download HolidaySmart 假期日常 app
林峯老婆被爆富二代真實身份?!張馨月媽媽係餐飲女王,身家豐厚!靠2招教囡囡覓得良緣

林峯老婆被爆富二代真實身份?!張馨月媽媽係餐飲女王,身家豐厚!靠2招教囡囡覓得良緣

娛樂新聞
By Stephanie on 28 Mar 2022
Digital Content Writer

現年42歲嘅林峯於2019年與內地模特兒張馨月結婚,婚後育有一名女兒,經常大晒甜蜜生活~然而,唔少網民一直都認為佢哋唔太合襯,仲有傳言話女方係貪圖林峯嘅錢財等,二人關係備受關注!但近日有網民大爆其實張馨月嘅家境豐厚,媽媽係「餐飲業女王」,亦可以算得上係一位富二代

林峯與內地模特兒張馨月於2019年結婚,婚後都感情依然甜蜜~Photo from 張馨月微博

# 林峯與老婆張馨月經常大晒恩愛~

林峯同內地模特兒張馨月結婚後,經常都高調晒恩愛而獲得大眾關注。出身於富裕家庭嘅林峯,演藝事業一帆風順,賺到唔少錢;而疼愛老婆嘅佢亦心甘情願為佢花費大量金錢。據悉,林峯唔單止會成日買名牌手袋哄另一半開心,仲花費36萬人民幣(約44萬港幣)俾老婆入住坐月中心總統套房!

林峯出名疼愛老婆,唔介意花錢為老婆買禮物!Photo from 張馨月微博

二人婚後育有一名女兒,非常溫馨!Photo from 張馨月微博

# 網民卻認為女方一心為錢?!

不過,其實從二人公開認愛之後,唔少網民都認為佢哋唔太合襯,二人嘅感情備受質疑。外界仲一度認為女方係為金錢先同林峯結婚,認為佢一心想「釣金龜」,亦因此令佢飽受批評!

二人公開戀愛後,一直都受到大眾關注Photo from 《妻子的浪漫旅行》微博

外界盛傳張馨月只係為錢先同林峯結婚,令佢飽受批評!Photo from 張馨月IG

# 林峯曾於節目霸氣護妻!

網絡上有關女方嘅傳言不斷,而兩夫婦傳出演真人騷《妻子的浪漫旅行5》時就曾提及傳聞。張馨月強調結婚全因為深愛對方,表示婚前曾主動向丈夫提及做婚前財產公證;而林峯反應強烈「神經病!我的東西全部都是你的」,果然係名副其實嘅「寵妻狂魔」!

張馨月曾向林峯提及做婚前財產公證,證明自己真心愛對方!Photo from 《妻子的浪漫旅行5》

而林峯就認為既然都要結婚,婚後嘅所有東西都屬於老婆!Photo from 《妻子的浪漫旅行5》

# 張馨月都係富二代?!

然而,網民發現張馨月並非大家所講毫無家庭背景:有指張馨月嘅媽媽曾經稱為「餐飲女王」,仲自爆高峰時期身家過千億!可惜,生意好快就沒落,但聽聞張媽媽一直都等待機會捲土重來。另一方面,張媽媽亦花唔少心機栽培張馨月,將精湛嘅廚藝傳授俾佢,並且鼓勵佢參加唔同選美比賽,提升人氣~

張馨月嘅媽媽曾於餐飲業有一番成就,最高峰時期身家達到過千億!Photo from 張媽媽微博

張馨月亦遺產到媽媽嘅好廚藝,成功抓住林峯嘅胃~Photo from 張馨月IG

雖然張馨月家境唔錯,但入行後嘅佢曾擔任唔同類型嘅模特兒,包括:車模、內衣模特兒等,仲獲得內衣模特兒比賽嘅亞軍!婚後,佢已經大大減少模特兒嘅工作,專心相夫教子~

張馨月曾參加多個模特兒比賽~Photo from 張馨月IG

現時佢甚少參與有關模特兒工作Photo from 張馨月IG

# 傳二人認識係由張媽媽安排

當年仲流傳張馨月同林峯嘅相遇,全因張媽媽安排嘅相親飯局;而佢哋後來仲被傳媒拍到帶同家人一齊同遊海洋公園,似乎熱戀不久就去到「見家長」嘅步驟!

有傳張馨月同林峯嘅相親都係張媽媽安排?!Photo from 微博

而張馨月同林峯好快就被傳媒拍到同家人一齊去海洋公園!Photo from 張馨月IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林峯張馨月廚房曝光!內地網友嫌屋企太寒酸!直言唔及吳千語

2 Dec , 2021

張馨月自從嫁畀林峯後兩人經常高調晒恩愛,不過林峯老婆同女兒仍不時被網民批評,近日張馨月喺微博晒出同老公甜蜜下廚相片,家中廚房曝光,有內地網友留言嫌棄林峯屋企好細:「太寒酸了吧」

