MARVEL《復仇者聯盟》開播10週年!11位「英雄」片酬一覽!所有演員身價都幾倍飆升!

MARVEL《復仇者聯盟》開播10週年!11位「英雄」片酬一覽!所有演員身價都幾倍飆升!

電視電影 娛樂新聞
By Stephanie on 21 Mar 2022
Digital Content Writer

MARVEL電影《復仇者聯盟》(The Avengers)上映至今已經10年,一直都深受世界各地嘅網民喜愛!電影票房如此賣座,演員們嘅片酬當然都隨住時間而有所提升,宜家即睇各位「英雄」嘅片酬啦~

MARVEL電影《復仇者聯盟》人氣爆燈,有份出演嘅演員都因此而聲名大噪!Photo from 《復仇者聯盟:終局之戰》

鐵甲奇俠(Iron Man):羅拔唐尼(Robert Downey Jr.)飾

作為MARVEL系列中嘅元祖成員,羅拔唐尼嘅片酬係所有「英雄」中最高嘅!由2008年開始拍攝《Iron Man》,當時片酬係50萬美金。隨住電影熱度增加,《Iron Man》第2、3輯嘅片酬分別係1000萬美金同埋5000萬美金,一直都有所上升!

2008年《鋼鐵人》第一集片酬為50萬美金!Photo from 《Iron Man》Trailer

隨住Iron Man一角人氣急升,羅拔唐尼每次拍戲片酬都一定會上漲!Photo from 劇照

直到拍攝《復仇者聯盟:終局之戰》嘅時候,羅拔唐尼嘅片酬已經達到7500萬美金,十分驚人!

直到復仇者系列嘅最後一集,Iron Man片酬已經達到7500萬美金!Photo from 《復仇者聯盟:終局之戰》

美國隊長 (Captain America):基斯伊雲斯(Chris Evans)飾

另一位元祖英雄美國隊長嘅片酬相對上冇太大嘅升幅,2011年拍攝第一部MARVEL電影《Captain America》時嘅身價係30萬美金。由於當初基斯伊雲斯同MARVEL一下子簽咗5部電影合約,所以喺《復仇者》系列中嘅片酬增幅不大!

拍攝第一部《美國隊長》電影時,佢嘅片酬係大約30萬美金!Photo from 劇照

儘管電影迴響唔錯,但受合約影響佢嘅片酬並冇因此而大大提升!Photo from 劇照

直到佢再同製作方談續約時,片酬開始逐漸增加,拍攝最後一集《復仇者》時身價達到1500萬美金!

直到復仇者最後一集,佢嘅片酬先升到1500萬美金!Photo from 劇照

雷神(Thor):基斯咸士禾夫(Chris Hemsworth)飾

「雷神」基斯咸士禾夫薪酬上嘅升幅其實同美國隊長有幾分相似!2011年拍攝第一部MARVEL電影《雷神奇俠》嘅片酬只係得15萬美金;而《復仇者聯盟2》500萬美金,但礙於合約關係並唔算增加太多。

參與第一部電影《雷神奇俠》時片酬僅僅得15萬美金!Photo from 劇照

隨住《復仇者聯盟》嘅人氣超高,佢於《雷神3》以及《復仇者聯盟》系列餘下嘅電影中片酬都達到1500萬美金!

《復仇者聯盟》片酬達到1500萬美金,有傳仲會即將出《雷神4》!Photo from chrishemsworth @ IG

黑寡婦(Black Widow):施嘉莉祖安遜(Scarlett Johansson)飾

作為原始MARVEL成員嘅「黑寡婦」最初於《鋼鐵人2》以女配角首度亮相,當時片酬大約係40萬美金;之後喺《復仇者聯盟》將近以女主角嘅形式出現,片酬升至600萬美金!

黑寡婦於《鋼鐵人2》首度登場!Photo from 劇照

其後於早期嘅《復仇者聯盟》中戲份頗重,片酬升到600萬美金!Photo from 劇照

佢喺《復仇者聯盟:終局之戰》嘅片酬2500萬美金,升幅超多!上年推出嘅《黑寡婦》自傳電影,就獲得2千萬美金,但佢就因為疫情以及Disney+平台嘅關係投訴票房成績受影響,再額外獲得2千萬美金作補償!

上年上映嘅《黑寡婦》一共收取至少4000萬美金(連同投訴迪士尼後所獲得嘅賠償)!Photo from 劇照

變形俠醫 (Hulk) 及鷹眼(Hawkeye)片酬相似!

飾演「浩克」嘅麥克雷法路係2012年拍攝《復仇者聯盟》加入MARVEL;而「鷹眼」謝洛美維納就於2011年《雷神奇俠》亮相,二人都未有拍攝個人電影(不包含由「浩克第一代」Edward Norton版本),但片酬都非常唔錯~

麥克雷法路版本嘅「浩克」尚未拍攝獨立電影Photo from 劇照

「鷹眼」謝洛美維納都未有個人電影,但就有於Disney+推出個人影集!Photo from 劇照

兩位演員本身已有一定嘅知名度,即使以配角身份出演《復仇者聯盟》系列都賺到200至300萬美金。直到《終局之戰》,佢哋嘅片酬瞬間升到1500萬美金!

二人嘅片酬金額相近,大約係200至300萬美金!Photo from 劇照

紅女巫 (Scarlet Witch)-伊莉莎白奧遜(Elizabeth Olsen)

被公認係女神嘅「紅女巫」伊莉莎白奧遜第一次於《美國隊長2》亮相,深得網民歡心。然而,由於佢電影中嘅戲份並唔多,所以片酬只係得200萬美金!

紅女巫大多以配角角色出場,戲份不多,片酬大約係200萬美金!Photo from 劇照

蜘蛛俠(Spider-Man):湯賀蘭(Tom Holland)飾

由湯賀蘭所飾演嘅「蜘蛛俠」於2016年首度於《美國隊長3:英雄內戰》登場,當時嘅片酬係25萬美金;2017年拍攝個人電影《蜘蛛俠:強勢回歸》時片酬就已經躍升至150萬美金!

湯賀蘭接拍首部《蜘蛛俠》嘅時候,片酬已經係150萬美金!Photo from 劇照

而佢喺《復仇者聯盟》系列嘅第3、4集當中,片酬變成300萬美金,3年內身價上升大約10倍,前途無可限量!上年嘅《蜘蛛俠:不戰無歸》片酬應該再升一級,估計大約係400萬至500萬美金!

而上年所推出嘅《蜘蛛俠:不戰無歸》估計有400至500萬美金!Photo from 劇照

奇異博士(Doctor Strange):班尼迪甘巴貝治(Benedict Cumberbatch)飾

本身擁有豐富演戲經驗嘅班尼迪甘巴貝治於第一部《奇異博士》嘅片酬已經有350萬美金,而即將上映嘅《奇異博士:時空多重宇宙》片酬大約係956萬美金,升咗3倍咁多!

 班尼迪甘巴貝治於最新電影中嘅片酬大約係956萬美金,上升3倍!Photo from 劇照

預計今年上映嘅《奇異博士2: 失控多元宇宙》將會與紅巫女有更多對手戲!Photo from 電影預告

Captain Marvel「起薪點」最高?!

順帶一提,雖然「MARVEL隊長(Captain Marvel)」貝兒娜森非常後期加入MARVEL行列,但佢拍攝第一部個人電影時片酬已經達到500萬美金,係眾多英雄中起薪最高嘅一位!已故演員查德威克鮑斯曼出演「黑豹」個人電影時片酬只係得200萬美金,相對上比較少!

MARVEL隊長拍攝第一部個人電影時片酬已經係500萬美金!Photo from 劇照

廣告
廣告

「黑豹」片酬為200萬!Photo from 劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

梁朝偉拍《尚氣》片酬曝光!Marvel出道作史上第二高!坐擁9億物業半山豪宅超奢華

13 Sep , 2021

Marvel電影《尚氣與十環幫傳奇》打破美國勞動節票房紀錄,喺戲中飾演反派角色「文武」嘅影帝梁朝偉首次進軍荷李活,人氣急升!近日佢接拍《尚氣》嘅片酬曝光!屬Marvel歷年出道作中第二貴!

Marvel電影《尚氣與十環幫傳奇》打破美國勞動節Marvel票房紀錄Photo from 《尚氣與十環幫傳奇》

#《尚氣與十環幫傳奇》票房成績佳

《尚氣與十環幫傳奇》即使喺疫情期間仍然有唔錯嘅票房成績,首周已喺北美收$5.5億票房,又蟬聯韓國票房冠軍,甚至更打破美國勞動節票房紀錄,成績驕人。

《尚氣與十環幫傳奇》即使喺疫情期間仍然有唔錯嘅票房成績Photo from 《尚氣與十環幫傳奇》

影帝梁朝偉喺電影中飾演反派角色「文武」,唔少觀眾都被佢嘅魅力吸引, 佢曾提及自己本來無打算接拍《尚氣》,但喺老婆劉嘉玲嘅勸說下佢與導演聯絡後深深感受到對方嘅誠意,最終決定出演。

影帝梁朝偉喺電影《尚氣與十環幫傳奇》飾演反派角色「文武」,唔少觀眾都被佢嘅魅力吸引Photo from IG@tonyleung_chiuwai

#梁朝偉首次進軍荷李活片酬曝光

呢部電影亦係梁朝偉首次進軍荷李活嘅作品,近日有報道指梁朝偉出演《尚氣》嘅片酬高達$780萬美元(約港幣$6,000萬)!比羅拔唐尼(Robert Downey Jr.)主演嘅第一集《鐵甲奇俠(Iron Man)》$50萬美元片酬高10幾倍!

