內地男星「逆轉整形」大成功獲網民一面倒盛讚!從蛇精男變型男:簡直係奇蹟!

內地男星「逆轉整形」大成功獲網民一面倒盛讚!從蛇精男變型男:簡直係奇蹟!

娛樂新聞
By Stephanie on 30 Mar 2022
Digital Content Writer

內地男藝人林皓洋(前藝名:廖勁鋒)過往出演電視劇《香蜜沉沉燼如霜》飾演「撲哧君」而為人熟悉。但佢就因為過度「修飾」嘅外表,而經常被大家稱為「蛇精男」,而佢亦大方承認臉部曾經整形,然而近日佢又再一次被發現改頭換面,卻被網民大讚終於變返正常?!

內地男藝人林皓洋被網民發現再次「換面」,但今次卻獲得網民盛讚?!Photo from 微博

# 男星林皓洋入行前就已經微調?!

現今醫學科技先進發達,唔少人都會為咗擁有自己夢想嘅樣貌而決定整形!內地男星林皓洋剛入行嘅時候,以網紅「轟叔」身份出演綜藝節目;當時就已經因為不符合比例嘅大眼睛,令唔少網民認為佢曾經整形!過往佢就讀於中國傳媒大學,係學校公認嘅校草,曾獲得「大眾時尚潮男」嘅名銜。

當時就已經被網民認為五官唔太自然,有整形嘅嫌疑!Photo from 《奇葩說》

林皓洋過往曾以網紅「轟叔」身份上節目!Photo from 《奇葩說》

# 出演《香蜜沉沉燼如霜》飾演「撲哧君」被網民批評!

後來,「轟叔」正式入行,於2018年出演內地知名電視劇《香蜜沉沉燼如霜》嘅林皓洋飾演「撲哧君」時,樣貌似乎更加誇張,經常被網民認為外貌過分虛假,直呼佢為「蛇精男」!而佢亦從來冇掩飾過自己曾經整形嘅真相,坦承為演藝事業而多次進行外貌調整,務求擁有完美面龐。

林皓洋2018年曾出演《香蜜沉沉燼如霜》Photo from 《香蜜沉沉燼如霜》

當時佢非常異國風情嘅外表,已經被網民批評唔適合出演古裝劇!Photo from 《香蜜沉沉燼如霜》

# 林皓洋近日改名兼「變面」獲一面倒大讚靚仔!

近日,林皓洋又再一次被網民發現「變面」,仲將過往嘅藝名重新改過,似乎係想象徵演藝事業嘅新開始。而今次佢嘅外貌就獲得網民一致好評,搖身一變成為陽光男孩,五官亦變得十分自然,完全毫無整形痕跡令網民驚艷,瞬間登上熱搜!

近日,林皓洋被網民發現將名字改咗,樣貌亦同以前好唔同!Photo from 林皓洋微博

林皓洋外貌比以前自然,獲大量網民大讚~Photo from 林皓洋微博

# 正面回應「換面」傳聞!

受寵若驚嘅林皓洋於微博上公開談論「再次換面」嘅傳言,仲提及「抖音上提及改頭換面三次等都挺準確的」,並感謝網民們正面嘅評價。唔少網民都認為佢回得十分得體,大讚佢敢作敢為值得讚賞!

林皓洋對於頻頻登上熱搜感到驚訝!Photo from 林皓洋微博

間接承認入行後多次進行整形手術Photo from 林皓洋微博

# 分享外貌修復過程!

隨後,林皓洋大方分享自己嘅「修復之路」,指認清自己嘅審美有偏差並作出改善,而當時最大問題就係雙眼皮唔自然!佢表示過程並非一下子就順利,經過4次嘅「修復」後,先變成現時嘅樣貌,強調並非鼓勵大家整形,而係希望鼓勵大家喜歡及接受自己嘅樣貌~

林皓洋於小紅書分享「樣貌修復之路」!Photo from 林皓洋小紅書

其中最重要嘅就係調整唔自然嘅雙眼!Photo from 林皓洋小紅書

足足花咗4次手術先完成Photo from 林皓洋小紅書

# 網民讚嘆現今醫美技術!

另一方面,有網民就將林皓洋過往嘅樣貌作出對比圖,不禁讚嘆該醫師嘅「逆轉整形」技術,大讚「簡直是奇蹟!」、「第一次聽將樣貌還原的!」等留言,亦有網民好奇究竟林皓洋原本嘅樣貌係咪同宜家差唔多?!

有網民就整咗林皓洋樣貌進化史圖Photo from 微博

網民們都對於現今嘅醫美技術感到驚訝!Photo from 微博

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

40歲薛凱琪新照似范冰冰?!網民唔認得 連房祖名都留言「大讚」

19 Oct , 2021

薛凱琪(Fiona)向來擁有甜美外表,但近年不時被指樣貌有大變化,更被指撞樣蔣雅文、「Do姐」鄭裕玲等人。近日,佢於IG上載自拍片段,可見Fiona包包臉全消,更引嚟好友房祖名留言抽水!

薛凱琪上載新片被網民指又變樣Photo from 薛凱琪 IG

薛凱琪自出道後多次被指「變樣」,與多名女星撞樣

40歲薛凱琪(Fiona)2003年出道,甜美清新形象加上多首熱門K歌令佢迅速走紅,其後參演多部話題戲劇如《早熟》、《分手說愛你》、《學警雄心》等一度令佢人氣高企。而佢近年亦不時推出音樂作品,如《哥本哈根的另一個我》等都引起粉絲熱議。

初出道嘅薛凱琪樣貌甜美Photo from 連登討論區

自出道以來,Fiona一直被指有頗大嘅外貌變化。初出道時,佢以可愛包包臉及迷人大眼令人留下深刻印象。但佢同時被指頸部過長,經常被網民指比例不好看。

《學警雄心》嘅薛凱琪留有一頭清爽短髮令人眼前一亮Photo from 《學警雄心》

薛凱琪一直被不少人指頸部太長影響比例Photo from TVB

而Fiona亦多次被指同多名女星,甚至卡通人物撞樣。佢曾被指同鄭裕玲(Do姐)、孫燕姿、蔣雅文,甚至《Toy Story》中嘅「嘉比嘉比」似樣!

薛凱琪曾被指同鄭裕玲(Do姐)撞樣Photo from 鄭裕玲 IG、網上圖片

有網民認為薛凱琪同《Toy Story》中嘅「嘉比嘉比」幾相似Photo from 《Toy Story》、薛凱琪 IG

薛凱琪新片竟撞樣范冰冰?!

Fiona日前於IG上載自拍短片,並留言表示自己因拍攝節目而長時間未有進食,現在要食火鍋醫肚。

薛凱琪上載新片影自拍close-upPhoto from 薛凱琪 IG

大家覺得薛凱琪有無變樣?Photo from 薛凱琪 IG

薛凱琪 IG新片無曬包包面~Photo from 薛凱琪 IG

片中,可見Fiona無曬包包臉,其大眼+高鼻+V面外貌引嚟大批網民留言,紛紛指佢「唔同曬樣」、「完全認唔到你」、「濾鏡定整咗?唔同咗樣?」,更有部分網民話以為佢係范冰冰,亦有人對於Fiona「變樣」感到失望,表示:「越整越無咗自己」。

新片引嚟好多網民留言話Fiona唔同曬樣Photo from 薛凱琪 IG

仲有網民覺得Fiona今次同范冰冰撞樣Photo from 薛凱琪 IG

連房祖名都留言

就連Fiona好友、昔日緋聞男友房祖名都留言:「E又變索咗喎,條頸短左喎!」房祖名嘅幽默留言即引來不少網民讚好。

連房祖名都入嚟揶揄薛凱琪「頸長」特點Photo from 薛凱琪 IG

雖然Fiona新片被不少網民懷疑整形,但亦有人留意到其標誌性嘅癦有時會消失,所以認為Fiona變樣原因只係因為加咗濾鏡~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel