蔡思貝與胡鴻鈞2年情被傳玩完 女方轉撻娛樂公司高層？細數過往14段緋聞
Photo from 蔡思貝IG
與胡鴻鈞戀情玩完？
蔡思貝與胡鴻鈞（Hubert）被指秘戀2年多，更有傳男方充當女方司機做接送，又將胞姐名下靚車給思貝任用，思貝也不時現身Hubert家庭聚會。雖然期間曾傳女方被富商力追，並忽然富貴起來，常曬出名牌手袋，又搬入西貢獨立屋，但隨後思貝與家人一起高調現身欣賞Hubert演唱會，粉碎情變傳聞。
Photo from 蔡思貝IG
不過，最近有傳聞指二人已分手，而導火線就係思貝另結新歡，而新歡更非常猛料，係某娛樂公司一名高層，對女方事業幫忙甚大，所以思貝果斷與Hubert斬纜。
Photo from 蔡思貝IG
蔡思貝桃花不斷，曾被封為「人肉發電機」嘅佢，入行至今8年多已傳過多達14段緋聞，當中雖與胡鴻鈞盛傳拍拖，但佢承認過嘅戀人則只有兩位，以下即刻睇下思貝歷年緋聞！
#德籍男
思貝入行前曾在德國生活，雖在當地遇上交通意外，卻因此結識了德籍男友。而思貝當選港姐後，德籍男都有飛來港陪女友，但思貝在節目中透露，因為男方到港後無人無物，又與思貝聚少離多，導致最終分手收場。
Photo from 網上圖片
#鄭俊弘
初出道嘅思貝在劇集《八卦神探》中與鄭俊弘飾演情侶，二人之後曾被發現一起觀賞演唱會，而男方當時並非單身，其女友係姜麗文。
Photo from YouTube截圖
#羅子溢（舊名羅仲謙）
思貝在劇集《衝線》中擔任女一，有傳佢積極約羅子溢食飯，又曾公開幫男方扣皮帶，表現非常主動，連正印楊茜堯（舊名楊怡）都要親自到片場宣示主權。
Photo from 《衝線》TVB
#溫家偉
思貝拍攝《衝線》時交友甚廣，除了羅子溢，亦與同劇嘅「大隻仔」溫家偉老友鬼鬼，並不時在社交網發佈曖昧合照。
Photo from 溫家偉 IG
#洪永城
思貝在2016年曾單獨約洪永城去跑步，雖則當時男方女友唐詩詠表示不介意，跑步屬正常社交活動，但有傳二人之後分手與思貝介入有關。
Photo from TVB
#陳展鵬
據悉思貝曾在2016年被發現陪伴陳展鵬修車，後來一起會到男方住宅。思貝事後澄清，陳展鵬當時向佢介紹車房修車，之後順路車佢返電視城。
Photo from 陳展鵬 FB
#王浩信
蔡思貝與王浩信2017年一同拍攝《踩過界》，據悉，劇組一次聚餐打邊爐期間，二人表現曖昧。王浩信亦曾被指到過思貝屋企密會，但二人都澄清見面只屬朋友聚會。
Photo from TVB
#張振朗
同樣拍攝劇集《踩過界》時，有傳蔡思貝向張振朗放電，二人舉止親密，男方又曾經幫思貝吹走眼中沙粒，惟男方當時有女友陳芷尤。
Photo from 蔡思貝IG
Photo from TVB
#周志文
周志文與蔡思貝曾被拍到一起外出睇戲，而二人在台灣共事期間，曾有傳思貝到訪過男方酒店房，但周志文事後回覆媒體查詢時表示，兩人只屬好友關係，見面時亦有一大班朋友在場。
Photo from 周志文IG
#余德丞
余德丞曾與思貝一起拍攝旅遊節目並成為好友，男方早年一度突然昏迷數天，思貝都有即時到醫院探望，但二人一直表示大家係朋友關係。
Photo from IG圖片
#徐肇平
蔡思貝曾被指同黃淑儀兒子徐肇平來往甚密，二人一同拍戲期間曾一同消失成粒鐘，佢哋私下亦會飯聚，關係緊密。
Photo from 蔡思貝 IG
#才俊Sam
蔡思貝曾被傳搭上年輕才俊Sam，男方當時送出名牌手袋和衣物，更出動名車接送，Sam亦被指係一個愛炫富嘅人，曾試過將一億現金載滿行李箱。但有消息指，Sam當時已跟有「嫩版朱茵」之稱嘅羅彩玲拍拖，思貝則成為了第三者。
Photo from Sam Choi IG
#麥秋成
除了入行前嘅德籍男，蔡思貝只有承認過與麥秋成嘅戀情。有指男方當時不滿思貝常與其他男演員表現太親密，導致最後分手。而蔡思貝都在電台訪問中講過，男方想穩定下來，但思貝認為自己事業才剛開始，所以兩人追求不同，最終分道揚鑣，而男方現時與湯怡已婚，生活幸福。
Photo from 麥秋成 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