有報道指梁朝偉出演《尚氣》嘅片酬高達$780萬美元(約港幣$6,000萬)Photo from 《尚氣與十環幫傳奇》

有指Marvel另外2大代表人物「美國隊長」基斯伊雲斯(Chris Evans)首集片酬為$100萬美金(約$770萬港元)、「雷神」基斯漢斯禾夫(Chris Hemsworth)則係$15萬美金(約$116萬港元)。

「美國隊長」基斯伊雲斯(Chris Evans)首集片酬為$100萬美金(約$770萬港元)Photo from Marvel

「雷神」Chris Hemsworth首度出演Marvel電影片酬係$15萬美金(約$116萬港元)Photo from Marvel

今次梁朝偉嘅片酬屬Marvel出道作中排第二!喺《雷神奇俠3:神域末日》飾演雷神父親嘅奧斯卡影帝Anthony Hopkins排第三,後面仲有「Marvel隊長」Brie Larson、「神秘客」Jake Gyllenhaal、「奇異博士」Benedict Cumberbatch等。而第一名則係於《雷神奇俠3:神域末日》飾演反派「Hela」嘅奧斯卡影后Cate Blanchett。

喺《雷神奇俠3:神域末日》飾演雷神父親嘅奧斯卡影帝Anthony HopkinsPhoto from Marvel

Marvel歷年出道作片酬最高嘅係於《雷神奇俠3:神域末日》飾演反派「Hela」嘅奧斯卡影后Cate BlanchettPhoto from Marvel

#梁朝偉、劉嘉玲坐擁價值9億物業

梁朝偉片酬之高亦反映Marvel對佢嘅重視,梁朝偉出道咁多年曾5次獲得香港電影金像獎影帝,喺影壇地位超然,佢多年嚟投資有道,與老婆劉嘉玲持有至少10個物業,總價高達$9億港元,家底豐厚。

梁朝偉出道咁多年曾5次獲得香港電影金像獎影帝,喺影壇地位超然Photo from IG@tonyleung_chiuwai

梁朝偉多年嚟投資有道,與老婆劉嘉玲持有至少10個物業,總價高達$9億港元Photo from IG@tonyleung_chiuwai

#梁朝偉、劉嘉玲名下1億半山豪宅內部奢華裝修公開

佢名下嘅物業中位於半山價值港幣近$1億嘅豪宅梅苑十分奢華,劉嘉玲曾喺IG公開過豪宅內部,整體設計走復古歐式風格,佈置如豪華莊園。

梁朝偉名下嘅物業中位於半山價值港幣近$1億嘅豪宅梅苑十分奢華Photo from IG@carinalau1208

劉嘉玲曾喺IG公開過豪宅內部Photo from IG@carinalau1208

梁朝偉、劉嘉玲名下豪宅整體設計走復古歐式風格,佈置如豪華莊園。Photo from IG@carinalau1208

客廳、飯廳都有名貴嘅水晶燈,樓底好高,紅色嘅地氈同梳化相當有氣派,裝飾用火爐好有英式風格,加上珍貴嘅古董收藏品,充滿復古風情。

客廳、飯廳都有名貴嘅水晶燈,樓底好高Photo from IG@carinalau1208

紅色嘅地氈同梳化相當有氣派Photo from IG@carinalau1208

火爐好有英式風格,加上珍貴嘅古董收藏品,充滿復古風情。Photo from IG@carinalau1208

古典擺設上更有唔少英文書籍Photo from IG@carinalau1208

而飯廳就以白色為主,有長型飯枱,設計典雅有格調,牆上掛有鹿角擺設,餐枱擺上整齊嘅餐具、餐巾,加上多個玻璃杯,係與好友聚會嘅場所。

飯廳色調就以白色為主,有長型飯枱,設計典雅有格調Photo from IG@carinalau1208

飯廳牆上掛有鹿角擺設,餐枱擺上整齊嘅餐具、餐巾Photo from IG@carinalau1208

劉嘉玲與好友聚會嘅場所Photo from IG@carinalau1208

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel