傳哈里與梅根已協議離婚?!女方誇張不實言論成導火線!3大證據證明說謊成性?!

傳哈里與梅根已協議離婚?!女方誇張不實言論成導火線!3大證據證明說謊成性?!

時事熱話 生活熱話
By Stephanie on 23 Mar 2022
Digital Content Writer

英國哈里王子(Prince Harry)同妻子梅根(Meghan Markle)2020年正式卸下英國王室身分,搬往美國定居。期間,二人曾公開接受訪問大爆王室「黑暗面」,惹怒英國王室成員。日前,突然傳出哈里與梅根疑似婚變嘅消息,而導火線正正係因為女方高調嘅性格?!

美國媒體指哈里與梅根疑似婚變?!Photo from sussexroyal @IG

# 哈里王子與梅根2018年結婚!

英國哈里王子(Prince Harry)同美國演員梅根(Meghan Markle)2018年5月結婚,二人嘅感情事一直都受到關注,佢哋懶理大眾嘅輿論甜蜜舉辦婚禮!過往梅根曾被閨蜜大爆以嫁入王室為目標,引起熱議。

哈里王子與梅格於2018年結婚!Photo from sussexroyal @IG

# 2020年正式卸下皇室成員身分,訪問大爆王室秘密

哈里與梅根於2020年正式宣佈卸下皇室重要成員身分,一家人搬往美國加州定居。直到上年,美國名嘴奧花雲費(Oprah Winfrey)邀請哈里同梅根接受獨家訪問,仲大爆英國王室秘密,包括:生活壓力大、高級成員涉及種族議題等,引起國際關注,亦令佢哋頻頻獲知名節目邀請賺到唔少錢!

二人於2020年脫離英國王室成員身分,並搬往美國加州居住!Photo from sussexroyal @IGG

哈里同梅根獲邀上節目,大爆王室秘密!Photo from CBS Morning

# 傳近日哈里與梅根協議離婚!

二人嘅愛情看似堅定不移!然而,美國媒體《National Enquirer》近日指哈里與梅根已經協議離婚,哈里將會返回英國;而梅根就留喺美國照顧一對子女。

有美國媒體大爆哈里與梅根已經協議離婚!Photo from sussexroyal @IG

梅根將留美國照顧小孩,但哈里重返英國!Photo from sussexroyal @IG

# 全因女方愛說謊性格?!

有傳,梅根最近同父親Thomas Markle以及姐姐Samantha吵架,但實際上梅根將家庭問題刻意放大炒作,而佢同英國王室嘅矛盾亦被誇大,連哈里都被瞞騙,經常盲目為妻子出頭,最終令哈里同家人關係惡化!

梅根過往談論家庭問題以及王室矛盾時都誇大實情!Photo from sussexroyal @IG

被梅根瞞住嘅哈里得知真相後,忍無可忍!Photo from meghanmarkle_official @IG

# 哈里梅根未有回應!

外界暫時認為只係炒作內容,哈里同梅根暫時都尚未有回應。就算最終報導屬實,根據英國王室過往作風,都唔會願意俾王室子女流落於其他國家!

暫時尚未有任何公開回應!Photo from sussexroyal @IG

# 梅根過往爭議多,一向愛講大話?!

自從梅根同哈里王子交往後,頻頻出現爭議,令唔少人都對佢有微言。過往佢就曾經誇大表示同哈里王子公開戀愛後,被王室沒收護照,自由被限制;卻被媒體發現2016年至2019年旅遊多達13次!

梅根過往就已經爭議超多!Photo from sussexroyal @IG

# 被爆性格難搞!

梅根留於英國王室嘅短短一年多時間,就更換咗多位助理,仲試過一個月辭退3位保母,引發外界好奇。有傳梅根性格難搞,而且對助理無禮係王室助理們離開嘅主因!而且佢曾於節目大呻小時候家境貧困,但被踢爆幼稚園就讀私人學校,有說謊嫌疑!

梅根性格任性,身邊助理保母不停辭職!Photo from sussexroyal @IG

# 閨蜜大爆說謊成性!

而梅根曾表示從未刻意研究有關英國王室嘅資料,然而被以往閨蜜指佢講大話;而自傳中亦提及梅根自細就以戴妃為榜樣,嚮往王室生活,同哈里王子第一次約會時就有上網搜尋佢嘅資料!

閨蜜踢爆梅根講大話!Photo from sussexroyal @IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

王妃凱特甘願為王室委曲求全?!過往與梅根吵架嬲到喊?梅根突然低調原因曝光!

15 Mar , 2022

英國王室嘅傳聞一直都備受網民嘅廣泛關注,其中大家對王妃凱特(Kate Middleton)同梅根(Meghan Markle)就有完全唔同嘅睇法。最近,有王室人員就大爆凱特對於兩位王子關係變差而感到失望,多次嘗試修補二人關係不果;而同梅根過往嘅小爭執至今依然令佢難以釋懷!

有王室專家大爆王妃凱特嘅苦衷,指佢為威廉王子哈里嘅關係而擔憂。Photo from dukeandduchessofcambridge @ IG

# 威廉王子與凱特2011年結婚!

英國威廉王子(Prince William)於2011年與大學時期認識嘅凱特(Kate Middleton)結婚,婚後育有二子一女。而凱特嘅形象一向都非常正面,被英國民眾稱呼為「王室好媳婦」!

威廉王子與凱特於2011年結婚!Photo from dukeandduchessofcambridge @ IG

二人婚後育有二子一女!Photo from dukeandduchessofcambridge @ IG

#哈里王子與梅根飽受輿論下完成婚禮!

另一邊廂,哈里王子(Prince Harry)2018年與美籍演員梅根(Meghan Markle)結婚,因為不適應王室生活,梅根過往經常於幕前大爆料,惹怒英國王室成員。2020年,夫婦二人正式宣佈退出英國王室,搬往美國居住,仲上節目表示於王室生活壓力大!

哈里王子與梅根由相戀消息曝光後,就一直備受網民熱議!Photo from meghanmarkle_official @IG

二人最終於2018年結婚,並於2020年正式退出英國王室!Photo from meghanmarkle_official

# 凱特負責調解王室緊張關係!

有英國民調顯示,哈里同梅根嘅支持度每況越下,佢哋同王室之間嘅衝突暫時尚未有好轉。最近,哈里接受訪問時透露與爸爸查爾斯王儲、哥哥靠關係變差,爸爸甚至唔願意接聽電話;過往身扮演「調解員」角色嘅凱特亦因此而感到傷心!

哈里指爸爸宜家唔願意再接聽佢嘅電話!Photo from meghanmarkle_official @IG

凱特以往負責調節威廉王子同哈里嘅爭吵!Photo from dukeandduchessofcambridge @ IG

# 過去凱特與哈里感情好!

事實上,王妃凱特剛進王室嘅時候,同哈里王子嘅關係都非常唔錯,仲會喺聖誕節嘅時候互相交換禮物。另外,有王室專家表示作為「好人派」嘅凱特曾多次調解王室人員之間嘅爭執,但佢過往曾與梅根發生意見不合,有可能會成為心結?!

凱特與哈里王子過往感情唔錯,有傳仲曾經介紹女生俾佢認識。Photo from 路透社

# 凱特曾與梅根因婚服發生爭執,仲俾梅根屈?

據悉,梅根喺嘗試結婚禮服時與王妃凱特發生矛盾,有傳凱特仲因此而嬲到喊!不過梅根接受歐普拉訪問時,就反駁係凱特整喊佢,後來凱特有主動道歉及送卡片,所以並唔會再追究;英國王室當時駁斥梅根講法。但梅根公然於螢光幕前數落凱特,令佢感到十分委屈!

梅根同王妃凱特曾有爭執,仲被梅根公然講述細節?!Photo from 美聯社

# 甘願為身份壓抑內心情緒!

相關人士表示凱特明白只能夠將心中苦衷壓抑於心底,係佢身為「未來英國王后」應做嘅事情。倘若哈里王子將來同梅根有機會重返王室,佢都會親和地對待佢哋,並唔會受過往風波所影響。

王妃凱特甘願為身份壓抑不滿!Photo from dukeandduchessofcambridge @ IG

# 梅根近日減少公開露面原因!

一向喜愛成為焦點嘅梅根近來行蹤變得低調,一方面係因為女兒仲未夠一歲,所以花費大量時間湊B;亦有人指曾於好萊塢工作嘅佢知道要減少曝光率,適當地營造神秘感,先能夠保持觀眾對佢下次露面嘅關注度!

梅根最近突然消失嘅原因!Photo from meghanmarkle_official @IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel