download HolidaySmart 假期日常 app
夫婦花$39萬港元購百年教堂改成住宅 超多間睡房浴室 遊戲室大到可踩滑板車!

夫婦花$39萬港元購百年教堂改成住宅 超多間睡房浴室 遊戲室大到可踩滑板車!

生活熱話
By Cheryl on 23 Mar 2022
Digital Editor

香港人好關注買樓議題,唔知大家有無諗過入住非傳統房屋?美國一對夫婦早前只花了約5萬美金(約39萬港元),購入了一間有超過百年歷史嘅教堂,再用5個月時間將佢大改造,變成一間有齊4間睡房、遊戲和工作空間嘅住宅,個人化同時保留一點教堂設計,而且地點又方便子女上學,所以一家都非常滿意!

Gray一家為方便子女上學,決定購入教堂在將佢改建成住宅!Photo from Matt and Kristen Gray / SWNS

為方便子女上學,萌生買教堂念頭

綜合外媒報導,美國俄亥俄州一名38歲男子Matt Gray,與39歲妻子Kristen育有兩子三女,年紀介乎8至15歲,多名子女正值上學年紀,所以在2016年開始,為了更方便到校,兩夫婦已經想從原本住處搬到鄰近子女學校嘅地方。佢哋當時就喺理想範圍發現一間擁有119年歷史嘅教堂,夫婦形容對教堂簡直係一見鍾情,當得知教堂準備搬遷時,就產生了購入教堂,再將佢改造成住宅嘅想法。但與教堂溝通後,得悉時機上未能購入,所以隨後曾搬家兩次。

教堂原本面貌Photo from Matt and Kristen Gray / SWNS

4年後,相關人士主動聯絡夫婦,並透露正準備出售教堂。於是,夫婦成功在前年以5萬美元(約39萬港元)購入教堂,佢哋一家隨即展開改造工程,過程更讓子女參與,令佢哋對新家更有歸屬感。

Gray一家對教堂展開改造工程。Photo from Matt and Kristen Gray / SWNS

教堂大改造!

佢哋花了5個月進行改造工程,佢哋將原本紅色嘅外圍油成全啞黑,並裝設金屬屋頂,喉管與電線等設備亦需更換。

教堂外貌換成型格啞黑色。Photo from Matt and Kristen Gray / SWNS

孩子們都有參與改建過程~Photo from Matt and Kristen Gray / SWNS

教堂內部也進行了大翻新,裝修後內有4間睡房、3個廁所、3個浴室、2個客廳、2間洗衣房、2個辦公室、1間健身房、和1間遊戲室,無論住宿、玩樂與工作需要都能夠滿足!

大客廳Photo from Matt and Kristen Gray / SWNS

風格浴室Photo from Matt and Kristen Gray / SWNS

主人房Photo from Matt and Kristen Gray / SWNS

衣帽間Photo from Matt and Kristen Gray / SWNS

佢哋更在屋內設置一條超長滑梯,媽媽Kristen非常喜歡設計,因為滑梯巨型,所以孩子們每次滑下來都非常搞笑。整個遊戲室空間極大,放置了一張兵兵球桌後,仲有空間讓小孩周圍踩滑板車!

巨型滑梯Photo from Matt and Kristen Gray / SWNS

掛有美國國旗Photo from Matt and Kristen Gray / SWNS

踩滑板車都無問題~Photo from Matt and Kristen Gray / SWNS

保留部分原有設計

佢哋直言改建過程曾遇到困難,例如頭一個月無淋浴間或浴缸,所以要到親戚家中洗澡,又曾遇到蝙蝠,要想法安裝活板門趕走佢哋。Matt一家亦保留了教堂部分原有設計和物品,例如將教堂長椅充當飯廳和家庭教育區嘅座位、保留木製十字架、將洗禮設備用作廚房水槽,和教堂出席人數板變成時鐘等。

教堂長椅Photo from Matt and Kristen Gray / SWNS

辦公空間Photo from Matt and Kristen Gray / SWNS

開放部分空間,建立互助社群

兩夫婦雖然將教堂改建成新住宅,但佢哋表示好歡迎其他居民到此研讀聖經,或提供空間作食物銀行,佢哋喜歡大家在新居裡各擁獨立空間,同時靠近彼此,令家庭變得更舒適。

空間極大Photo from Matt and Kristen Gray / SWNS

另一休息空間Photo from Matt and Kristen Gray / SWNS

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel