港女網購後得知店主確診唔敢收貨 怕包裹有病毒想退款 男友斥：咁無膽！

受疫情影響，不少人都轉到網上購物，但同時引起衛生隱憂。近日，一名港女到討論區無奈表示，自己網購衣服後才得知店主染疫，佢擔心包裹和新衫會沾上病毒，於是問男友應否要求退款，對方聽罷直斥事主膽小，認為只需噴下消毒液就得。

Photo from 《心理追兇Mind Hunter》 劇照

港女網購後擔心被騙

最近，一名港女（下稱樓主）到香港討論區發文，表示現時因疫情而減少外出，好多物品都轉為網購。佢早前上網買了幾件衣服，惟等了多天仍未收到發貨通知，私訊店主亦無回應，於是樓主開始擔心是否被呃錢。

Photo from 《心理追兇Mind Hunter》 劇照

擔心店主染疫後污染貨件

終於，樓主在數天前收到店主訊息，得知佢因為染疫而身體不適，無法回覆客人和要延緩發貨，而店主為顯誠意，就表示會送出折扣優惠讓樓主下次消費用，今次嘅訂單則會在數天內送達。不過，樓主聽罷並無高興，相反，佢第一想法係：「你病咗，咁你pack嘅衫係咪都會有菌？」

Photo from 《女神降臨》劇照

男友直斥過度怕事

於是，樓主向男友詢問意見，問道：「點算好？不如叫佢refund返比我？啲衫我唔太敢要呀~」豈料，男友聽罷立刻直指樓主太過膽小，「生人唔生膽！如果店主唔講，你喺唔知嘅情況下咪一樣會要咗啲衫！」而且，平時外出購物時，都會不知不覺間經過好多「已中招」人士。男友又認為，只要在收件後用消毒酒精噴下包裹就得，並嫌樓主咁小事就想退款，「仲問我少少嘢都咁怕，點樣繼續生活？」

Photo from 香港討論區

Photo from 《香港愛情故事》 劇照

網民兩睇

樓主表示，自己眼見好多人染疫後都好辛苦，唔想中招之下才會如此小心，佢不解男友為何無法理解自己。對此，有網民認同樓主，表示疫情下謹慎一點係好事。

Photo from 香港討論區

Photo from 《愛回家之開心速遞》劇照

但亦有唔少人覺得樓主太誇張，直言香港咁多人染病「你避到幾多？」、「如果你真係咁驚呢…我勸你暫時咩都唔好做啦」、「多餘，去太空住啦~」亦有人反問，如果樓主染疫，男友係咪可以因為怕傳染而唔照顧佢？

Photo from 香港討論區

Photo from 香港討論區

Photo from 香港討論區

建議先把衣物消毒

有網民則建議，收貨後拿新衣到洗衣舖洗淨或蒸燙後才穿，「消毒再洗完先著」，有人雖認同此做法，但笑言：「不過唔知樓主係咪又會怕出面啲洗衣機唔夠乾淨呢？」另有人則直言：「去得出面洗預咗㗎啦，如果驚不如自己洗。」而TVB節目《學是疫學非》亦建議，拆包裹時可佩戴口罩和手套，洗手後才處理貨件。

Photo from 《學是疫學非》TVB

相關文章：男友為防疫堅拒去酒店慶情人節 港女超不滿大呻：睇嚟防疫重要過我！

相關文章：港男因疫情拒見住葵涌女友 女方嬲爆斥：你唔愛我喇！港男感無奈

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）