張馨月自從嫁畀林峯後兩人經常高調晒恩愛Photo from 張馨月微博

林峯老婆張馨月飽受輿論批評

林峯2019年同內地模特兒張馨月結婚,婚後兩人育有一女,更出演內地夫婦綜藝《妻子的浪漫旅行5》,大方晒恩愛。節目中張馨月多次因為覺覺連累老公而落淚。

林峯2019年同內地模特兒張馨月結婚,婚後兩人育有一女Photo from 林峯微博

林峯張馨月出演內地夫婦綜藝《妻子的浪漫旅行5》,大方晒恩愛Photo from 張馨月微博

兩人嘅感情由拍拖起已飽受輿論壓力,林峯更霸氣護妻:「要鬧就鬧我一個」,獲老公維護嘅張馨月亦不時喺微博分享家庭生活。

兩人嘅感情由拍拖起已飽受輿論壓力,林峯更霸氣護妻:「要鬧就鬧我一個」Photo from 《妻子的浪漫旅行5》

獲老公維護嘅張馨月亦不時喺微博分享家庭生活。Photo from 張馨月微博

但一直以嚟喺微博、小紅書等社交網站張馨月同女兒仍被唔少網民留言批評,而張馨月亦正面回應留言,反擊酸民。

一直以嚟喺微博、小紅書等社交網站張馨月同女兒仍被唔少網民留言批評Photo from 張馨月微博

張馨月亦正面回應留言,反擊酸民。Photo from 張馨月微博

張馨月微博大晒下廚照,林峯屋企廚房曝光

最近張馨月又喺微博大晒運動照同下廚相,雖然老公林峯未有出樣,但喺炮製脆皮五花腩嘅相片中亦可見有人幫手切葱,相信應該係林峯。

最近張馨月又喺微博大晒運動照Photo from 張馨月微博

張馨月炮製脆皮五花腩嘅相片中亦可見有人幫手切葱,相信應該係林峯。Photo from 張馨月微博

張馨月微博晒出同老公林峯甜蜜下廚相片Photo from 張馨月微博

兩人甜蜜下廚更令家中廚房曝光,林峯張馨月廚房以白色大理石為主,廚具亦多數係糖果色,如粉紅、薄荷綠等,十分少女,睇嚟林峯屋企買咩廚具都係由老婆話事。

林峯張馨月家中廚房曝光Photo from 張馨月微博

林峯張馨月廚房以白色大理石為主Photo from 張馨月微博

張馨月屋企廚具多數係糖果色,如粉紅、薄荷綠等,十分少女Photo from 張馨月微博

網民狠批林峯屋企太寒酸

但有網友就指佢擺拍太刻意,下厨著白色衫又唔戴圍裙,更有網民嫌佢屋企太細:「林峯的家太寒酸了吧」

有網友就指張馨月擺拍太刻意Photo from 張馨月微博

有網民嫌張馨月屋企太細:「林峯的家太寒酸了吧」Photo from 張馨月微博

張馨月未有回應網民批評Photo from 張馨月微博

疑吳千語fans狂留言張馨月顏值低

留言仲有唔少評論指張馨月「顏值、學歷都低」:「張小姐的顏值,就算是放在普通人裡面,也是中等之下的水平,放在網紅圈、野模圈、娛樂圈,更加是沒眼看。 」、「大臉,五官真的很不好看」,用詞十分直接。

留言仲有唔少評論指張馨月「顏值、學歷都低」Photo from 張馨月微博

有網友發現呢位留言嘅人疑似係吳千語嘅fans。好多網友都指張馨月「學吳千語」,又指吳千語比佢更有氣質:「一個正版,一個翻版」

好多網友都指張馨月「學吳千語」,又指吳千語比佢更有氣質Photo from 張馨月微博

吳千語屋企廚房更大更豪華?

翻睇吳千語嘅微博,佢平日都經常下廚,吳千語嘅廚房都係以大理石為主,但就加上唔少射燈,感覺更加高級。

翻睇吳千語嘅微博,佢平日都經常下廚Photo from 吳千語微博

吳千語嘅廚房都係以大理石為主,但就加上唔少射燈,感覺更加高級Photo from 吳千語微博

喺佢之前曝光過嘅相片中,廚房擺設十分溫馨,而且空間好大,可以容納到佢同一班朋友一齊下廚,廚具亦非常優雅,連施伯雄都大讚千語bb煮嘅嘢好食!

吳千語之前曝光過嘅相片中,廚房擺設十分溫馨Photo from 吳千語微博

吳千語廚房空間好大,可以容納到佢同一班朋友一齊下廚Photo from 吳千語小紅書

吳千語用嘅廚具則以木系為主,連施伯雄都大讚千語bb煮嘅嘢好食!Photo from 吳千語小紅書

吳千語緋聞男友為百億富三代施伯雄

吳千語2012年同林峯拍拖後愛得高調,林峯更公開連續講7次「好愛」女友,不過呢段戀最終未能開花結果,兩人於2018年分手。

吳千語2012年同林峯拍拖後愛得高調,兩人於2018年分手Photo from 吳千語微博

而吳千語亦另有發展,佢嘅緋聞男友百億富三代施伯雄微博帳號曝光,施伯雄對女友一片痴心,帖文幾乎全部同吳千語有關,更有報道指吳千語已搬入男方名下位於九肚山價值$5,000萬豪宅共賦同居!

吳千語嘅緋聞男友百億富三代施伯雄微博帳號曝光,施伯雄對女友一片痴心,帖文幾乎全部同吳千語有關Photo from 施伯雄微博

吳千語嘅男友家底豐厚,林峯父親林華國有「廈門李嘉誠」之稱,外界保守估計其資產超過30億!現任施伯雄來頭仲勁,係全國政協施子清長孫,爸爸擔任家族公司董事總經理,名符其實嘅百億富三代!

現任施伯雄來頭仲勁,係全國政協施子清長孫,爸爸擔任家族公司董事總經理,名符其實嘅百億富三代!Photo from 施伯雄微博

睇千語BB嘅廚房亦極有可能係位於九肚山愛巢,其奢華裝修同佈置,盡顯富貴一面。

千語BB嘅廚房亦極有可能係位於九肚山愛巢Photo from 吳千語小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel