download HolidaySmart 假期日常 app
大劉長子劉鳴煒疑「封盤」再婚!與對象6年前節目結緣 回顧4段情史

大劉長子劉鳴煒疑「封盤」再婚!與對象6年前節目結緣 回顧4段情史

娛樂新聞
By Cheryl on 22 Mar 2022
Digital Editor

劉鑾雄長子劉鳴煒今日(22日)在社交網上載一幅結婚註冊相片,大批網民估計佢宣布再婚,並留下祝賀留言,其再婚對象相信就係簡雪忻(Joyce),佢除咗係何超蓮舊同學,仲參加過港台節目《#我係乜乜乜》,當時Joyce已經大讚劉鳴煒靚仔!

劉鳴煒在社交網po出結婚註冊相宣布再婚!Photo from 劉鳴煒 FB

劉鳴煒宣布再婚?

41歲劉鳴煒在社交網上載了一幅男女相擁照,相中男穿了西裝,而手持花球嘅女方則穿著一套白裙,二人身後窗門貼有「囍」字,旁邊亦有一位女士在拍手。劉鳴煒並無在帖文說太多,只寫下疑為結婚嘅日期「05/03/2022」,不少網民都紛紛留言「Congratulations」。

劉鳴煒在社交網上載嘅婚照,雖然無多作說明,但已吸引不少朋友和網民留言恭賀。Photo from 劉鳴煒 IG

一對新人早於港台節目結緣

劉鳴煒去年被爆跟一名少10歲,名為簡雪忻(Joyce)嘅女子交往,據聞女方數月前已入住對方豪宅,成為半個女主人,相信今次嘅再婚對象就係Joyce。其實二人早於6年前已在港台節目《我係乜乜乜》結緣,當時節目請來劉鳴煒與游學修做嘉賓,並要求13位女士投票揀男神,而Joyce就係其中一位投票者。當佢見到劉鳴煒,就坦言:「現在我挑選男神,純粹看長相,我比較喜歡呢位嘅長相,所以我選呢位,佢真係成熟穩重。」

Joyce早於當年嘅港台節目表示喜歡劉鳴煒外貌。Photo from RTHK

劉鳴煒聽到應該都心感高興~Photo from RTHK

據聞Joyce在拍節目後和劉鳴煒交換了聯絡方法,但當時男方已有伴侶,所以二人未有發展。知道劉鳴煒分手,二人再作了解,得知大家有不少共同興趣,同樣喜歡滑雪、攀山等,一拍即合。

Joyce係港台節目《我係乜乜乜》其中一名女嘉賓。Photo from RTHK

女方高學歷+有生意頭腦

Joyce中學就讀名校瑪利諾修院學校,之後考入倫敦大學旗下嘅皇家哈洛威學院修讀經濟學,最後以First Hon佳績畢業,係一名學霸,而且係何超蓮同屆同學。畢業回港後,佢同朋友創業,設立租用閒置汽車平台,現時發展不錯,相當有生意頭腦。

Joyce出身不算富貴,但勝在有學識。Photo from carshare.hk FB

Joyce與朋友一起搞出租汽車嘅生意。Photo from Carshare.hk FB

「Package劉」情史豐富

身家估計超過4百億,「Package超卓」嘅劉鳴煒情史豐富,於2001年在英國與大學同學Wendy結婚,並在08年誕下龍鳳胎,惟二人2010年宣布離婚。之後,劉鳴煒與一名女子展開交往,佢哋外出時曾被傳媒拍到女方「肚凸凸」,外界估計已懷孕5嘅個月,之後誕下了兩名兒子,但最後都分手收場。

劉鳴煒和Wendy育有龍鳳胎,惟最後離婚。Photo from 劉鳴煒 FB

到2016年,劉鳴煒和金融之花Estella拍拖,二人曾在社交網高調放閃。Estella畢業於港大經濟系,曾到荷蘭進修,之後擔任摩根大通嘅客戶投資組合經理,睇嚟劉鳴煒都偏愛高學歷、有才能嘅女生。

劉鳴煒曾與金融小花Estella在社交曬甜蜜合照。Photo from 劉鳴煒 FB

劉鳴煒在2018年再換畫,當時傳媒拍到二人甜蜜約會,對方係當時20多歲嘅高挑港鐵高級職員Elizabeth Yeung。

18年與港鐵高級職員Elizabeth展開戀情。Photo from Elizabeth Yeung IG

2020年,劉鳴煒被爆與無綫明珠台新聞主播趙慧奈(Keina)拍拖,Keina係中日混血兒,男方當時更出動到私人飛機同Keina去睇北極光,非常浪漫。不過Keina之後曾曬出與另一異性嘅親密合照,新歡據聞係日本人,Keina與劉鳴煒關係告一段落。

前年曾與主播趙慧奈(Keina)交往。Photo from 趙慧奈 IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

大劉長子劉鳴煒新歡Joyce曝光! 5年前於節目結緣「我鍾意佢個樣!」

05 May 2021

富商劉鑾雄(大劉)長子劉鳴煒而家係海洋公園董事局主席,有錢有樣,絕對係好多女士心目中嘅荀盤!近日,佢就俾傳媒拍到同新女友甜蜜拖手,據知兩人係因為拍攝5年前嘅港台節目《我係乜乜乜》而結緣!

劉鳴煒FB Photo from 劉鳴煒FB

現年40歲劉鳴煒係富二代,擁有400億資產,係好多人嘅荀盤!佢2001年嘅時候同大學同學Wendy結婚,並誕下一對龍鳳胎,但喺2010年離婚收場。事業有成而且外貌唔錯嘅佢,離婚後都依然有唔少桃花。

劉鳴煒FBPhoto from 劉鳴煒FB

日前,有傳媒拍到佢同新歡Joyce喺銅鑼灣大街度拖住手過馬路,沿途有講有笑,十分甜蜜!兩人身邊亦唔見有保鑣跟住,好似普通人拍拖咁,好貼地~

劉鳴煒FBPhoto from 劉鳴煒FB

carshare.hk FBPhoto from carshare.hk FB

劉鳴煒嘅新歡叫簡雪忻(Joyce),現年30歲擁有高學歷,喺英國倫敦大學皇家霍格威書院修讀經濟金融,同何超蓮係校友。畢業返香港之後,曾經同朋友一齊創業,搞出租汽車嘅生意。

Carshare.hk FBPhoto from Carshare.hk FB

兩人拍攝港台節目《我係乜乜乜》嘅時候認識,當時一眾港女喺節目中選男神,Joyce本身揀咗嘉賓游學修,但當劉鳴煒現身後,就立刻轉揀佢,仲話「鍾意佢個樣」!由於當時有人話劉鳴煒成個package都好好,所以網民就幫佢改咗個稱號叫「Package劉」~

《我係乜乜乜》Photo from 《我係乜乜乜》

《我係乜乜乜》Photo from 《我係乜乜乜》

據悉節目後,Joyce同劉鳴煒有留下大家嘅聯絡方式,不過當時男方同主播趙慧奈拍緊拖,因此未有發展。後來劉鳴煒恢復單身後,就發現Joyce同佢一樣熱愛戶外活動,兩人關係突飛猛進,仲有傳兩人已經喺豪宅同居!

趙慧奈IGPhoto from 趙慧奈IG

劉鳴煒FBPhoto from 劉鳴煒FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

黃宗澤網紅富二代緋聞女友家世公開!曾離婚育有2歲女兒!珠寶品牌千金名下有幾間公司

26 Mar , 2021

40歲嘅黃宗澤(Bosco)入行以嚟緋聞多多,近日有傳內地網紅翁曉君喺微博公開與黃宗澤戀情,引起關注。據知翁曉君背景大有來頭,唔止同圈中藝人關係好好,更係珠寶品牌千金,名下有幾間公司,係一位富二代!

黃宗澤(Bosco)Photo from 黃宗澤微博

黃宗澤(Bosco)近年上內地拍劇,感情生活一直備受關注,早前內地網紅翁曉君喺微博小號post出自拍,並留言道:「宗澤說我長得像她,這是我唯一一個覺得確實有點像的人。」

黃宗澤(Bosco)近年上內地拍劇,感情生活一直備受關注Photo from 黃宗澤微博

早前內地網紅翁曉君喺微博小號post出自拍,並留言道:「宗澤說我長得像她,這是我唯一一個覺得確實有點像的人。」Photo from 翁曉君微博

佢喺文中親密地叫「宗澤」,有網友留言問:「宗澤??黃宗澤嗎?!」,又問:「天啦 在一起了嗎」,翁曉君用大帳回:「嗯」,疑公開戀情。

翁曉君喺文中親密地叫「宗澤」Photo from 翁曉君微博

翁曉君微博Photo from 翁曉君微博

不過引發網友熱議後,翁曉君已刪除呢個帖文,並另外出post:「我真的服了!什麼就人家攀千金呀?營銷號真的夠夠的了!有毛病吧」、「暈……只是朋友啊!別亂說」,否認戀情。

