download HolidaySmart 假期日常 app
傳菊梓喬夜訪吳卓羲屋企 戀情疑似曝光?!細數男方過往8段情!大部分都係劇中合作拍擋

傳菊梓喬夜訪吳卓羲屋企 戀情疑似曝光?!細數男方過往8段情!大部分都係劇中合作拍擋

娛樂新聞
By Stephanie on 23 Mar 2022
Digital Content Writer

現年42歲嘅吳卓羲(Ron)憑俊美外型曾獲TVB力捧,入行之後緋聞多多,近年頻頻與歌手菊梓喬(Hana)傳出緋聞。日前,有傳Hana被目擊多次進出男方屋企徹夜未離,令二人嘅戀情正式曝光?!

吳卓羲與菊梓喬嘅戀情疑似曝光,女方被拍到多次進出男方屋企!Photo from 吳卓羲微博

# 吳卓羲身家豐厚!

昔日TVB小生吳卓羲(Ron)曾備受力捧,事業發展順遂。投資有道嘅佢於2013年以900萬購入深井碧堤半島過千呎單位,再另外購入單位作收租用途;收藏逾40隻勞力士名錶及7架名車,身家豐厚,可以話係圈中嘅「荀盤」之一!

吳卓羲熱愛收藏名錶及名車!Photo from 吳卓羲微博

吳卓羲現時於內地嘅人氣都唔錯,身家豐厚!Photo from 吳卓羲微博

# 上年就已經想公開認愛?!

上年9月,吳卓羲突然於深夜時分於微博出post tag 女歌手菊梓喬(Hana),隨即令唔少網民推測係想高調認愛!後來,男方受訪時表示除夕有帶埋家人一齊捧Hana 場,表現曖昧,感情似乎持續升溫。

吳卓羲上年9月嘅時候,曾於微博tag菊梓喬!Photo from 吳卓羲微博

當時就被指係想公開認愛!Photo from 吳卓羲IG

吳卓羲曾透露有帶家人一齊睇Hana表演!Photo from 菊梓喬IG

# 傳菊梓喬半夜駕車去男方屋企!

近日,有傳媒疑似拍到Hana半夜駕車到訪男方居住嘅碧堤半島,徹夜未離,戀情疑似曝光!有屋苑嘅住客大爆不時目擊Hana到訪,令傳聞變得更加準確。不過女方今日回覆傳媒時就話「唔係去搵佢」,似乎想對感情事保持低調。

有傳Hana經常進出男方屋企共度春宵!Photo from 菊梓喬IG

二人嘅戀情似乎變得更加高調?!Photo from 吳卓羲IG

過往吳卓羲憑俊俏外型成功贏得唔少女星嘅芳心,緋聞不斷:

# 官恩娜

2005年,佢因為與官恩娜拍攝電視劇《酒店風雲》飾演情侶,被傳出戲假情真,有傳媒當時仲疑似拍攝到二人於車廂密會嘅照片!後來男方「花心」嘅報導曝光後,女方曾於微博寫上「世人終於知道真相了!我也愛過疼過,最終是受傷離場!還曾經被誤會拿愛情做宣傳,It Was Really Hard For Me!」暗示男方花心性格。

吳卓羲與官恩娜因拍攝《酒店風雲》而傳出緋聞!Photo from TVB

二人曾以情侶檔一齊合唱《別怪他》Photo from TVB

# 佘詩曼

2006年,吳卓羲拍攝電視劇《歲月風雲》時同佘詩曼傳出戀情,但當時佢同官恩娜關係依然曖昧。有傳阿佘仲送20萬名錶俾男方,導致佢被罵「食軟飯」,其後佢澄清係靠自己賺錢購買!

合作拍攝《歲月風雲》時,吳卓羲同佘詩曼傳出戀情!Photo from 佘詩曼微博

# 江若琳

吳卓羲2008年與江若琳合作拍攝《學警狙擊》被爆出戀情,然而當時外界都認為吳卓羲同阿佘係一對,令呢段三角戀情變得撲索迷離。其後男方表示二人只係關係好,稱兄道弟!

2008年,拍攝《學警追擊》時與江若琳有過一段情?!Photo from TVB

# 馬賽

2009年,吳卓羲拍攝《女王辦公室》時同前港姐馬賽傳緋聞,雖然女方稱呼佢為師兄,但實際上關係十分親密;當時有傳媒指馬賽將自己位於何文田嘅豪宅作為二人嘅愛巢。

2009年,吳卓羲與拍檔馬賽傳出緋聞!Photo from TVB

# 內地女星張馨予

2011年,吳卓羲嘅微博突然出現內地女星張馨予嘅照片,事後女方解釋登入錯嘅帳號出post,二人關係匪淺!當時唔少網民都覺得其實女方想宣示主權,亦有人覺得係博戀情「上位」!有指,二人2009年因拍攝《大丫鬟》結緣,照片曝光時戀情已經持續2年。

2011年,吳卓羲突然與微博上載內地女星張馨予照片,意外令戀情曝光!Photo from 吳卓羲微博

# 徐子珊

同張馨予交往期間,吳卓羲又被爆出與《法政先鋒3》拍檔徐子珊傳緋聞,日久生情,被拍到貼心接送女方回家。有指男方當時嘅女友張馨予仲打電話責怪徐子珊。

拍攝《法政先鋒3》時,吳卓羲又同徐子珊傳出熱戀傳聞!Photo from TVB

# 「大馬女神」李元玲

2012年,有「大馬鋼琴女神」之稱嘅李元玲亦出現於男方嘅緋聞女友名單中,雙方短訊被公開,而佢就疑似自稱「吳卓羲老婆」慘遭男方公然拒絕「見過幾次面就係女友?真係天大笑話!」其後女方於網上隔空反駁!

大馬女神李元玲2012年被爆同吳卓羲交往!Photo from 李元玲IG

李元玲後來於FB反擊吳卓羲!Photo from 李元玲FB

# 梁靖琪(Toby)

貪玩嘅吳卓羲仲曾經玩出禍?!於外地拍攝《衝上雲霄2》時被媒體拍到與梁靖琪(Toby)親密嬉水,而Toby就被稱為「貪玩人妻」,激嬲女方當時嘅富豪丈夫黃敏豪,夫婦二人最終於2014年分手!

吳卓羲同梁靖琪於外地拍攝《飛上雲霄2》時被拍攝到於泳池親密嬉水!Photo from 吳卓羲微博

梁靖琪2014年同富豪丈夫黃敏豪離婚,有傳導火線正正就係同吳卓羲太親密!Photo from 梁靖琪IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

吳卓羲戴逾30萬勞力士現身煞科宴! 身家豐厚 收藏近40隻名錶/7架名車!

18 Oct , 2021

吳卓羲近年都往內地發展,不過最近就睽違已久咁接拍咗邵氏新劇《廉政狙擊》。日前,吳卓羲就連同一班演員出席電視劇嘅煞科宴,而佢當日就戴住價值30萬嘅勞力士手錶現身,行頭十分厲害!

吳卓羲生活富貴,熱愛收藏名錶、名車、玩具等!Photo from 吳卓羲微博

# 入行後成功爆紅!

現年42歲嘅吳卓羲於2003年憑著出演《衝上雲霄》唐亦風一角爆紅,之後佢就開始出演唔同電視劇嘅男主角,成為當時TVB當紅嘅小生!後來佢就開始進軍內地市場,並於2015年滿約後離開TVB。然而,吳卓羲最近就接拍咗邵氏電視劇《廉政追擊》,並同黃宗澤、王浩信、胡定欣等人一齊出演,呢個「經典」組合不禁令網民表示十分期待啊!

2003年吳卓羲憑《衝上雲霄》成功爆紅!Photo from TVB

吳卓羲後來出演嘅電視劇大多都飾演男主角!Photo from TVB

# 手戴價值30萬勞力士手錶!

日前,該劇就舉行咗煞科宴,劇中嘅演員都有份出席,其中吳卓羲手上戴住嘅名貴手錶亦成為咗焦點之一!從照片中所見,吳卓羲當日身穿白色T-shirt,而佢手上戴住嘅就係Rolex Daytona玫瑰金手錶,手錶售價大約係30萬港幣,而手錶現時仲被炒至40-50萬港幣㗎!

《廉政追擊》最近舉辦咗煞科宴!Photo from 胡定欣IG

吳卓羲手上戴住嘅名錶都成為咗亮點!Photo from 鄭紹康IG

# 熱愛收藏名錶!

據悉,吳卓羲其實一直都好鍾意收藏手錶,至今收藏逾40隻手錶!佢曾被陳山聰大爆10幾年前就已經開始戴Rolex手錶,仲話「買嘅時候係幾萬蚊,但而家已經升值到30幾萬喇!」;而佢就喺訪問表示覺得買手錶一方面係興趣,亦可當作投資「主要都係以自己嘅喜好為先,不過升值當然係好事啦!」,睇嚟對手錶真係好有研究~

吳卓羲喜愛收藏手錶,數量已經達到逾40隻!Photo from TVB

吳卓羲視收藏名錶為投資!Photo from 吳卓羲微博

# 亦係名車愛好者?!

除咗收藏手錶之外,吳卓羲仲同唔少男士一樣鍾意收藏名車!佢坦言自己足足有7架車咁多,當中亦包含限量版名車,經常以車代步嘅佢「我好少會喺條街度行,放假唯一會出現嘅地方就係屋企同車。」

吳卓羲亦喜愛名車,家裡有7部車!Photo from 吳卓羲微博

吳卓羲興趣係揸車,曾經於內地參加賽車比賽。Photo from 吳卓羲微博

# 吳卓羲買物業投資!

投資有道嘅吳卓羲仲會買物業咗投資用,有傳2013年佢就以900萬買下位於深井碧堤半島1,200呎嘅單位,並於3年內供完樓,而家該單位已經升值至1,700萬港幣!另外,佢亦購入咗一個單位作出租用,而且有傳佢身家已經過億!

吳卓羲仲有買物業當投資!Photo from 吳卓羲微博

吳卓羲買下房子作收租用。Photo from 吳卓羲微博

# 2019年辦Figure展覽

吳卓羲身家豐厚,仲曾經喺2019年於北京開設「吳卓羲個人模玩博物館」向大眾展示佢一直以來嘅玩具收藏,展覽仲足足有3層咁大,其中包括MARVEL、DC系列嘅英雄!

吳卓羲2019年於北京舉辦展覽,展示自己嘅玩具收藏!Photo from 吳卓羲微博

吳卓羲嘅收藏大多都係MARVEL以及DC英雄!Photo from 吳卓羲微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel