLogic

地址：中環士丹利街50號信誠廣場地下B室（樓梯旁邊）
營業時間：
星期一至日
11:00-21:00
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）