翁曉君Photo from 翁曉君微博

翁曉君已刪除呢個帖文,並另外出post:「我真的服了!什麼就人家攀千金呀?營銷號真的夠夠的了!有毛病吧」Photo from 翁曉君微博

翁曉君今年27歲,比黃宗澤細13歲,喺微博有超過23萬粉絲,係一名小有名氣嘅網紅。佢同「星女郎」林允、孟佳份屬好友,有唔少自拍照,關係要好。

翁曉君今年27歲,比黃宗澤細13歲,喺微博有超過23萬粉絲Photo from 翁曉君微博

翁曉君同「星女郎」林允、孟佳份屬好友Photo from 翁曉君微博

佢仲係內地珠寶品牌嘅千金,名下有幾間公司,於深圳、福建都有房產,家境優渥。另外佢曾經同內地男星劉宇超結婚,更為對方誕下一女,女兒今年已經2歲,不過生女後不久,翁曉君就同劉宇超離婚。

翁曉君仲係內地珠寶品牌嘅千金Photo from 翁曉君微博

翁曉君名下有幾間公司,於深圳、福建都有房產,家境優渥Photo from 翁曉君微博

翁曉君屋企Photo from 翁曉君微博

翁曉君曾經同內地男星劉宇超結婚,更為對方誕下一女Photo from 翁曉君微博

雖然翁曉君澄清同黃宗澤只係朋友,但緋聞事件仍未平息,有網友認為40歲嘅黃宗澤或將榮升豪門駙馬,但畢竟比女方大13歲,過往緋聞多多,似乎高攀女方。

有網友認為40歲嘅黃宗澤或將榮升豪門駙馬Photo from 黃宗澤微博

黃宗澤入行23年嚟屢次與女星傳出緋聞,佢公開承認過嘅女友有3個:甄詠珊、胡杏兒、楊崢。

黃宗澤入行23年嚟屢次與女星傳出緋聞Photo from 黃宗澤微博

前Freeze組合成員甄詠珊曾自爆入行前曾與黃宗澤拍拖,黃宗澤其後承認曾同對方有過一段戀情。

前Freeze組合成員甄詠珊曾自爆入行前曾與黃宗澤拍拖Photo from 甄詠珊IG

2004年黃宗澤同胡杏兒拍《我的野蠻奶奶》傳出緋聞,到2011年《萬千星輝頒獎典禮》,胡杏兒首奪視后, 喺台上公開多謝黃宗澤令戀情浮面, 但最終於2012年分手。

2004年黃宗澤同胡杏兒拍《我的野蠻奶奶》傳出緋聞Photo from 胡杏兒微博

2014年黃宗澤被爆同大佢9歲嘅楊崢拍拖,僅僅三個月兩人就宣佈分手,姐弟戀無疾而終。

2014年黃宗澤被爆同大佢9歲嘅楊崢拍拖Photo from 楊崢微博

除咗公開承認嘅女友,Bosco嘅緋聞女友都唔少,2012年,佢於上海拍攝內地劇《麵包樹上的女人》時,與同劇女星柳岩傳出緋聞,佢又曾與拍廣告嘅拍檔日本模特JUN傳過緋聞。

黃宗澤於上海拍攝內地劇《麵包樹上的女人》時,與同劇女星柳岩傳出緋聞Photo from 柳岩微博

2018年,有傳黃宗澤同陳嘉桓因拍攝邵氏網劇《守護神》而撻著,女方被多次拍到出入Bosco住所,有指二人早已共賦同居,但兩人一直都稱對方為好朋友。然而竟又傳出內地女星張沙沙先係正印,更特意來港探班宣示主權!

2018年,有傳黃宗澤同陳嘉桓因拍攝邵氏網劇《守護神》而撻著Photo from 陳嘉桓IG

有指張沙沙同Bosco喺2015年拍內地劇《最好的我們》開始交往,不過Bosco都係稱對方做「朋友」。

有指張沙沙同Bosco喺2015年拍內地劇《最好的我們》開始交往Photo from 《最好的我們》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel