download HolidaySmart 假期日常 app
方力申發文慶《獨家試愛》上映周年 網民懷疑有暗示,起哄:追佢返嚟!

方力申發文慶《獨家試愛》上映周年 網民懷疑有暗示,起哄:追佢返嚟!

電視電影 娛樂新聞
By Cheryl on 24 Mar 2022
Digital Editor

藝人方力申(小方)與鄧麗欣(Stephy)憑拍攝一系列葉念琛愛情電影成為經典熒幕情侶,二人亦曾在現實中交往,惟未能開花結果。而日前(23日)正是二人主演嘅《獨家試愛》上映16周年,小方就喺社交網發文,慶祝電影上映紀念日,帖文一出即帶起不少回憶,有網民更留言叫小方「追返佢啦!」

方力申日前發文慶與Stephy嘅定情電影《獨家試愛》上映16周年,為一班粉絲帶回不少回憶。Photo from TVB

方力申(小方)和鄧麗欣(Stephy)曾由熒幕情侶發展成真實情侶,但交往10年後分手收場。之後佢哋都有各自嘅生活,Stephy曾和台灣男星邱勝翊(王子)談姐弟戀,惟交往3年後結束戀情;而小方則不時傳出緋聞,但一直未有著落。

Stephy曾與邱勝翊(王子)交往3年Photo from 鄧麗欣IG

方力申Po《獨家試愛》片段慶上映周年

日前,小方在社交網上載一段影片與帖文,以慶祝《獨家試愛》上映16周年,呢套電影算係佢同Stephy定情之作,當年亦非常收得。小方在文中寫道:「雖然我喊到成個小朋友咁,有啲醜怪,但係咁就過咗16年,都係絕對值得出post賀一賀佢。」佢亦感謝葉念琛導演和Stephy等人,一起製作了多套改變佢演藝事業嘅作品。

方力申在文中感謝各方人士Photo from 方力申IG

方力申在帖文中貼出電影片段Photo from 《獨家試愛》劇照

網民:對白有暗示?

小方同時貼出《獨家試愛》嘅其中一幕,而片中對白就包括:「我同你有好多過去,我真係唔想就咁無咗」、「我唔知我同你嘅將來會係點,我只知道我呢家要做嘅一步,就係要追返你返嚟。」

片段中小方角色向Stephy直言要將佢追回來。Photo from 《獨家試愛》劇照

對白令當年觀眾有不少共鳴。Photo from 《獨家試愛》劇照

雖然帖文令一眾網民大呼回憶歸來,但當中對白都令唔少人懷疑小方有暗示,並紛紛留言:「有暗示?」、「追返佢啦!加油!」、「我諗唔係淨係追,直情要求婚。」始乎有不少人都期待二人有復合嘅一天。

粉絲都好懷念~Photo from 方力申IG

網民好奇對白是否有暗示。Photo from 方力申IG

好多網民留言支持小方。Photo from 方力申IG

更有人認為要直接求婚。Photo from 方力申IG

大家又想唔想Stephy同方力申復合?Photo from 電影截圖

方力申大呻抗疫疲勞

小方經常更新社交網和粉絲交流,除了出文紀念電影上映外,佢早前就罕有放負,發文大呻抗疫疲勞嘅心情,「泳池又停,工作又停,目標又冇,連屋企個健身架都拆咗三分二,不過其實我都冇練成年㗎喇,所以阿媽先話拆咗佢,要黎做儲物櫃。」

方力申早前在社交網大呻抗疫好累。Photo from 方力申IG

現在已被拆嘅健身架Photo from 方力申IG

佢又稱,社交媒體嘅嘢未必係真,所以唔好以為佢成日上載正能量內容,就等於佢心態時刻都咁正面。不過,佢表示自己開始搵返興趣,開始做返gym,又言「開心一定搵得返嘅」,所以粉絲都無需太過擔心。

方力申叫大家唔好太容易相信社交媒體出現嘅內容。Photo from 方力申IG

開游泳學校蝕到入肉

小方早前接受TVB《財經透視》採訪,以退役運動員及藝人身份大談疫情下經營游泳學校嘅困境。當中,佢透露連自己都估唔到會蝕到入肉!小方於2018年同朋友合資開設游泳學校,惟開校不久便遇到疫情,故現時做唔到收支平衡之餘,每月更虧損多達20萬元。佢更指,停課期間仍需作營運支出,所以已向政府申請資助,「向政府借幾十萬周轉,吊住命先!」

小方早前接受TVB《財經透視》訪問。Photo from 《財經透視》TVB

小方原以為以自身藝人名氣與退役運動員身份,能有利生意。但到真正落手時,合作方都只著眼於公司營運紀錄,而非個人履歷。所以佢在創業初期,已非常困難找到合作夥伴。即使佢現時開校3年,仍只得兩個游泳場地。當中令佢明白到,要花好長時間才可儲到口碑,得到別人信任,在市場上佔一席位。

小方在節目中大談經營游泳學校嘅難處。Photo from 方力申IG

努力維持泳校運作

為了搞好游泳學校,小方都好出心出力,據聞佢曾向不少圈中好友埋身,問已為人父母嘅藝人朋友,其小孩有無興趣學游水,亦不斷到學校探訪,希望同學校打好關係,畀佢承包泳班課程。而小方亦努力研究在手機App發放相關教育影片,希望透過網上授課賺錢,幫補支出。

小方為搞好泳校都非常落力。Photo from 方力申IG

採訪記者係小粉絲?

節目中,另一亮點就係主持兼無綫財經組記者何佩珊,佢在訪問中全程含情脈脈咁望住小方,訪問後更與對方合照,不少網民都笑言佢一定係小方嘅隱藏粉絲!

節目中嘅女記者亦成為亮點。Photo from 《財經透視》TVB

記者被指含情脈脈望著小方。Photo from 《財經透視》TVB

二人合照Photo from 何佩珊 IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel